Isaya 45:19 - KITABU KITAKATIFU

¹⁹ Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Isaya 45:19 Iomraidhean Croise

1 Kyetsinyinga 28:8

“Kunangwa kalunu, avandu vange imbiri wi zimoni zia Nyasaye, kandi ku vandu vosi va Isiraeli, livugana lia Yahova, imbiri wa Nyasaye witu, muhenze vulahi kolonda amalago goosi ga Yahova Nyasaye winyu, muduuki kuvugura kivala kilahi yiki, kandi na mukilekere avana vinyu kuli miandu ku visukululwi vinyu mihiga ni mihiga.”

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 7:14

niiva vasaala ku inzi nukwiganira kandi vagirung'ane kutura ku vudamanu vwa vakolangi, maku nda vahulira mwigulu nu kusamiiha uvwoni vwavo, nokokola kivala chavo keve nilizizagilira lilahi imbiri niligasizwa.

Ezara 8:22

Inzi ndakaveeye muzisoni okoteeva mwami akohe muganda gwavasikari vi liihi liuvulwani vakulindi kutura ku avasigu vosi ku ing'inga yologendo lwiitu; inzi ndaali nimuvoleeye ndi Nyasaye wiitu agasizaa vuli mundu usuviraa muye. Navuzwa ahaanaa mageri ku vosi avamwambakanaa.

Zaburi 12:6

Makuva ga Yahova gaveeye giligali kandi gukusuuvirwa, gaveeye agiligali kuli izahabu isiyirwa mu kisambiru haali saba.

Zaburi 24:6

Yava nivo avandu venyelerizaa Nyasaye, avaazaa imbiri wa Nyasaye wa Isiraeli.

Zaburi 69:13

Navuzwa inzi O, Yahova, ndasaara ku ivi. O, Nyasaye, yaanza undivuliri lisaala liange mu ing'inga ya ivi mwene otovola. O, Nyasaye, yaanza undili kigira vuyanzi vuvwo ovonene ku inzi, kigira ivi unduukizaa lilagana liilio lio kohonyia.

Zaburi 69:32

Lwa vandu vadambizwa valora yaga, valava nu vusangali; kandi yavo avasigamiraa Nyasaye valadinyirizwa.

Zaburi 78:34

Lwa Nyasaye yitaa valala kuvo, avandi vosi avatigara viirana kuye; niviganira nukwanira kuye nu mwoyo gwosi.

Zaburi 9:10

O, Yahova, yavo avakumanya, valakusuuvira kandi siulaleka yavo avaazaa ku ivi mba.

Tsing'ano 1:21

Vulangiliraa vudinyu ligali ha vandu vavuganira.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 30:5

“Nyasaye adukizaa goosi ga alaangaa. Aveeye kuli ikuuti ku vosi avenyaa likingwa lilie.

Tsing'ano 8:6

Hulira makuva gange gaveeye malahi ligali; goosi ga muvooleraa gaveeye malungi

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.

Isaya 43:12

Inzi ndaavura agazizaa kwekoleka, ma kandi ni nzizaa kumukoonya. Sihaveeyeho nu munyasaye mugeni wanyala kokora yaga mba; munyi muveeye avalolekizi vange.

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Isaya 48:16

“Munyi avandu va Isiraeli, mwisuundi ahimbi ku inzi, kandi muhuliri agamuvoolera. Ndavoora amakuva gange ku munyi havulavu kutura mu litanga, kandi goosi agambooraa kumunyi gaveeye agiligali.” Kalunu mwami munene Yahova yambeeye zinguru zizie kandi yaandumi.

Isaya 63:1

“Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Isaya 65:9

Ndagasiza avandu va Isiraeli avaveeye vi ihiiri ya vandu vi Ivuyuda, kandi visukululwi vaavo valamenya mu kivala change chi ivigulu. Avandu vange avatovole, avandumikiraa, valamenya mu kivala yiki.

Isaya 8:19

Navuzwa avandu valakovolera oteeve amakuva kutura ku vasigitiri, na valaguli kandi visohoro ni viganda. Valavoora, “Kali ndio avandu gavadukiraa vateeve amakuva kutura ku miroho midamanu kandi veenye zing'anagani kutura ku vakuzu muvogono vwayavo avaveeye mwoyo.”

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Amosi 5:4

Yahova avoora ku vandu va Isiraeli, “Mwilane ku inzi na mulahona.

Yohana 18:20

Yeso yamutivulira, “Inzi ndaamoloma havulavu kazozo ku avandu vumukivala vosi. Vuli ing'inga ndigiza mu Masinagogi kandi mu Litembeli, havundu ha Avayuda vosi vavugana harara; na ngikiri kovora ku kindu choosi mu vwivisu mba.

Yohana 7:26

Nguyu aveeye hano amolomaa nuvuluviliri kuvambakanyia havulavu; navuzwa si va muvooleraa kindu mba. Ganyala kuva ndi, avanene yava vamanyi ligali uyu niyie Mesia?

Yohana 7:28

Lwa Yeso yaali ni yigiza mu Litembeli, yahanzuka navoora, “Mwamanya inzi ligali kandi na aha nduraa? Inzi sindaaza ku vunyali vwange mwene mba. Navuzwa oyo uwanduma aveeye wi ligali. Munyi si mu mumanyi mba,

Kwidzulitsa 29:29

“Vindu viaviswa viveeye via Yahova Nyasaye wiitu navuzwa viveeye havulavu viveeye vietu harara na vana viitu mihiga ni mihiga, kunanwa kuduuki kokora makuva gi lilaga lilie.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Yakobo 4:3

Lwa muteeva, simunyoolaa mba kigira musaala ni zing'anagani zindamanu muduuki kuvitumikira mu lieyaanziza lienyu.