Isaya 46:7 - KITABU KITAKATIFU

⁷ Vavugura munyasaye uyu nu kumugingira ku mavega gaavo, ma vamusingiriza havundu, kandi sianyala kogenda mba. Niiva mundu alasaala kuye, sianyala kumuha amativuli mba, anoho sianyala kumuhonyia kutura mu kivi mba.

Isaya 46:7 Iomraidhean Croise

1 Avami 18:26

Vaavugura igiriki ya valeetelwa, nivagelomba, kandi nivasaara ku Baali kutura mugambazuri kuduuka mbasu hagati. Vahanzuka nivavoora, “Kutivuliri Baali!” Kandi nivazizagilira kuvina nivavodong'ana vwali vwa vaali nivumbaki. Navuzwa litivuli kali lilala siliaza mba.

1 Avami 18:29

Mbasu hagati vazizagilira kuhanzuka no komoloma kuli vandu valalu kuduuka ing'inga yukuhaana kisiuviriru cha mugolova. Navuzwa si vahulira mwoyo gwosi mba; kandi sihaali ho na mativuli, mba.

1 Avami 18:40

Elija yalaga, “Gumira avaporofeti va Baali; mutaleki mulala kuvo yiruki mba!” Avandu vavagumira vosi na Elija yaavimilira kusulunguta ku mugera gwa Kishoni, navitira yo.

Isaya 37:38

Lidiku lilala, lwa yaali nasigamira munyasaye mu litembeli liu munyasaye weve uwalangwa Nisiroki, avayaayi veve vaviri, Adirameleki na Sharezeri, vamwita nivivavi viavo, ma nivahalira mu kivala cha Ararati. Muyaayi wundi walangwa Esarihadoni - yamiha mu vogono vwivwe kuli mwami.

Isaya 40:20

Mundu utaveeye ni ifeza anoho zahabu, atovoraa musaala mulahi kandi mudinyu ugunyala kuvula kuguunda, kandi yenya umusiza unyala kolomba kifananyi kitanyala kusundwa.

Isaya 41:28

Lwa ndahenzeriza mu avanyasaye yava, siyaali ho kali mulala uwaali unyala kovora kindu mba; Siyaali ho kali mulala uwaali anyala kuhaana amativuli ku mateeva gange mba.

Isaya 41:29

Avanyasaye yava vosi sivaveeye kindu kali hakuzu, vaveeye avadedekere kandi sivaveeye nu vunyali mba, sivanyala kokora kindu kali kilala mba.”

Isaya 41:7

Umuvazi adinyirizaa umutuli wi izahabu okoli vulahi kandi mundu uduyaa kifananyi ni inyundu nu kukinihiza, adinyirizaa umundu uduyaa ni inyundu nu kuhambanyia ni misumari harara, vavoola, ‘Lisamba yili liveeye lilahi.’

Isaya 44:12

Umutuli wi vivia avugulaa kedonye chi kivia nukukisamba mu muliru. Mukono gwigwe gwi zinguru gugingaa inyundu igulu nukuduya nukutwula ikivia kuduuka mu lifana lia yenya. Lwa ayinziraa, ahuliraa inzara, nuvuluhu, kandi alolaa aluhi.

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Isaya 46:1

“Yiki nekeheri cha Beli na Nebo, avanyasaye va Babiloni, avasigamirangwa mu litanga; navuzwa kalunu vagingiywi ku zibunda, uvuliduhu ku migongo ji zinyama ziiluhi.

Isaya 47:15

Yava ni vakumu kandi avasigitiri, avamwenyereriza zing'anagani kutura kuvo, kandi avamwakiranyia navo kutura ni mukikiri avayaayi; vosi valatura ku munyi, mundu mulala sa mulala alazia kunzira yeye yuvuchamu. Sialatigala ho mundu kali mulala amuhonyia mba.”

Jeremia 10:5

Ivifananyi kuli yivi viveeye kuli ivifananyi viukutihiza mu mulimi gwi zindaange; sivinyala komoloma mba, kuduuka vigingwi kigira sivinyala kogenda mba. Mutavitia mba: Sivinyala kumusaliriza mba, kandi sivinyala kumukolera uvulahi mba.”

Jeremia 11:12

Maku avandu vi Ivuyuda na avandu va Jerusalemi valazia ku avanyasaye vaavo, avavahaana ku visiuviliru kandi avavasigamiraa, nu kwanira kandi kwenya ovokonyi kutura kuvo. Navuzwa avanyasaye yavo si navavahonyie mu ing'inga yi Lidivizwa Liduka mba.

Jeremia 2:28

“Vaveeye haliha avanyasaye vamwelombera aveene? Leki vaze vamuhonyie ing'inga ya muveeye mu vudinyu. O, munyi avandu vi Ivuyuda, muveeye na avanyasaye avanyingi kuli amadara manene ga muveeye nago.

Danyeli 3:1

Mwami Nebukadineza yaali ni kifananyi chizahabu zimita 27 kuzia igulu kandi vuvambalaru ahimbi zimita 3. Yalaga avandu vakisingilizi mu kereremo cha Dura mu kivala cha Babiloni.

Jona 1:5

Aveeremi voosi vaali nuvuti vonene ligali kandi vuli mundu yanira anyoore ovokonyi, kutura ku munyasaye weve mwene. Kunangwa, vasiuva ivindu via vaali nivagingi munyanza mbula vagehizi uvulitu vwi iliato. Ing'inga yene yeyo, Jona yaali naaziyi mulwaalo mwiliato; naagonaa.

1 Vakorintho 12:2

Mumanye vulahi ndi lwa mwaali nimukikiri kumanya Nyasaye, mwagotizwa mu zinzira zinyingi mu lisigamira vifananyi vitaveeye ni livamwoyo.

1 Samweli 5:3

Mugambazuri gwi lidiku lialonda ku vandu va Ashidodi valora ndi kifananyi cha Dagoni chaali nikimali kugwa mam'mama imbiri wi Lisandugu lie Lilagana lia Yahova Wuvunyali. Kunangwa vakivukiza nivakiviika mu vwiyangu vwacho.