Isaya 49:13 - KITABU KITAKATIFU

¹³ O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 49:13 Iomraidhean Croise

1 Kyetsinyinga 16:31

Ligulu lisangale, ni lirova liyaanza! Muvoolere zihiiri ziosi ndi Yahova aveeye mwami.

Zaburi 148:9

Mumwizominye munyi tugulu nivigulu, misaala ja makuyu kandi militu;

Zaburi 65:13

Milimi jikunikiywi na magondi, mavoona gizuyi ingano. Vindu yivi viosi vilava kuli avandu vahanzukaa nukwimba lisandiza liavo ku Nyasaye.

Zaburi 69:34

O, munyi ligulu kandi lirova, mwizominye Nyasaye. Mwizominye Nyasaye, munyi zinyanza ni vilombe viosi muzio.

Zaburi 71:21

Ivi ulaanenehiza kuvita kase, ulaleminya mwoyo gwange kandi.

Zaburi 89:13

Ivi oveeye wi zinguru, ligali! Zinguru zizio ziveeye zinene ligali!

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 49:14

Navuzwa avandu va Jerusalemi vavoola, “Yahova umali kokoleka! Kandi umali kukwivilira.”

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 52:9

“Muhanzuki zinyimbu ziuvusangali, munyi mang'anye ga Jerusalemi! Yahova alahonyia lidaala lilie linene, kandi alaleminya avandu veve mioyo.

Isaya 54:7

“Ndaakoleka ku ing'inga engekeeke; navuzwa ku uvuyanzi vonene ligali, ndakwilanyia hango kandi.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Jeremia 31:13

Kunangwa vakana valavina kandi valayaanza, kandi avasaza, vasoleri navakulundu valasangala. Inzi ndavaleminya mwoyo nukugirung'anyia lisioma liavo kuva vuyanzi, ovovereri vwavo kuva uvusangari.

Jeremia 51:48

Vindu viosi viveeye muligulu kandi mu lirova, viliimba nuvusangali lwa Babiloni igumilwa nu kudivizwa na vandu, kutura Ivaale!

Ezekieli 35:14

Yahova Wuvunyali avoora, “Ndamukora kuva hazwa ligali, kandi avandu mu kivala choosi valasangalira liigwa lienyu,

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

2 Vakorintho 7:6

Nyasaye oleminyaa mioyo jikuzaa, yakoleminya mioyo kuliiza lia Tito ku kunyi.