Isaya 48:11 - KITABU KITAKATIFU

¹¹ Ndaakola yaga kigira inzi mbeeye Wuvunyali, sindaleka lieta liange livuli kohevwa luyali mba, noho sindaleka munyasaye wundi kohevwa lizominywa mba.”

Isaya 48:11 Iomraidhean Croise

Zaburi 106:8

Navuzwa yavahonyia kuli yaali niyavasuuviriza. Kunangwa vaduuki kumanyia zinguru zizie zinene.

Zaburi 115:1

Uvukumi vuduukana vuhaanwe ku ivi weng'ine O, Yahova, ku ivi weng'ine; navuzwa si gaali ku kunyi mba, kigira uvuyanzi vuvwo uvutali ne keheri, kandi uvusuuvirifu vuvwo.

Zaburi 25:11

O, Yahova, uliinde lilagana lliilio na usamihi vwoni vwange, kigira voveeye uvunyingi.

Zaburi 25:7

Usamihi uvwoni na mahiolo gu vwana vwange. O, Yahova mu vuyanzi vuvwo uvutahera kandi mu vulahi vuvwo unzizulizi.

Isaya 37:35

Ndakinga kandi ndahonyia lidaala yili, kigira luyali lwange mwene kandi kigira lisuuviriza lia ndalomba ku mutumikiri wange Daudi.’ ”

Isaya 42:8

“Inzi mbeeye Yahova Nyasaye winyu, siaveeye ho numunyasaye wundi ohevwa vukumi vwange mba; anoho sindaleka vifananyi vinyoole lizominywa liange.

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Isaya 48:5

Ndamuvulira kale vindu viaza viekoleke ku munyi ku madiku gaaza, kandi nimuvoolera vindu viaza viekoleke imbiri wa vikikiri kwekoleka. Ndakora yaga kunangwa namuvuli kovora ndi, ‘Vifananyi viange viakola yaga kokoleka; vifananyi viange vie misaala nu munyasaye wikivia yagatakasa.’

Isaya 48:9

“Ndalindagiriza uvutima vwange kunangwa avandu vaduuki kumwizominya, kandi sindamudiviza mba.

Isaya 52:5

Na kalunu, kindu kilala chere kimali kwekoleka mu Babiloni. Muveeye avahambe, vugira kindu kutungwa kigira munyi. Yavo avamiiha ku munyi viyizominya niveevoola kandi vamanyiaa lilegeriza ku inzi.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Ezekieli 20:14

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa avandu va Isiraeli kutura mu kivala cha Egebeti.

Ezekieli 20:22

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa vandu va Isiraeli kutura mu kivala cha Egebeti.

Ezekieli 20:39

Yahova Wuvunyali avoora, “Kalunu munyi mwosi avandu va Isiraeli, muzie mundu mulala samulala atumikiri vifananyi vivie! Navuzwa mwiganihizaa ndi, inyima wa yaga, mulatia Inzi kandi mulalekera kwonogonyia lieta liange litakatifu nu kuhaana vihaanwa ku vifananyi vienyu.

Ezekieli 20:44

Mulakamanye ndi Inzi mbeeye Yahova, lwa namukolere vulahi kigira lieta liange. Sinangole ndio kolondekana nu vudamanu vwinyu, anoho uvuchamu vwinyu mba, O, munyi avandu va Isiraeli.” Mwami Munene Yahova umali kovora.

Ezekieli 20:9

Navuzwa sindaakola ndio mba, kigira yaga gaali ganyala kwikiza luyali lwange, kandi imbiri wi ihiiri yavamenyi hagati haavo, avandaali ninandizi mu vandu va Isiraeli ndi, nziza kuvatuliza mu kivala cha Egebeti.

Ezekieli 36:22

“Maku kalunu, ovoolere avandu va Isiraeli ndi, Inzi Yahova Wuvunyali mboraa makuva yaga kuvo: Aga Inzi nziza kokora sigaveeye kigira munyi avandu va Isiraeli mba, navuzwa gaveeye kigira lieta liange litakatifu, iliamumali kwononyia wamwazia hagati hi zihiiri muvivala vigeni.

Danyeli 9:17

O, Nyasaye, hulira lisaala ni ligoonya liange. Yumbaka vuhia Litembeli liilio liamala kudivizwa: Liumbake vuhia kunangwa mundu vwosi amanye ndi ivi oveeye Nyasaye.

Yohana 5:23

kunangwa avandu vosi vaduuki kukuminya mwana kuli mwana akuminyaa Baba. Uyu uvula kukuminya Mwana, kandi siakuminya Baba wamutuma mba.

Varumi 2:24

Mang'oda Matakatifu gavoora, “Avandu vizihiiri vanyega Nyasaye kigira munyi Avayuda!”

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.