Isaya 45:21 - KITABU KITAKATIFU

²¹ Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Isaya 45:21 Iomraidhean Croise

Zaburi 26:7

Nyimbaa zinyimbu ziu kuhaana lisandiza ku ivi, kandi ndalandiza vikolwa viivwo viosi viokogenyia.

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Zaburi 96:10

Muvoolere zihiiri ziosi, “Yahova aveeye mwami! Lirova liasingirizwa vudinyu mu vogono vwalio na silinyala kusundwa mba; alakalagira avandu nilikalaga lirungi.”

Isaya 19:20

Yivi vilakave vimanyiru imbiri wa Yahova Wuvunyali mu kivala cha Egebeti. Lwa vandu wene yeyo vadambizwa nukwanira Yahova kigira ovokonyi alakatumi mukonyi kuvasoora.

Isaya 41:26

Nivwaha ku munyi uwavuula ndi yaga galakekoleke, kunangwa kuduuki kovora ndi, avooye agiligali? Siaveeye ho kali mulala wahulira kindu kali kilala, anoho wavoola likuva kali lilala ku kindu yiki mba.

Isaya 43:11

“Inzi weng'ine mbeeye Yahova, ni inzi weng'ine unyala kohonyia munyi.

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Isaya 43:9

Leeti vandu vi zihiiri vaze mu kiyaalo. Ni uliha ku vanyasaye vaavo unyala kuvuula agaazaa kwekoleka? Ni uliha kuvo uwavuula vindu viekoleka kalunu? Leki avanyasaye yava valeete valoli vaavo kumanyia ndi vaveeye avalungi, kololekiza agiligali ga makuva gaavo.

Isaya 45:14

Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Isaya 45:5

“Inzi mbeeye Yahova; siaveeye ho nanyasaye wundi mba. Ndakuha zinguru zia wenyaa, kali niiva siumanyi mba.

Isaya 48:14

“Muvugane mwosi harara, kandi mu mbulirizi munyi mwosi! Avulaho mulala ku avanyasaye vinyu uwaali unyala kuvuula ndi umundu wa inzi mali kotovola alingilira lidaala linene lia Babiloni; alakola aga inzi mali kusaavira gakolwe ku vandu va Babiloni.

Isaya 48:3

Yahova avooreraa avandu va Isiraeli ndi, “Mu madiku gakale, ndaamuvuulira agaali nigazizaa kwekoleka, maku, nonoho ndagalomba gekoleke.

Isaya 60:16

Zihiiri kandi Avami valalinda liiva lienyu kuli mama alindaa mwana weve. Mulamanya ndi, Inzi Yahova, mali kumuhonyia, kandi Nyasaye wi zinguru wa vandu va Isiraeli, umali kumuvoholola.

Isaya 63:1

“Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Jeremia 50:2

“Ovolere izihiiri amakuva malahi! Ugalandizi! Uhaane kelolero ma ulandizi makuva malahi! Utagaviika mu vwivisu mba! Babiloni ilakaguutwi! Umunyasaye wavo Mariduki umali kosekerizwa! Ivifananyi via Babiloni viveeye muzisoni, ivifananyi vialio viukuvihiliriza vidiviziywi!

Hosea 13:4

Yahova avoora, “Inzi mbeeye Yahova Nyasaye winyu, uwamuleta kutura mu kivala cha Egebeti. Si muveeye na Nyasaye wundi nataveeye Inzi. Inzi wengine mbeeye muhonyi winyu.

Zefania 3:17

Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Zekaria 14:7

anoho kisundi mba. Muvasu gulakave ho ing'inga yoosi kali ing'inga yu vudiku. Yahova weng'ine niye umanyi lwa yaga galakekoleke.

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’