Isaya 5:15 - KITABU KITAKATIFU

¹⁵ Vuli mundu alava mu zisoni, kandi avigingiri vosi valagehizwa.

Isaya 5:15 Iomraidhean Croise

2 Samweli 22:28

Ivi ohonyia yavo avaveeye avahoma navuzwa ogehizaa yavo avaveeye avigingiri.

Zaburi 131:1

O, Yahova, inzi mali koleka luyaayi lwange, kandi mali kugirung'ana kutura ku liegingira liange. Inzi sinziyingirizaa mu makuva manene mba, anoho vindu viveeye vidinyu ligali ku inzi mba.

Zaburi 62:9

Avandu vosi vaveeye vuzwa kuli umwika. Avanene navakekeeke keleng'ani sivaveeye kindu kitakonya vaviiki ku kibimu, na sivali nuvulitu mba; vaveeye avahuuhu vuzwa kuvita mwika.

Kutwula 9:17

Kali ukikiri mwigingiri na usuyi koleka avandu vange vazie.

Tsing'ano 30:13

Vaveeye ho na vandu valala avaganaganaa ndi vaveeye valahi ligali oh, henza kuli vaganagana vaveeye valahi ligali!

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 10:33

Yahova Wuvunyali alavagwihiza nu kuvasionoranyira hasi kuli zisia ziu musaala. Avigingiri ligali kandi avataambi ligali ku vosi valikizwa hasi.

Isaya 13:11

Yahova avoora, “Ndaleta kivi ku lirova kandi ndahaana amageri ku vandu vadamanu vosi kigira vwini vwavo. Ndaheriza uluyayi lwa vuli mundu oveeye ni liegingira, kandi ndahaana amageri ku vuli mundu oveeye ni kirage.

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 2:17

Luyaayi lwu mundu lulagehizwa, kandi liegingira liu mundu lilikizwa. Maku Yahova yeng'ine alakahevwe luyali mu lidiku yilio.

Isaya 2:9

Kunangwa avandu yava valagehizwa nu kuvikwa mu zisoni. Yahova, utavasamiiha mba!

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Isaya 37:29

Mali konyoora makuva gu vutima vuvwo ku inzi kandi mbuliyi liegingira liilio ku inzi, ndavika endoani mu amuulu googo, kandi lijamu mu munwa mumwo na ndakwiranyira kunzira ya waazira ku.”

Jeremia 5:9

Nyara kuvaha amageri kigira kokora vindu kuli yivi, kandi kuvanza kisaalia ku ihiiri kuli yiyi?

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”