Isaya 5:25 - KITABU KITAKATIFU

²⁵ Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 5:25 Iomraidhean Croise

1 Avami 14:11

Mundu woosi, winyumba yooyo ukuzira mu lidaala linene, alaliivwa nizimbwa, kandi mundu woosi ukuzira mu kiguti, alalivwa ni zisoti. Inzi Yahova mali komoloma.’ ”

1 Avami 16:4

Ku woosi oveeye ku vinyumba yooyo ukuzira mu madaala manene alaliivwa ni zimbwa, na ku woosi ukuzira mu milimi alaliivwa ni zisoti.”

1 Avami 21:24

Mundu woosi oveeye mwiko woovo ukuzira mu lidaala linene, alaliivwa ni zimbwa, kandi mundu woosi ukuzira mu milimi, alaliivwa nizisoti.”

2 Avami 13:3

Kunangwa Yahova yavihilirwa na Isiraeli ligali, kandi yaleka mwami Hazaeli wa Siria nu muyaayi weve Benihadadi kuguuta Isiraeli vuli ing'inga.

2 Avami 9:37

Zinyama ziu muviri gwigwe zilakasalanywe uwene yeyo kuli isingu, kunangwa mundu kali mulala sialakanyalize kugumanyiriza.’ ”

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Ayubu 9:13

Nyasaye sianyala kugirung'anyia uvutima vwivwe mba; yashonoranyia avasigu veve avakonya Rahabu ukuhingana naye.

Zaburi 106:40

Kunangwa Yahova yaali nu vutima vonene ku vandu veve, kandi yavihilirizwa ligali navo.

Zaburi 114:7

Odegere O, ivi lirova, ku liza lia Yahova, odegere imbiri wa Nyasaye wa Yakobo,

Zaburi 18:7

Maku lirova liosi liadegera na imise ji vigulu jadengeya. Kigira Nyasaye yaali nu vutima.

Zaburi 68:8

lirova liadegera kandi ligulu liasundura imbura; kigira ivi weng'ine O, Nyasaye wa Isiraeli, wivuula umwene ha kiguru cha Sinai.

Zaburi 77:18

Mwoyo gugwo gwahulika kuli liatuluruka lie inguba, kandi lihemahema lioloheni liaka mu lirova liosi; lirova liatenga kandi ni lidegera.

Zaburi 78:38

Navuzwa Nyasaye yavererela avandu veve ligali. Yavasamiha uvwoni vwavo kandi siyavadiviza mba. Zing'inga zinyingi yigalira uvutima vwivwe vuvuli kutura, kandi siyaleka uvululu vwivwe vwosi vuduuki kuvo mba.

Zaburi 83:10

Ivi wavadiviza ligali mu lidaala lia Endori ahimbi ni kiguru cha Tabori, kandi miviri jaavo jagundira ku marova.

Kutwula 7:19

Yahova yavolera Musa, “Volera Haruni avuguli imbimbu yeeye kandi anyiiri mukono gwigwe agiviiki ku amazi gi migera jiosi notogera kali ku zinyanza na madavalia goosi mu Egebeti. Amazi galagwa amasahi, kandi kivala choosi kilava amasahi kali mu viju via magina.”

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 14:19

navuzwa ivi si oveeye ni kilindwa mba, muviri gwugwo gwa siuvwa ichova kugunda. Gwakunikwa ni miviri ja avasikari viitirwa mu vulwani ma vasiuvwa mu zimbangaywa zia magina, kandi jiduvagirwa hasi.

Isaya 23:11

Yahova umali kunyiira mukono gwigwe kunyanza nukwononyia uvwami. Umali kuhaana lilaga kwononyia havundu hu vukala mu Foenisia.

Isaya 25:11

Valanyira makono gaavo igulu kuli mundu agerizaa kwelema ku mazi, navuzwa Yahova alavagehiza ku ligehiza liegingira liavo, na makono gaavo galiyina musi vugira zinguru.

Isaya 29:2

maku kandi Nyasaye alaleeta ikivi ku lidaala linene lilangwa “Uvwali vwa Nyasaye.” Halakave ho ni lilira kandi nilisioma, na lidaala linene liosi lilakave kuli uvwali vukunikiywi na masahi.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Isaya 51:20

Avana vovo vagwiyi hasi, kigira vwongoyi vaagoni mu keheri cha vuli inzira, vaveeye kuli embongo igumiliywi mu mutego gwu muhiizi. Vanyangizwa nu vutima vwa Yahova. Kandi ni ligondoka lia Nyasaye.

Isaya 64:3

Ing'inga yaali ho lwa wakola vindu viu kutihiza iviakwavula kuganangana ku, vigulu viadegera imbiri woovo.

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Isaya 66:24

“Avandu vosi valazia nokohenza ku miviri jakuza jayavo avamala kwibaala ku inzi. Zing'ende zililia miviri jaavo na si zilakuza mba, kandi muliru guvasamba si gulasiminywa mba, kandi valava chu kuvihiliriza ku vandu vosi.”

Isaya 9:11

Yahova umali kusingiriza avasigu vaavo kuvingilira.

Isaya 9:16

Yavo avimiliraa avandu yava vamali kuvachaminya kandi kuvagoyanyia ligali muno.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Isaya 9:20

Havundu hoosi mu kivala avandu vanuraa nukulia ichukulia choosi cha vanyara konyoora, navuzwa sivigutaa kali hakuzu mba. Kali valiza avana vaavo vene!

Isaya 9:21

Avandu vi ihiiri ya Manase na avandu vi ihiiri ya Efuraimu vingilirana aveene naveene; kandi vombi harara, vatutilanga avandu vi Ivuyuda. Navuzwa ku yaga goosi, uvutima vwa Yahova sivoheraa mba. Akinyiiyi vuzwa mukono gwigwe ukuhaana mageri.

Jeremia 15:3

Inzi Yahova, mali kotovola ndi, ndalaga vindu vine viukutihiza kokoleka kuvo: Valitirwa mu liihi; zimbizi zilatandula miviri jaavo; amanyonyi galalia miviri jaavo, kandi zinyama ziu mbulimu zilalia miviri jitigala.

Jeremia 16:4

Vaza varware zinguzu ziukutihiza manavakuzi kandi siaveeyeho kali mulala waza asiome anoho kuvayavira mba. Miviri jaavo jaza jivungi kuli kitumi chemboreya kumarova. Valakitirwi muvulwani anoho navakuzi kigira inzara, kandi miviri jiavo jilakagwi chukulia chamanyonyi nizinyama ziumbulimu.

Jeremia 17:4

Mulaleka kivala cha ndaamuha nu kukihaana ku avasigu vinyu. Ndamukora mu vatumikiri avasigu vinyu mukivala cha mutamanyi kindu kali hakuzu, kigira uvutima vwange voveeye kuli muliru, kandi guladuka nu kusamba mihiga ni mihiga.”

Jeremia 4:24

Ndahenza ku vigulu naviadegeraa, kandi vigulu viosi viazizaa imbiri ni inyima.

Jeremia 4:8

Kunangwa mwiviki zinguvu ziamagunia, muliri kandi musiome; kigira vutima vululu vwa Yahova vukikiri kugirung'ana kutura ku avandu vi Ivuyuda.

Jeremia 6:12

Zinyumba ziavo kandi imilimi, navakari vaavo, vilahaanwa kuvandi. Nziza kuhaana amageri ku vandu vikivala yiki.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Jeremia 9:22

Miviri jiavakuzu jiasalanywa havundu hoosi, kuli vitumi vie isiina mumirimi, kuli uvuswage votemeywi nukungarwa numugesi, kuli uvuswage vumundu atavungizi. Yaga nigo aga Yahova amboleeye mbore.”

Lisyoma lya Jeremia 5:22

Anoho ivi waakusula kunyi ligali? Ivi ulazizagilira kuva nu vutima ni kunyi?

Ezekieli 15:6

Kalunu yaga nigo agu Yahova Wuvunyali avoora, “Kuli Muzabibu guvugulwaa kutura mumulitu ma gusambwa, nindio inzi ndakavuguli avandu vamenya mu Jerusalemi

Ezekieli 30:25

Yee, ndamukora kuva mudedekere kandi ndakora mwami wa Babiloni kuva ni zinguru. Lwa nambane kivavi change kuye kandi na kesone mu kivala cha Egebeti, vuli mundu namanye ndi Inzi mbeeye Yahova.

Ezekieli 6:14

Yee, ndanyira mukono gwange nukudiviza kivala chavo. Ndakekola kuva amang'anye kutura mwigendanyama kuduuka mu lidaala linene lia Ribula Ivaale, vugira koleka havundu hoosi ha vandu va Isiraeli vamenya. Maku vuli mundu namanyirizi ndi inzi mbeeye Yahova.”

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Amosi 8:8

Na kulwayago, lirova liladegera, na vuli mundu omenyi mu kivala alava mu kivi. Kivala choosi kiladengeyizwa, na kilasinuka nukugwa kuli mugera gwa Naili.”

Mika 1:4

Vigulu vilayinguka isi weve kuli ihura eveeye mu muliru; vilasundulwa hasi musi mumavona kuli amazi gasundulwa kutura ku kiguru.

Nahum 1:5

Vigulu videgera imbiri wa Yahova; vigulu vikekeke vivunguluka imbiri weve. Lirova lidegera lwa Yahova alolekaa; kivala kandi avandu vamenyi mu vadegera.

Habakuk 3:10

Vigulu viadegera lwa viakolola; mazi gasunduka kutura mu vwerefu, mazi gafuuma isi wilirova, kandi viguvuli via go viazia igulu ligali.

Zefania 1:17

Yahova avoora, “Ndakaleete kivi ku vandu vosi, maku valakahunahuni kuli avavoku, kigira vamali kongolera vwoni. Kalunu masahi gaavo galakasundulwi kuli amazi kandi miviri jaavo mikuzu jilakagundiri ku marova.”

Kwidzulitsa 31:17

Lwa yago galiekoleka, ndakave nu vutima vonene ligali. Ndakavaleke kandi valakadivizwi. Amaduywa gukutihiza, manyingi ni kivi galakavagwiri, ma kandi valakamanyirizi ndi vindu yivi viekoleka kuvo kigira inzi, Nyasaye wavo simbeeye navo kandi mba.

Kwidzulitsa 31:18

Kandi ndakasuuli kuvakonya, kigira vamali kokora uvudamanu, kandi kusigamira avanyasaye vandi.

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.