Isaya 47:4 - KITABU KITAKATIFU

⁴ Yahova Wuvunyali aveeye muhonyi wiitu, aveeye Nyasaye Mutakatifu wa avandu va Isiraeli.

Isaya 47:4 Iomraidhean Croise

Zaburi 19:14

Makuva gange kandi zing'anagani ziange zivugiriki ku ivi, imbiri woovo, O, Yahova, uvuhaliru kandi mutungiri wange.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 43:14

Nyasaye Mutakatifu wa Isiraeli, Yahova ohonyia munyi, avoora, “Ndatuma liihi liange kulwaana Babiloni okohonyia munyi. Ndavunanyia virivwa via madaala manene, kandi ndagirung'anyia lihanzuka lia vandu valio kugwa lilira.

Isaya 43:15

Inzi mbeeye Yahova, Nyasaye winyu Mutakatifu. Inzi ndalomba munyi, avandu va Isiraeli, kandi mbeeye mwami winyu.”

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 51:15

“Inzi mbeeye Yahova Nyasaye woovo; uvuruganyiaa inyanza, nokokola viguvuli vihuumi. Lieta liange liveeye Yahova Wuvunyali!

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Jeremia 31:11

Inzi mali kovoholora avandu va Isiraeli kandi mali kuvahonyia kutura ku ihiiri yi zinguru.

Amosi 4:13

Nyasaye niyie walomba vigulu ni imbuza. Nyasaye avuuliraa mundu zing'anagani zizie; agirunganyia umbasu kugwa kisundi. Agendaa igulu wi lirova. Lieta lilie liveeye: Yahova Nyasaye Wanyala Viosi!