Isaya 45:24 - KITABU KITAKATIFU

²⁴ “Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Isaya 45:24 Iomraidhean Croise

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Zaburi 110:2

Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

Zaburi 71:16

Inzi ndazia mu zinguru zia Yahova Nyasaye uvulahi vuvwo, vuvwo weng'ine.

Zaburi 72:9

Avasigu veve avamenyaa mwigendanyama valinama imbiri weve. Avahing'ani veve valagwa mam'mama imbiri weve.

Zaburi 89:17

Ivi okohezaa liguuta linene; kandi mu vuyanzi vuvwo, okoheeza uvuguuti.

Isaya 26:4

Musuuviri mu Yahova mihiga ni mihiga kigira alakukinga kazozo.

Isaya 41:11

“Yavo avamudunyira, valaduuka mu zisoni ziukuguutwa; yavo avahing'anaa nimunyi valava kindu vuzwa kandi valadiva.

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Isaya 55:5

Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Habakuk 3:19

Yahova Wuvunyali ambezaa zinguru; akolaa vilenge viange kuva kuli vie kisusu angolaa kuzia igulu ku vigulu vugira kwikigalira. Kandi yasoolaa lwa mbeeye ku vigulu.

Zekaria 10:12

Ndakahaane zinguru ku vandu vange; valakasigamiri kandi valakatie inzi.” Yahova umali kovora.

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Zekaria 12:5

Maku zihiiri ziosi zie Ivuyuda zilakevoolere, ‘Yahova Nyasaye Wuvunyali ahaanaa zinguru ku vandu veve avamenyi mu Jerusalemi.’

Zekaria 8:23

Mu madiku yago, vasaza 10 kutura muvivala vigeni valakaze ku Muyuda mulala no kovora, ‘Kwenya komenye harara na vandu vovo, kigira kumali kuhulira ndi Nyasaye aveeye harara nimunyi.’ ”

Luka 13:17

Lwa yamala kovora yaga, vosi avahing'anaa naye vaali soni, kandi avandu vosi vaali nuvusangali kigira vindu viosi viekoleka.

Luka 19:27

Navuzwa avasigu vange avatayaanzaa inzi nzamiihi kuvo, mu valeete hano, muviitiri imbiri wange.’ ”

Yohana 12:32

Lwa ndigingwa igulu ku musalaba nu kuhilwa mwigulu kutura mu kivala, ndang'usa avandu vosi sa mulala vaze ku inzi.”

Yohana 7:37

Ku lidiku liu kumaliriza nalio ni lidiku linene lie lisavo. Lidiku yilio Yeso yasingira navoora nu mwoyo munene, “Oveeye nuvuluhu yaaze ku inzi nainzi ndamuha ichukunwa.

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vafeso 3:16

Inzi saalanga ku Nyasaye kutura ku vuhinda vwu vukumi vwivwe ahaane zinguru kumunyi kuvitira mu Roho weve, muduuki kuva nizinguru mu liiva lienyu liu mugati.

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

Vafilipi 4:13

Nyara kokora ivindu viosi kuvitira mu Kristo, uhaana ku inzi, izingulu kusingira.

Vakolosai 1:11

Mudinyirizwi ni zinguru ziosi kolondekana novukumi vwi zinguru zizie kuduuka ku vwikuziri vwosi novohocha vwosi harara nu vusangali;

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

Likunula 11:18

Avandu vi zihiiri vaali nu uvutima, kigira ing'inga yu uvutima vuvwo iduuki, ing'inga ya avakuzu vakalagirwa imali kuduuka. Ing'inga iduuki yu kuhaana madanyi ku avatumikiri vovo, avaporofeti, kandi avandu avoovo vosi, yavo vosi avakoheezaa uluyali, avanene na vakekeeke vosi harara. Ing'inga iduuki yu kudiviza yavo avononyia lirova!”

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.