Isaya 49:23 - KITABU KITAKATIFU

²³ Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 49:23 Iomraidhean Croise

Litanga 27:29

Zihiiri ziosi zilakutumikira, kandi avandu valakusigamira, ulamiha ku viko vovo vosi, kandi visukululwi via mama woovo vilakusigamira. Ndalaama yavo avakulaama, kandi ndagasiza yavo avakugaasizaa.”

Litanga 43:26

Lwa Josefu yirana yengo, vaavugura vihaanwa kutura munyumba nivamuha ma nivasigama hasi imbiri weve.

Zaburi 138:4

O, Yahova, avami vosi ku lirova valizominya ivi, kigira vamali kuhulira lisuuviriza liilio.

Zaburi 25:3

Utaleka yavo avasuuviraa mu ivi vanyoore zisoni kigira liguutwa. Navuzwa oleke yavo avaveeye vwangu ukwiibaala ku ivi, vave soni.

Zaburi 34:22

Yahova ahonyiaa livamwoyo lia avasuuvirifu veve; vosi avivisanga muye, valahonywa.

Zaburi 68:31

Avanene valaza kutura Egebeti avandu va Ezopia valanyira makono gaavo mu lisaala ku Nyasaye.

Zaburi 69:6

O, Nyasaye Wuvunyali utaleka ndete zisoni ku yavo avasuuviraa mu ivi mba! O, Nyasaye wa avandu va Isiraeli, Utaleka ndete lileganywa ku yavo avasigamiraa ivi mba!

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 14:2

Zihiiri zindi zinyingi zilakonya avandu va Isiraeli kwirana mu kivala icha Yahova yavaha. Hene yaho, zihiiri zindi zilatumikira avandu va Isiraeli kuli avatugwa. Yavo avaari ni vagumira avandu va Isiraeli, kalunu Isiraeli ilavagumira, na vandu va Isiraeli valamiha ku yavo avavadambizaa ing'inga yindi.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 26:8

O, Yahova kunyi kolondaa uvulariri vuvwo, kandi kuvikaa lisuuvirizwa lietu mu ivi; ni ivi weng'ine wa kwegomba kwizuliza.

Isaya 29:22

Kunangwa kalunu Yahova, Nyasaye wa Isiraeli, uwahonyia Aburahamu kutura mu vudinyu, avoora, “Avandu vange, simulava esoni kandi mba, kandi mu moni mwinyu simulagalula ni zisoni mba.

Isaya 41:20

Avandu valakalole yaga kandi valakamanye ndi Inzi, Yahova, mali kokora yaga. Valakamanye ndi, Nyasaye Mutakatifu, wa Isiraeli okoli yaga kokoleka.”

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 45:14

Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 50:7

Navuzwa Yahova Nyasaye alangoonya kandi si ndaduuka mu zisoni mba. Kulwayago, ndasingira vudinyu nu vuluviliri, na si ndaduuka mu zisoni mba.

Isaya 52:15

Kunangwa alagenyia zihiiri zinyingi; avami valakiring'ana niligenya; valalola aga vakikiri kololaku, kandi valamanyiriza aga vakikiri kumanya.”

Isaya 52:6

Ku ing'inga yiza, munyi mulamanya ndi inzi mbeeye Nyasaye kandi mali komoloma.”

Isaya 60:14

Avana avayaayi va yavo avamudambizaa valaza, kandi valinama imbiri winyu nu kumanyia luyali lwavo ku munyi. Yavo vosi avamuchaya maziambiri, valaza nu kwinama imbiri winyu nu kumusigamira. Valamulanga ‘Lidaala linene lia Yahova,’ ‘Ziyoni, Lidaala linene liu Mutakatifu wa Isiraeli.’

Isaya 60:16

Zihiiri kandi Avami valalinda liiva lienyu kuli mama alindaa mwana weve. Mulamanya ndi, Inzi Yahova, mali kumuhonyia, kandi Nyasaye wi zinguru wa vandu va Isiraeli, umali kumuvoholola.

Isaya 60:3

Zihiiri zilaza ku vulavu vwinyu, kandi avami valaza ku vwaku vwi lidiku lienyu lihia.

Isaya 62:2

Zihiiri ziosi zilarora uvulungi vwinyu O, Jerusalemi, kandi avami vosi valalola uvukumi vwinyu. Kandi mulagulikwa lieta lihia, ilieta litula ku Yahova mwene.

Isaya 64:4

Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Ezekieli 37:6

Ndamuha imichi kandi zinyama, kandi ndaviika ku munyi ligodo. Ndahuuza mwika mu munyi na mulava mwoyo kandi. Maku namumanyirizi ndi Inzi mbeeye Yahova.”

Joeli 2:27

Maku, Isiraeli, mulamanya ndi inzi mbeeye harara ni munyi, kandi inzi, Yahova, mbeeye Nyasaye winyu, kandi siaveeyeho na Nyasaye wundi mba. Na vandu vange sivalachaywa kandi mba.

Mika 7:17

Valakomba luguchi kuli enzoka, valamoola kuli viguguli ku marova. Valatura mu zimbinga ziavo, nivihikaa novodegeri kandi nuvuti. Valagirung'ana koyeeka ku Yahova Nyasaye wiitu mu vuti. Kandi valatia kigira ivi.

Livalidza 11:12

Inzi sindavalomba noho sindavivula mba! Kigira ki omboleraa mbagingi mu makono gange kuli avana vadoto; nukuvahila mu kivala cha wisuhira avaguuga vaavo?

Matayo 25:16

Uyu wahevwa zitalenta zitano yazia naakiranyia nanyoora uvukala vwi zindi zitano.

Varumi 10:11

Mang'oda Matakatifu gavoora, “Ku vosi umusuuvira sialiduuka mu zisoni mba.”

Varumi 5:5

Lisuuvirizwa yili silinyala kukuvihiliriza mba, kigira Nyasaye yamala kuviika mu mioyo jietu uvuyanzi vwivwe kuvitira ku Roho Mutakatifu oveeye kihanwa chiche ku kunyi.

Varumi 9:33

ilia Mang'oda Matakatifu gamolomaa kulio; “Henza, mbikaa ligina mu Ziyoni ililikola avandu valikigitale, ulwanda lulikola avandu vagwi. Navuzwa oyo usuviraa muye sialiva esoni mba!”

1 Petro 2:6

Mang'oda Matakatifu gavoora, “Henza, ndatovora ligina linene liuvuguli vonene, ilia mbikaa kuli ligina liu mukoona mu Ziyoni; kandi mundu woosi usuviraa mu ligina yilio, sialaduuka mu zisoni mba.”

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.