Isaya 49:4 - KITABU KITAKATIFU

⁴ Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Isaya 49:4 Iomraidhean Croise

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

Tsing'ano 29:26

Avandu vanyingi venyeleriza liyaanzilira liu mwamihi, navuzwa Yahova ahaanaa likalaga liu mulungi.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Isaya 40:10

Yahova Wuvunyali yaazaa kwamiiha ni zinguru, kandi alaza kuhaana amadanyi ku yavo avayahonyia.

Isaya 40:27

O, munyi avandu va Isiraeli, kigira ki mwiliriraa ndi Yahova siamanyi uvudinyu vwinyu mba, kandi siahendaa mwoyo lwa muvura konyoora likalaga lirungi mba?

Isaya 57:21

Sihali ni mirembe ku avoni mba.” Nyasaye wange avoora.

Isaya 59:18

Alahaana mageri ku vasigu veve kolondekana ku agavamali kokora. Yee, uvutima vwivwe ni livaanza kisaalia chiche viladuuka ku vasigu veve. Alahaana mageri kali ku yavo avamenyaa muvivala vie ihale.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 62:11

Yahova alandizaa ku vandu vosi vi lirova ndi: “Muvoolere avandu va Jerusalemi, ndi Yahova yazaa kumuhonyia, kandi alaza harara na vandu va yamala kosoola.”

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Isaya 65:23

Si valakola miyinzi ja vuzwa mba, kandi si valivula avana vaduuki mu kivi mba, navuzwa ndagasiza avandu vange, kandi avana harara ni visukululwi viavo valagasizwa muzing'inga ziosi ziza.

Ezekieli 3:19

Navuzwa niiva uliganihiza umundu muchamu ma avuli koleka uvudamanu vwivwe, alakuza kigira uvwoni vwivwe; navuzwa ivi ulakehonyie.

Kyavalevi 26:20

Liyinzira vudinyu lienyu lilava liavuzwa, kigira kivala chienyu sikilaama viukulia kandi mba misaala sijilaama makuyu mba.

Matayo 17:17

Yeso yativura, “Munyi avamuvula ilisuuvira! Ndamenya ni munyi kuduuka ng'inga ki? Ndikuzira ni munyi kuduuka ng'inga ki? Ndeteri umwana zana hano.”

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Luka 24:26

Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?”

Yohana 1:11

Yaza mu kivala chiche mwene, navuzwa avandu veve sivamuvugilira mba.

Varumi 10:21

Navuzwa ku Isiraeli avoora, “Umbasu gwosi ndegomba kuhambana na vandu vavura kuhulira kandi avibaali.”

2 Vakorintho 12:15

Ndayaanzizwa kutumikira viosi viambeeye navio, kali ukwihaana mwene ligali, kigira imioyo jinyu. Kunangwa, munyi mulanyaanza hakekeke navuzwa inzi ndamuyaanza mbitilira?

2 Vakorintho 2:15

Kunyi koveeye kuli kimuli kifunyaa mwayu mulahi uguhaanwa na Kristo ku Nyasaye, ugulandaa hagati ha yavo vosi avahonyiangwa kandi ku yavo avadivaa.

Vagalatia 4:11

Mbeeye ni lihenda mwoyo kigira munyi, gase miyinzi ja ndakora hagati hinyu jilagota vugira vukala kandi jive hazwa.

Vafilipi 2:16

lwa muva muvahezaa likuva lie livamwoyo. Nimuva nimukora ndio, inzi ndava ni kivuni chukwekonya kigira munyi Lidiku lia Kristo, kigira lilamanyia ndi ilinyang'ana liange liosi harara ni miyinzi josi sijali ja vuzwa mba.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.