Isaya 45:8 - KITABU KITAKATIFU

⁸ Inzi ndaleta liguuta kutura mu ligulu kuli imbura; avandu valetegeka konyoora liguuta yili kandi ovohonyi harara nilikalaga lirungi viduuki konyooleka mu lirova. Inzi, Yahova, ndakora yaga kokoleka.”

Isaya 45:8 Iomraidhean Croise

2 Avami 19:25

“Ukikiri kuhulira ndi ndalohiza kokora yaga mu maziambiri? Na kalunu mali kuduukiza makuva yaga. Ndakuha zinguru kugirung'anyia madaala manene gi zimbinga muduuki kugadiviza gave vitumi vie vianyi.

Zaburi 68:8

lirova liadegera kandi ligulu liasundura imbura; kigira ivi weng'ine O, Nyasaye wa Isiraeli, wivuula umwene ha kiguru cha Sinai.

Zaburi 72:3

Leka kivala keve nu uvutugi, leka vigulu vileetere avandu uvulungi; utugulu twizuli uvulungi.

Zaburi 72:6

Leka mwami ave kuli imbura ikubaa ku vunyasi vukalagiywi, ave kuli lunyilira lusamaa lirova!

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 32:15

Navuzwa ing'inga yindi kandi Nyasaye alakuhanira Roho viamo. Kivala chi changarangwi kilava mulimi mugunamu gwi viavo.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 48:18

“Mulava ni mwahulira amalago gange, ngano uvugasu vwayituluka ku munyi kuli migera ja amazi jilivula kukama mba. Kandi ngano mwaali muve ni liguuta kuli viguvuli via mazi ku inyanza.

Isaya 53:2

Vwali uvulariri vwa Yahova ndi umutumikiri weve aduuki kuviruka kuli kitagwa kedoto ikihilaa imiri hasi mu kivala chumu. Siyaali nuvukumi anoho ligondo lilahi, okokora kunyi kumukayirwi mba. Sichali ho ni kindu kuye chukuyaanziza, sichali ho ni kindu ichakakungusi kunyi kuye mba.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 66:22

“Avandu vange harara ni visukululwi viavo valamenya mihiga ni mihiga, kuli ligulu lihia kandi lirova lihia via ndilomba vilakamenye mihiga ni mihiga.

Jeremia 31:22

Munyi avandu vataveeye nilisuvira, mulavoyavoya kudura ing'inga ki? Inzi mali kolomba kindu kihia kandi keveeye lugano, keveeye lugano kuli mukali asoola umundu musaza.”

Ezekieli 34:26

“Ndakagagasizi kandi ndakagaleke gamenye ahimbi ku kiguru change kitakatifu. Wene yeyo ndakagagasizi niimbura lwa nagave ni lienya.

Hosea 10:12

Inzi ndaavoora, ‘Mwenyelerizi kokora uvulungi munyi aveene, na mulanyola uvuyanzi vutaveeye nekeheri. Mutulizi vudamanu vwinyu, kigira ing'inga yiduuki yu kwenya Yahova, aduuki koleta ovohonyi ku munyi.’

Joeli 3:18

“Ku ing'inga yeyo, vigulu vilakunikwa ni milimi jimizabibu, kandi mitugu jilanyooleka kuvuli kiguru; mazi galavaho manyingi mumigera josi ji Ivuyuda. Mugera gulituluka kutura mu Litembeli lia Yahova, na gulasama livona lia Shitimu.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vafeso 4:24

kuduuka mwiviki liiva liu mundu muhia, ilialombwa muliiva lia Nyasaye, lievulaa liene mu liiva lia giligali kandi uvutakatifu.