Isaya 47:6 - KITABU KITAKATIFU

⁶ Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Isaya 47:6 Iomraidhean Croise

2 Samweli 24:14

Daudi yavolera Gadi, “Mbeeye mu kivi kenene ligali. Leki kugwi mu makono ga Yahova, kigira zimbavasi zizie liveeye linene; navuzwa utaleka inzi ngwi mu makono ga avandu mba.”

2 Kyetsinyinga 10:11

Uvavoolere ndi, ‘Baba wange yavika misigo miliduhu ku munyi; inzi ndajikola miliduhu kali kuvita. Yaamukuyira zingova, navuzwa ndamukuyira olokova oveeye kuli aminu gi zing'e’ ”

2 Kyetsinyinga 28:9

Haali ho nu muporofeti wa Yahova, uwalangwa Odedi wamenyaa mu lidaala linene lia Samaria. Yagana ni liihi lia Isiraeli liali nivirana na vahambe kutura Ivuyuda lwa vaali nivaveeye ahimbi kwingira mu lidaala linene ma navavoolera, “Yahova Nyasaye wa vaguuga vinyu yavihilirwa na vandu vi Ivuyuda ma naleka munyi muvaguuti; navuzwa kalunu umali kuhulira kuli munyi mu vasinzi mu vutima vonene vugira livelererwa, kali yaga goosi gaduuki mwigulu.

2 Kyetsinyinga 36:17

Kunangwa Yahova yaleeta mwami wa Babiloni kuvingilira. Mwami zana yita avayaayi vi Ivuyuda, kali yavo avaari mu Litembeli lia Yahova. Si yaali niliverera ku mundu woosi, muyaayi anoho musakulu, musaza kinga mukali, mulwaye anoho mulamu mba. Nyasaye yavahana vosi kuye.

2 Kyetsinyinga 36:20

Yaahira mu vuhambe yavo vosi avaahononoka mu Babiloni yavo vosi avaari ni vahononoki kutura ku kivavi; na vaagwa avatumikiri veve kandi avi kisukururwi chiche kuduuka lwu vwami vwa Pasia vwatanga kwamiiha.

Ezara 5:12

Navuzwa kigira avaguuga viitu vaakora Nyasaye wi ligulu kuva nu vutima, yavakola nivaguutwa nu mwami Nebukadineza wa Babiloni, mwami wa Kalideani. Yadiviza Litembeli kandi navugura vandu naavahira Babiloni mu vuhambe

Zaburi 69:26

Vadambizaa oyo wa ivi umali kuha amageri, vameeda uvusaaliri ku yavo ava ivi umali kwata ologoma.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 13:16

Avana vaavo vadoto valadonyanywa nu kwitwa, ni zinyumba ziavo zilalanywa, kandi avakali vaavo valonogonywa imbiri wavo.”

Isaya 14:17

Uyu niye umundu wononyia amadara amanene, kandi nagirung'anyia kivala nikigwa changalangwe? Uyu niye umundu wavula kovoholora avahambe anoho kuvaleka vazie yengo?’

Isaya 14:6

avadambizaa avandu mu vutima, kandi si valekera kudambiza zihiiri zia vaali nivaguuti mba.

Isaya 43:28

avamihi vinyu vonogonyia hatakatifu hange. Kunangwa ndaadiviza avandu va Isiraeli. Ndaaleka avandu vange vanyegwe.”

Jeremia 50:42

Vamali kuvugura uvuta vwavo nivivavi; vaveeye avalulu kandi vugira zimbavasi. Vahulirika kuli inyanza ihuuma, lwa vahiraa zibarasi ziavo. Vaveeye avetegeke kulwaana vandu va Babiloni.

Lisyoma lya Jeremia 1:14

“Yahova yaamanyiriza uvwoni vwitu ma navuviika harara yaavusunga mu magoti giitu vwali vuliduhu ku kunyi ligali kandi nikuva vadedekere kigira vuliduhu. Yakuviika mu makono ga vasigu viitu avaari nizinguru ligali.

Lisyoma lya Jeremia 1:21

“Huliriza kuli kokenya siaveeye ho nu mundu unyala kokoleminya mwoyo mba. Avasigu viitu vosi vaveeye nuvusangali kigira ivi waakoleetela kivi. Ivi waakuduukiza lidiku lia walaga kokora avasigu viitu vasaaliri kuli kunyi kusaalira.

Lisyoma lya Jeremia 2:2

Yahova amali kudiviza visukululwi via Yakobo viosi vugira livererera. Mu vutima vwivwe, amali kuvunanyia zimbinga zie lidaala lie Ivuyuda; yikiza uluyali lwu vwami harara na vamiihi vavwo nukuvaviika mu zisoni.

Lisyoma lya Jeremia 4:16

Yahova mwene umali kuvasalanyia, sialavaganagana ku kandi mba; Avasaalisi si vahevwa uluyali mba kandi avakulundu sivayaanzirirwa mba.

Lisyoma lya Jeremia 5:12

Aviimiliri viitu vamali kuvugulwa nukusungwa; avakulundu viitu sivegehizirwa mba.

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Ezekieli 28:16

Mu vunyingi vwi likiranyia liilio, yaga gakokola kuva ni kirage kandi kokora uvwoni. Kulwayago, ndaakuniga kutura mu kiguru change kitakatifu, kandi engelosi yakulinda yaakukunga kutura hagati ha magina gu muliru.

Obadia 1:10

“Kigira mwakolera avamwavo vinyu vudamanu, visukululwi via Yakobo, mulava mu zisoni, kandi muladivizwa mihiga ni mihiga.

Obadia 1:16

Avandu vange vamali konyoora mageri amalulu ligali ku kiguru change kitakatifu. Zihiiri ziosi ziveeye ahimbi zilanyoola mageri, zilazizagilira konyoora mageri malulu ligali. Ziosi zilanyoola mageri goosi nukudiva ligali.

Zekaria 1:12

Maku engelosi yavoola, “Yahova Wuvunyali waveyange nu vutima ku Jerusalemi kandi ku madaala manene gi Ivuyuda ku mihiga 70, kalunu ulavugula ing'inga ki nukikiri kuvaveera zimbavasi?”

Zekaria 1:15

Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange.

Matayo 7:2

Kuli mukalagiraa avandi, munyi kandi mulakalagirwa ndio; nekegero cha mugereranga mu avandi, nicho cha Nyasaye alimugerera mu.

Kwidzulitsa 28:50

ihiiri ihenzaa vululu ligali, itaveeye ni zimbavasi ku vasakulu kandi ku avasoleri.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.