Isaya 5:28 - KITABU KITAKATIFU

²⁸ Mivano jaavo juvuta ni miugi ligali, nuvuta vwavo vwetegeki kulasa. Zimbagayu zie zibarasi ziavo ziveeye zindinyu kuli magina; virenge via magare gaavo gu vulwani vinyagulaa kuli kihuzuzi.

Isaya 5:28 Iomraidhean Croise

Zaburi 120:4

Alamuha mageri mulimulasa im'mbano ju vuta imiuge, kandi na manda gumuliru gumusala gwi kilaha!

Zaburi 45:5

Mivano juvuta vuvwo jiveeye miugi ligali; jitozaa mioyo ja vasigu vovo, zihiiri zigwizaa hasi hi virenge vivio.

Isaya 13:18

Valiita avasoleri nu vuta na matimu gaavo. Si valavererera avana avadoto mba.

Isaya 21:1

Yili ni likuva lia Nyasaye kigira Babiloni Kuli vihuzuzi vinene kutura Negebu vihuzaa kuvitira hagati hi changalangwe, ikivi kilaaza kutura mu kivala chi litihiza.

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Jeremia 4:13

Henza, musigu yaza kuli amalesi. Amagare geege gu vulwani gaveeye kuli imbuza yi kiihi, kandi zibarasi zizie zinyagura vwangu ukuvita izindizu. Kwagota! Kandi kwadiva!

Jeremia 47:3

Navahuliri muliviti gwi zibarasi, muliviti gwa magare gu vulwani, kandi lihulirika lia magurudumu. Avababa sinavagirung'ane nukwikivuka kigira avana vaavo mba; makono gaavo nagaleme.

Jeremia 5:16

Avasaza vaavo vukulasa uvuta vaveeye avasikari vizingulu ligali avitaa vugira kovererera.

Ezekieli 26:11

Avasikari vaavo viliihi naviitili avandu vinyu mu zinzira zienyu. Zitiru zienyu zie zinguru zilagwa hasi.

Ezekieli 38:9

Oyo harara ni liihi lilie kandi zihiiri zinyingi harara naye zilakingiliri kuli ikiihi kandi zilakunika kivala kuli lilesi.”

Danyeli 11:40

“Lwi ing'inga yu mwami wa Siria yu kumalirika iliva ahimbi kuduuka, mwami wa Egebeti alakamwingiliri, na mwami wa Siria alakamulwaane ni zinguru zizie ziosi. Alakatumikiri magare gu vulwani, zibarasi, kandi zimeri zinyingi Alakingiliri vivala vinyingi kuli amazi gi migelera.

Mika 4:13

Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”

Nahum 3:2

Huliriza likinduka lie imbimbu! Muliviti gwa magurudumu ga magare, ligenda lie zibarasi, litumagila lia magare gu vulwani.

Vakalagi 5:22

Maku zibarasi ziaza ni zinyaguraa, niziseena izimbagayu ziazio hasi.