Isaya 5:2 - KITABU KITAKATIFU

² Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Isaya 5:2 Iomraidhean Croise

2 Samweli 7:10

Mali kotovola havundu kigira avandu vange Isiraeli, kandi mali kuvaviikaho, na valamenya havundu yaho, vugira kudambizwa kandi. Vasaza vu vutindi vavuli kuvatulira kandi, kuli vaakora ku maziambiri;

Nehemia 13:15

Mu madiku yago, ndaalora avandu mu Ivuyuda nivamiinaa makuyu ga mazabibu ku Lidiku lie Lisabato. Avandi vaali nivaleeta uvuswage nuviika ku zibunda, harara ni iwaini, mazabibu, makuyu, nimisigo jindi josi. Na vaali nivajiletaa mu Jerusalemi ku lidiku lie Lisabato. Kunangwa ndaviganihiza vavuli kuguliza kindu choosi ku lidiku lie Lisabato.

Zaburi 80:8

Ivi waleeta avandu vovo avaveeye kuli muzabibu kutura Egebeti; wakunga zihiiri zindi ziosi ziamenya mu kivala cha Kanaani. Kandi waleka avandu vovo ni vavugura kivala yiki.

Zaburi 80:9

Inyima lwa waali ni wakakua zihiiri zindi yizio kutura mu kivala cha Kanaani, avandu vovo vaavugura kivala ni vamenya mu. Kandi vameedeka ligali kuduuka niviizura kivala choosi.

Kutwula 33:16

Ganyala kumanyikana ndi ivi uyanziziywi na avandu vovo kandi ninzi, niiva siulazia nikunyi? Lizia liilio harara nikunyi, lilamanyia liavukanyia hagati hiitu na avandu vandi vosi avaveeye mu lirova.”

Isaya 1:8

Lidaala lia Jerusalemi lilekeywi kuli kidioli chumusikari mu kizabibu, anoho lidiri mu mulimi gwa mahondo kuli lidaala likumbiriziywi na vasigu.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Jeremia 11:17

“Inzi Yahova Nyasaye Wuvunyali, ndaasimika avandu va Isiraeli kandi Ivuyuda kuli misaala, navuzwa kalunu ndavatiihiza ku lileta ikivi kuvo. Vamali kweletera yaga aveene, kigira vamali kokora vudamanu ligali; vamali kokora inze kuva nu vutima ku lihaana visiuviliru ku Baali.”

Jeremia 2:21

Ndaali ni ndamusimika kuli musaala gwa makuyu gwa ndaatovora, kutura ku uvuguza uvulahi ligali. Navuzwa loli kuli mumali kugirung'ana! Muveeye kuli muzabibu gumali kugunda ugutaveeye kindu kali hakuzu.

Hosea 10:1

Avandu va Isiraeli vaali kuli muzabibu munetu ugwama makuyu amanyingi. Lwa vaali ni linyola linyingi, nilwo lwa vumbaka uvwali vunyingi. Limeedeka liu vutugi vwi kivala chavo liavakola kolomba zitiru zia magina zindahi ziavasigamiraa.

Mika 4:8

Na Jerusalemi lidaala linene, ha Nyasaye aveeye kuli mwayi kulinda avandu veve, halava kandi lidaala linene lio vwami vwali uvwinyu.

Livalidza 23:9

Nyara kuvalola kutura kondongozi yi kiguru; nyara kuvahenzeriza kutura ku vigulu. Vaveeye ihiiri emenyi yeng'ine vamanyi ndi na vandu vagasizwa kuvita zihiiri zindi.

Matayo 21:19

Yalora mukuyu kunyasi kwi inzira, maku yazia kugwo, navuzwa si yanyoora kindu kugwo mba, nigatali amatu geng'ine. Yagovoolera, “Utama kandi amakuyu mihiga josi mba!” Ahene yaho, mukuyu gwaniala.

Matayo 21:33

Yeso yavoola, “Huliri lugano lundi: Mundu mulala mwene mulimi yasimika kizabibu; kandi yeeva ulugaga nayava mu kiminilu chiwaini. Yumbaka umunaara gwokohenzeraku. Inyima yatekela avalimi vandi, ma nazia mu kivala kindi ihale.

Matayo 21:34

Lwi ing'inga yi ligesa mazabibu yaduuka, yatuma avatumikiri veve ku valimi ndi vamuhe ku mazabibu geege.

Marko 11:13

Maku yalora umukuyu na aveeye ihale, ugwali na matu amanyingi. Yazia nahenza ku mbula anyoore ku kindu. Lwa yaduuka kugwo si yanyoora ku ikindu cha alia mba, navuzwa amatu geng'ine kigira si yaali ing'inga ya makuyu kwama mba.

Marko 12:1

Yeso yaatanga komoloma navo mu zing'ano, navoora, “Mundu mulala yasimika mizabibu, naviika kujo ulugaga, nayava kiminilu chiwaini, ni yumbaka umunaara gwu mulindi kohenzera avasigu. Maku yahaana kizabibu ku nazia ologendo mu kivala kindi.

Marko 12:2

Lwi ing'inga yu kuvuna mazabibu yaduuka, yatuma umutumikiri ku valimi amuvuguliri ku makuyu gimizabibu.

Varumi 9:4

Vaveeye avandu va Nyasaye; yatovola vave avana veve; naavavuulira uvukumi vwivwe. Yalomba lilagana lilie navo, kandi navaha Lilaga lilie; vaveeye ni lisigamira Nyasaye liageligali. Vanyoola lisuuvirizwa lia Nyasaye;

1 Vakorintho 9:7

Siaveeyeho musikari utumikaa vuzwa vugira mituungu mba. Mulimi gamudukira kulia amakuyu gi mizabibu ja vasimika. Mwayi gamudukira kunwa ku maveere gi mitugu jije.

Kwidzulitsa 32:6

Ni ndi munyala kokolera Yahova munyi avandu vasiru kandi vataveeye novogeri! Aveeye Baba winyu, mulombi winyu yalomba munyi muve ihiiri.

Vakalagi 16:4

Yaga nigaavita, Samusoni yaayanzana nu mukali wundi walangwa Delila, uwamenyaa mulivoona lia Soreku.