Isaya 5:20 - KITABU KITAKATIFU

²⁰ O, vayaayi, kivi keveeye ku yavo avalangaa uvudamanu kuva uvulahi, na avalangaa uvulahi kuva uvudamanu! Mugirung'anyia kisundi kuvo uvulavu, nu uvulavu kuva kisundi. Mukoraa yicho ekeveeye kilulu ligali kuva kenoru kuli uvwuki, na yicho ekeveeye kenoru kuva ikilulu ligali.

Isaya 5:20 Iomraidhean Croise

Ayubu 17:12

Navuzwa avalina vange vavola ndi, uvudiku voveeye umbasu; vavoolaa ndi uvulavu vuveeye ahimbi, navuzwa inzi manya ndi mbeeye vuzwa mu kisundi.

Kutwula 23:7

Utavoola amakuva guvugadi mba kandi utiita mundu utaveeye nimbala kandi mulungi mba, kigira ndakalagira woosi okola kindu kidamanu kuli yiki.

Tsing'ano 17:15

Uyu okolaa vuchamu kuva uvulungi kandi ukalagiraa avalugi, vombi vaveeye vu kuvihiliriza ku Yahova.

Tsing'ano 4:17

Uvuchamu kandi vunuuri ni kuli vukima na mazi kuvo.

Isaya 24:9

Sivalanwa iwaini nukwimba zinyimbu ziu vusangali kandi mba; Amalwa gagwiyi amalulu ku yavo avaganwezaa.

Isaya 29:21

Nyasaye aladiviza yavo vavehera avandi, yavo vaagirung'anyia amageri gahevwa vandu vadamanu, kandi yavo avavolaa vovehi ukwigalira avandu vasuuvirifu vavuli konyoora likalaga lirungi.

Isaya 30:10

Vavoolera avaporofeti vakiring'ane. Vavoola, “Mutamolomi kukunyi kigira agaveeye malungi mba. Mukovolere agakweenya kuhulira. Leki kulindi guvugadi giitu.

Isaya 32:5

Vandu vasiru si valaganaganwa kuva vu luyali mba, anoho mundu mudamanu sialavoorwa kuva musuvirifu mba.

Ezekieli 13:19

Munyi mwavura kuhaana luyali ku inzi imbiri wa vandu vange kunangwa muduuki konyoora uvuswage vokekeeke kandi migadi mikekeeke. Mwita vandu vataduukanaa kwitwa kandi muhonyia vandu vataduukanaa vavuli kuva mwoyo. Kunangwa muvooraa makuva gu vugadi ku vandu vange, kandi vamusuuvira.”

Amosi 5:7

Munyi mudivi avagirung'anyia uvulungi kugwa uvudamanu, avagadaa avandu kutura ku vulungi vwavo.

Mika 3:2

Munyi mudunyiraa uvulahi na muyanzaa uvudamanu; avavagaa amagondo kutura ku avandu vange nivaveeye mwoyo kandi avatuliza zinyama ku vigumba viavo.

Habakuk 1:4

Malago sigaveeye ni zinguru mba, kandi gaveeye vuzwa, vulungi sivokolwaa mba. Avandu vadamanu vanyoola vindu vilahi via vandu valungi, kandi vulungi vuchaminywaa.

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”

Malaki 3:15

Kuli kololaa, vandu vaveeye ni lielola nivo vaveeye nu vugasu. Avandu vadamanu sivanyoola vuzwa vutugi mba, navuzwa vageriza liekuzira lia Nyasaye mu vikolwa viavo vidamanu ma vahononoka.’ ”

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Kwidzulitsa 25:1

“Niiva vandu va Isiraeli vaviri valazia kuyarana mu kiyaalo kwavukanyia vosoolo hagati haavo, na mulala anyoleke siaveeye nimbala, nu uwundi aveeye nilihiolo,

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.