Isaya 48:1 - KITABU KITAKATIFU

¹ Munyi avandu va Isiraeli, avaveeye visukululwi kutura Ivuyuda, muhuliri yaga. Mwisuuha ku lieta lia Yahova kandi ni muvooraa ni minwa jinyu ndi, mulasigamira Nyasaye wa vandu va Isiraeli, navuzwa simwavoola agiligali mba.

Isaya 48:1 Iomraidhean Croise

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

Litanga 35:10

Nyasaye yamuvolera, “Lieta liilio ni Yakobo, navuzwa kutura kalunu ivi lieta liilio lilava Isiraeli.” Kunangwa Nyasaye yamugulika Isiraeli.

2 Avami 17:34

Kuduuka lero vakizizagilira kokora miima jaavo mikulu. Sivasigamira Yahova, kinga kuhulira amalago ni miima ja Yahova yaaha visukululwi via Yakobo, avayagulika Isiraeli.

2 Avami 5:20

Gehazi mutumikiri wa Elisha yevolera umwene, “Munene uleki Naamani azie vugira kutunga kindu. Ngano yaali avugiliri chu Musiria ula ahaani kuye. Ku Yahova Oveeye mwoyo, inzi ndamulondelera ma nduuki konyoora kindu kutura kuye.”

Zaburi 63:11

Mwami alasangala ligali kigira Nyasaye alamuha liguuta, yavo vosi aviisuhaa mu lieta lia Nyasaye, valamwizominya; navuzwa Nyasaye alahana minwa ja vavehi.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Zaburi 68:26

Nyasaye yizominywi mu livugana linene lia vandu veve. Mwizominyi Yahova, O, munyi kisukururwi cha Yakobo!”

Zaburi 68:27

Avukutanga kuuza vaali avandu vihiiri ya Benjamini, ihiiri engekeeke ligali kuvita ziosi, maku viimiliri vihiiri ya Yuda harara numuganda gwaavo nivalondangwa na aviimiliri vihiiri ya Zabuloni na Nafutali.

Kutwula 23:13

“Muhulirizi vindu viosi via inzi, Yahova, mali kovora ku munyi. Mutasaala ku vanyasaye vandi mba; kali mutatala amita gaavo mba.

Tsing'ano 5:16

Vana va onyoora na vakali vandi si valakokolera kindu kilahi mba.

Isaya 26:13

O, Yahova, Nyasaye wiitu, kwamala kwamiifwa navandu vandi, navuzwa ivi weng'ine oveeye Yahova wiitu.

Isaya 44:5

“Mundu mulala sa mulala alavoora, ‘Inzi mbeeye wa Yahova.’ Valaza nukuhambana na vandu va Isiraeli. Vuli mulala alang'oda lieta lia Yahova ku mukono gwigwe, kandi aliigulika umwene kuva mulala ku vandu va Nyasaye.”

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Isaya 46:12

“Mbulirizi munyi avandu vaveeye avahindagirizi, kandi avaveeye ihale kutura ku vohonyi.

Isaya 51:1

Yahova avoora ndi, “Mu mbulirizi munyi avenya lihonywa; munyi avaazaa ku inzi kigira ovokonyi. Muganagane ku Aburahamu, oveeye lwanda lwa mwatula ku kandi magina ga mwavazwa kutura ku!

Isaya 51:2

Heenzi ku Aburahamu baba winyu, kandi ku Sara uwamwivula; lwa yaali yeng'ine inzi ndaamulanga ni ndamugasiza ma nimuha avana. Ndakora visukululwi veve kuva vanyingi.”

Isaya 58:2

Vuli lidiku vazaa ukusigamira. Vakayilangwa kumanya zinzira ziange, kuli yavo vaveeye ihiiri ekolaa uvulungi kandi itiviliraa malago ga Nyasaye wavo. Vatevaa inzi likalaga lirungi, kandi valoreka kuva nuvuha ukwisunda ahimbi ninzi, Nyasaye wavo.”

Isaya 62:8

Yahova umali kwisuuha nu mukono gwigwe mulungi kandi ku zinguru zizie ndi, “Inzi si ndahaana uvuswage vwinyu kuva chukulia ku vasigu vinyu mba, kandi avageni si valanwa iwaini yinyu mba.

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Isaya 65:16

Mundu woosi oteeva uvugasu mukivala, alateeva uvugasu kutura ku Nyasaye musuuvirifu. Oyo wi suuhaa mu lirova, alisuuha ku Nyasaye wa agiligali; uvudinyu vwaliho kutura kale, vumali kwivilirwa ligali.”

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Jeremia 44:26

Navuzwa kalunu muhulirize ku liesuha lia Inzi Yahova mali kolomba mu vunyali vwi lieta liange ku munyi avandu va Isiraeli vosi avamenyi mukivala cha Egebeti: Si ndaleka kandi mulala ku munyi atumikiri lieta liange kolomba iliesuuha nokovoora, ‘Inzi nzisuha ku lieta lia Yahova, Nyasaye, oveeye mwoyo!’

Jeremia 5:2

Kali niiva muvooraa musigamira Yahova, simukola agagiligali mulimusigamira liinyu mba.

Kyavalevi 19:12

Mutisuuhi liesuuha liuvugadi ku lieta liange nokwononyia lieta liange mba. Inzi mbeeye Yahova, Nyasaye winyu.

Mika 2:7

Muganaganaa vandu va Isiraeli valamwa? Muganaganaa Yahova umali koleka uvwikuziri vwivwe? Muganaganaa anyala kokora vindu kuli yivi? Omolome novohooma ku yavo avakolaa uvulungi?”

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Zekaria 5:3

Maku engelosi uyu yambolera, “Ku likaratasi yili vaang'odaku kilaamo keveeye ku kivala choosi. Kolovega lulala mang'oda gavoora ndi: mundu woosi oveeye mwivi aladivizwa; kolovega lundu amang'oda gavoora ndi; vuli mundu woosi ovola vovehi ku liesuuha kandi aladivizwa.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Livalidza 24:7

Valava ni imbura inyingi kandi valataga vumwu vwavo mu milimi giveeye na mazi manyingi. Mwami wavo alava no vukumi kuvita vwa Agagi uvwamihi vwivwe vulavambalalizwa kuduuka ihale na himbi.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Yohana 1:47

Lwa Yeso yalora Natanaeli niyazaa kuye, yavoola, “Heenzi, uyu aveeye Muisiraeli wiligali, sikeveeye ho ni kindu chuvugadi muye mba!”

Yohana 4:24

Nyasaye ni Roho, nayavo vamusigamira gavadukiraa vamusigamiri mu Roho nu mu agiligali.”

Varumi 2:17

Niiva wilangaa Muyuda, ivi weleedaa ku Lilaga, kandi wiyizominya kigira uvwiko vuvwo ku Nyasaye;

Varumi 9:6

Simbolaa ndi lisuuvirizwa lia Nyasaye liavula kuduukizwa mba; kigira sivaveeye vandu va Isiraeli vosi avaveeye avandu vatovole va Nyasaye mba.

Varumi 9:8

Agaveeye kovora ndi, sivaveeye yavo viivulwa ku lugano lwu muviri vaveeye vana va Nyasaye, navuzwa yavo viivulwa kolondekana ku lisuuvirizwa lia Nyasaye nivo vavalizwa kuli visukululwi vivie viagiligali.

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Kwidzulitsa 33:28

Kunangwa visukululwi via Yakobo viamenya mu mirembe vilava nu vweremerizi mu kivala ichizula uvuswage ni iwaini, lime kutura muvwerefu liletaa amazi ku lirova!

Kwidzulitsa 5:28

“Lwa Yahova yahulira yaga, yambolera, ‘Mali kuhulira makuva ga avandu yava vakovoleye kandi gaveeye giligali.

Kwidzulitsa 6:13

Muhaane luyali ku Yahova Nyasaye winyu, mumusigamiri oyo yeng'ine vuzwa, kandi mulisuuha ku lieta lilie lieng'ine.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.