Isaya 5:23 - KITABU KITAKATIFU

²³ Navuzwa kigira viambeti, mulakula yavo avamahiolo vazie, na mwigalira utaveeye nimbala kuvula kunyoola likalaga liu vulungi.

Isaya 5:23 Iomraidhean Croise

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Zaburi 94:21

Avazilohizaa mu vwivisu kokolera avandu valahi uvudamanu. Kandi avakalagiraa avandu vataveeye niimbala likuza.

Tsing'ano 17:15

Uyu okolaa vuchamu kuva uvulungi kandi ukalagiraa avalugi, vombi vaveeye vu kuvihiliriza ku Yahova.

Tsing'ano 17:23

Vakalagi vadamanu vavugilira vaimbeti mu vwivisu, sivakora vulungi mba.

Tsing'ano 24:24

Niiva alavoora mundu muchamu aveeye vugira imbara, avandu valamulaama kandi zihiiri zilamusuula.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Isaya 10:1

O, Vayaye kivi keveeye ku munyi! Munyi avalomba amalago kuva amachamu nu kudambiza avandu vange.

Isaya 10:2

Mukora ndio kunangwa muduuki kwigalira avadaka vavuli konyoora uvulungi vwavo, kandi vavuli konyoora likalaga liu vulungi. Nindio mukoraa muduuki kuvugura miandu ja vakunzakali na vavisandu.

Isaya 28:7

Kali vaporofeti navasaalisi vaveeye vahambiku ligali kali vagenda nivayekayeka vanweeye iwaini namalwa malulu kali vikigitara mugoyana. Avaporofeti vaveeye vahambiku ligali kali sivanyala kumanyiriza malola ga Nyasaye atumaa mba, na vasaalisi navo kandi vaveeye vahambiku ligali kali sivanyala kukalaga viyaalo viletwaa kuvo mba.

Isaya 29:21

Nyasaye aladiviza yavo vavehera avandi, yavo vaagirung'anyia amageri gahevwa vandu vadamanu, kandi yavo avavolaa vovehi ukwigalira avandu vasuuvirifu vavuli konyoora likalaga lirungi.

Isaya 32:7

Mundu muyingu aveeye mudamanu kandi akolaa vindu vidamanu. Alohizaa mu vwivisu aduuki kudiviza avadaka na amakuva gu vugadi, kandi ahingiraa vadaka vavuli konyoora uvulungi vwavo.

Isaya 59:15

Agiligali sigaveeye ho mba kali ku vosi oleka likora uvudamanu yiviika umwene mu lidambizwa.” Yahova umali kolola yaga, kandi uvihiliriziywi konyoora ndi sihali ni likalaga lirungi mba.

Amosi 5:12

Kigira inzi manyi kuli mahiolo ginyu gaveeye manyingi kandi manyi kuli uvwoni vwinyu voveeye vonene ligali. Munyi mudambiza avalungi nukuvugula viambeti; mwigaliranga avadaka vavuli konyoora likalaga lirungi liavo mu viyaalo.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Mika 7:3

Vosi vaveeye nilimanya liokokola uvudamanu; aviimiliri na vakalagi vetegeki vahevwe viambeti. Avanene vizingulu vaniga kohevwa via venya; kulwayago valohiza harara okokora uvudamanu.

Matayo 23:35

Kulwa yaga, amaduywa goosi galava ku munyi kigira amasahi ga valungi agaatahizwa mu lirova. Yee, kutura ku liitwa lia Habili utaali na mahiolo kuduuka ku liitwa lia Zakaria, umwana wa Berekia, wa mwitira hagati hi Litembeli nu vwali.

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Yakobo 5:6

Mumali kukalagira kandi kwita avandu avataveeye nimbara navo sivahingiraa munyi mba.