Isaya 49:19 - KITABU KITAKATIFU

¹⁹ “Kivala chiinyu chononywa kandi ni kitigara ichele. Navuzwa kalunu kilava kekekeeke ligali, ku vandu vaza nokomenya mucho. Avasigu vinyu valahirwa ihale kutura ku munyi.

Isaya 49:19 Iomraidhean Croise

Zaburi 124:3

vakakumiri nikukiri mwoyo mu vutima vwavo vululu ku kunyi;

Tsing'ano 1:12

Vanyara kuva mwoyo kandi valamu lwakuvanyoola, navuzwa valava vakuzu lwa kuva nikwakayinzira ku vo.

Isaya 1:7

Kivala chienyu kinganyiywi, madaala ginyu manene gasambiywi goosi nu muliru. Avageni vavugura kivala chienyu nukukidiviza ligali na munyi nimulolaa.

Isaya 3:8

Jerusalemi imali kudivizwa! Na Ivuyuda imali kugwa vindu viosi via vavoola kandi via vakoolaa vivihiliriza Yahova; na vanyega Nyasaye; havulavu.

Isaya 49:17

“Avandu vononyia lidaala lienyu linene valatulizwa ho, kandi lidaala yili lilumbakwa uvuhia.

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 5:6

Ndakeleka keve hazwa, kandi ndaleka indiva emere mu, sindakesemberera mba. Si ndahalurira zisia zie mizabibu mba, anoho si ndalima mu kandi mba. Navuzwa ndaleka amafwa kandi zindavati zimere mu nu kukunika kizabibu choosi! Kali ndigalila amalesi gavuli kukubiza imbura ku cho.”

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 54:3

Ulasunda zinzako zizio zivambuki ku zimbega ziosi; kisukururwi chicho kilirana kuvugura kivala, ichi zihiiri zindi zimenya mu kalunu. Madaala manene agaali nigang'anywa galizula avandu.

Jeremia 30:16

Navuzwa kalunu, vosi avamudiviza navo kandi ndavadiviza, kandi avasigu vinyu vosi valahirwa ihale kuli vahambe. Vosi avamudambizaa navo kandi valadambizwa, kandi vosi avamuranya navo valaranywa kandi.

Jeremia 51:33

Nonoho avasigu valavatuula hasi nukuvaduvagiraho kuli uvuswage koloze. Inzi, Yahova Wuvunyali, Nyasaye wa vandu va Isiraeli mali kovora.”

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Ezekieli 36:3

“Maku oporofete kandi ulandizi aga Inzi Yahova Wuvunyali mboraa. Lwi zihiiri zindi ziamwingilira kutura ku zimbega ziosi, kandi nivamunyaga miandu jinyu jiosi, vosi vaamunyega.

Zekaria 10:10

Ndakavaleete yengo kutura Egebeti kandi kutura mu kivala cha Asiria; Kandi ndakavaviiki mukivala chavo. Ndakavaviiki mu kivala cha Gileadi kandi kivala cha Lebanoni. Kivala choosi kilakave na vandu vanyingi.

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Zekaria 2:4

Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba.

Zekaria 2:8

Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.