Isaya 46:2 - KITABU KITAKATIFU

² Vamali kugumirwa kandi kugingwa nukuhirwa ihale, sivanyala kwehonyia aveene mba. Yiki nekeheri cha avanyasaye va Babiloni!

Isaya 46:2 Iomraidhean Croise

2 Samweli 5:21

Lwa avandu va Filisitia viiruka, valeka vifananyi via avanyasaye viavo inyima na Daudi na avasaza vi liihi veve vaavivugula ni vazia navio.

Isaya 30:6

Yili ni Likuva lia Nyasaye ku zinyama zimenyi mu changarangwi chi Isavaalu kilangwa Negebu, “Avatumwa vagenda kuvitira mu vivara viveeye nu vuhimwa, wi Zisimba zimenyaa kandi wi Vihirigoma kandi Zinzoka ziburukaa ziuvusungu zimenyaa. Avatumwa yava vagingira uvutugi vwavo ku zibunda kandi zing'amia kuhilira ihiiri itaveeye novokonyi kuvo.

Isaya 37:12

Avaguuga vange vaadiviza madaala manene ga Gozani, Harani, na Rezefa, kandi niviita avandu va Bez-edeni avaamenyaa mu Telasari, na siyaali ho kali mulala ku avanyasaye vaavo uwaali unyala kuvahonyia mba.

Isaya 37:19

kandi vamala kusaamba avanyasaye vaavo, avavura kuva avanyasaye kali hakuzu nitali ivifananyi vie misaala namagina, ivialombwa na makono gavandu.

Isaya 44:17

Kedonye kitigaye akelombaa kifananyi, maku yinamira kifananyi zana nukukisigamira. Asaalaa kucho nokovoora, “Ivi oveeye nyasaye wange, ombonyie!”

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Jeremia 48:7

“Munyi avandu va Moabu, mwasuuvira mu zinguru zienyu kandi mu vutugi vwinyu, navuzwa kalunu kali mulaguutwa; munyasaye winyu Kemoshi alahirwa mu lihaminywa, harara na avanene veve kandi avasaalisi veve.

Jeremia 51:47

Kulwayago, ing'inga yiza lwa nambane amageri ku vifananyi via Babiloni. Ndaviika kivala choosi mu zisoni; kandi ndiita avandu vosi avamenyi mukivala yiki.

Danyeli 11:8

Alakilanye mu Egebeti vifananyi via vanyasaye kandi viju vie izahabu ni ifeza viali ni viagimwa ku vanyasaye vaavo. Lwinyima, mihiga jiduuki ji mirembe jilakave nijakavita,

Nahum 1:14

Yaga nigo ga Yahova amali kulaga kolondekana na vandu va Asiria. Sivalakave ni visukululwe vilizizagiliza lieta liavo mba. Ndakadivizi vifananyi viveeye mu matemberi ga vanyasaye vaavo. Nombaa kilindwa cha vandu va Siria; sivadukanaa komenya mba!

Vakalagi 18:24

Mika yativura navoora, “Muvuguyi vanyasaye va ndalomba, kandi umusaalisi wange ma mutangi logendo! Sindigaye ku ni choosi mba.”

1 Samweli 5:3

Mugambazuri gwi lidiku lialonda ku vandu va Ashidodi valora ndi kifananyi cha Dagoni chaali nikimali kugwa mam'mama imbiri wi Lisandugu lie Lilagana lia Yahova Wuvunyali. Kunangwa vakivukiza nivakiviika mu vwiyangu vwacho.