Isaya 5:13 - KITABU KITAKATIFU

¹³ Kigira yaga mulahilwa ihale kuli avahambe. Aviimiliri vinyu valakuza kigira inzara, kandi avandu vandi avanyingi valakuza kigira uvuluhu.

Isaya 5:13 Iomraidhean Croise

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

Tsing'ano 10:21

Amakuva gu mundu mulungi galakonya avandu vanyingi, navuzwa unyala kwiyita nuvusiru.

Isaya 1:3

Zing'ombe ziamanya mwenezio kandi zibunda ziamanya mwenezio ahazilihizilaa. Navuzwa avandu vange Isiraeli sivamanyi mba, kandi sivahulira mba.”

Isaya 1:7

Kivala chienyu kinganyiywi, madaala ginyu manene gasambiywi goosi nu muliru. Avageni vavugura kivala chienyu nukukidiviza ligali na munyi nimulolaa.

Isaya 23:9

Yahova Wuvunyali, niye walohiza yaga, aduuki kwononyia no koleganyia yavo avaari nu luyali mu lirova liosi.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 3:1

Kalunu Yahova, Yahova Wuvunyali, aveeye ahimbi kutulizaho ivindu viosi kandi vandu vosi avahaana ovokonyi ku vandu va Jerusalemi ni Ivuyuda; Azizaa kutulizaho avandu vosi avahaanaa ovokonyi ku Jerusalemi kandi Ivuyuda. Alatulizaho viukulia viavo viosi kandi na amazi gaavo goosi,

Isaya 3:3

avanene vamahi kandi aviimiliri vaavo, avateti kandi vuli mundu utumikira vusigitiri kokora vindu viokogenyia.

Isaya 44:19

Mulombi wi vifananyi sianyala kwizuliza nukuganagana, anoho novogeri vwo kovora, “Ndasaamba kedonye chu musaala yigu. Ndaalomba mugadi nekedonye kindi kandi nisambira inyama ningilia. Ndaalomba kifananyi ku musaala gwatigala. Nguyu sigamira kisala chavazwa! Ekeveeye livihilirizwa!”

Isaya 49:21

Maku mulakaganagane mu mioyo jinyu ndi, ‘Nivwaha waakwivulira avana yava vosi? Ndagotiza avana vange vosi, kandi siyatigala kali mulala mba. Ndaakungwa kandi ninzadikizwa mu kivala chu vutugwa. Ndaatigara inzi wengine. Avana yava vatura hayi? Nivwaha wavavirukiza?’ ”

Isaya 65:13

Kulwayago, yavo avasigamiraa inzi kandi avahulira inzi valanyora lilia kandi linwa linyingi, navuzwa munyi mulava ninzara kandi muvuluhu. Valava nu vusangali, navuzwa munyi mulava mu zisoni.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 14:3

Avandu vatugi vatuma avatumikiri vaavo kuzia kwenya amazi; vazinza kali mu madavalia, navuzwa si vanyoolanga amazi mba. Viranaa ni zindoho ziavo zinzere, nivakuzi mioyo jaavo kandi nivagoyani mu zisoni.

Jeremia 8:7

Kali amagungu gaamanya ing'inga yu kwirana; kali amakuulu, ziminyi na amang'oani gaamanya ing'inga yu kung'anya. Navuzwa avandu vange munyi, si mwamanya amalago gange aga mwamiihiraa mba.

Lisyoma lya Jeremia 4:9

Yavo aviitirwa mu vulwani vaali vulahi ligali kuvita yavo avakuza kigira inzara; vaang'aha kandi nivakuza kigira si vaali ni viukulia kutura mu mulimi mba.

Ezekieli 7:12

Ing'inga yiza, lidiku liveeye ahimbi. Avakiranyi vatasangala anoho vatasioma mba, kigira vutima vwa Nyasaye vululu vulava ku vandu vosi.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Amosi 8:13

Ku lidiku liene yilio, kali vayaayi na vakana vagima valahi valagwa hasi nukukinda kigira vuluhu.

Luka 19:44

Valamudiviza ligali harara na vana vinyu avaveeye mu madigi ginyu. Sivalileka ligina kali lilala ku lindi mba kigira simwamanyiriza ing'inga yiliiza lia Nyasaye ku munyi mba!”

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

2 Petro 3:5

Avandu yavo aveene vivilira kumanya ndi lwimbiri Nyasaye yahaana lilago, na ligulu kandi lirova vialombwa. Lirova lialombwa kutura ku mazi kandi na mazi,