Isaya 47:5 - KITABU KITAKATIFU

⁵ Yahova avooreraa lidaala lia Babiloni, “O, munyi avandu va Babiloni, mwikale mu kisundi muchiring'ane, simulalangwa kandi mwami wi kikali wi zihiiri mba.

Isaya 47:5 Iomraidhean Croise

Zaburi 31:17

O, Yahova, utaandeka muzisoni mba, kigira nzanira ku ivi. Navuzwa leka avachamu vanyoore esoni. Leka viiki machiriri mu vilindwa.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Isaya 13:10

Zing'ereng'ani ziosi ziu muligulu si zilahaana uvulavu mba, liuva lilava kuli kisundi lwalitonga, kandi mweli sigulahaana uvulavu mba.

Isaya 14:23

Ndakora kivala yiki kuva havundu hi vilungu komenya, kandi ndakekola kuva madavalia ga amazi, kandi ndeya kivala yiki na amenyo gu kudiviza. Inzi Yahova Wuvunyali mali kovora.”

Isaya 14:4

Lwakola yaga, avandu va Isiraeli valakolera mwami wa Babiloni kehenyahenye nokovoora, “Umwami umudambizi umali kugwa! Sialadambiza mundu kandi mba!

Isaya 21:9

Nonoho, avandu vazaa! Avandu vanini ku zibarasi, vaviri ku vaviri; Mulindi ahaanaa makuva, “Lidaala lia Babiloni limali kugwa! Vifananyi viosi viavaasigamiraa vigwiyi hasi.”

Isaya 23:2

Munyi avakiranyi va Sidoni, mwatuma avatumwa kwambuka inyanza,

Isaya 47:1

Yahova avoora, munyi avandu vi lidaala linene lia Babiloni, “Mwiki hasi kutura kondeve yinyu yu vwami, mwikale hasi mu luguchi. Mwaali kuli mukaana mugima, wi lidaala lia Kalidei, navuzwa kalunu simulava avimioyo mike anoho avadedekere mba. Kalunu muveeye kuli avatugwa!

Isaya 47:7

Munyi avandu va Babiloni, mwaganagana mulamiiha mihiga ni mihiga, simwaganagana ku vindu yivi mu mioyo jinyu mba, kandi simwaganangana kuli keheri kiliduuka mba.

Jeremia 25:10

Ndatuliza kuvo uvusangari kandi uvuyanzi vwa yavo osererwa kandi osereraa, kandi uvulavu kuli vwi itaya vulatula kuvo harara ni viukulia.

Jeremia 8:14

Avandu va Nyasaye vateva, “Kigira ki kwikali hano makiriri? Gendi kunyaguli kuzie mu madaala manene gi zimbinga, na kukuziri uwene yeyo. Yahova Nyasaye wiitu umali kukukalagira likuza; umali kukuha isumu kunwi, kigira kumali kokora uvwoni kuye.

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Lisyoma lya Jeremia 2:10

Avakulundu va Ziyoni viikara hasi ni vachiring'ani machiriri, niviiyuhiyi uluguchi ku mitwi jaavo kandi viviki zinguvu zia magunia. Avakaana va Jerusalemi vinaminyi mitwi jaavo hasi.

Habakuk 2:20

Yahova aveeye mu Litembeli lilie Litakatifu; gaduukanaa vuli mundu woosi akiring'ane imbiri weve.

Zekaria 2:13

Vuli mundu akiring'ane imbiri wa Yahova, kigira yaazaa kutura hatakatifu hehe.

Yudasi 1:13

Avandu yavo vaveeye kuli iviguvuli vinene vie inyanza ivitiigalilangwa ni ivikolwa viavo vie zisoni vilolekaa kuli ulufulu. Vaveeye kuli zing'ereng'ani zivodong'ana nga, izia Nyasaye yavikira uvwiyangu mu kisundi mihiga ni mihiga.

Likunula 17:18

“Umukali wa walola aveeye lidaala linene zana, iliamiiha avami vi lirova.”

Likunula 18:7

Kigira uvusaliri uvunyingi no ovovereri, kuli uvukumi ni lieyaanziza lia liehaanira iliene. Liamenya ni lievolera iliene: ‘Ku nzikaye hano, inzi mwamihi wi kikali! Simbeeye mukunzakali mba sindakamanyi ho ovovereri vutangiraa!’

1 Samweli 2:9

“Asoolaa livamwoyo lia vandu avasuuvirifu veve; Navuzwa avadamanu vagotelaa mukisundi; kigira mundu siagutaa kigira zinguru zizie mba.