Isaya 45:17 - KITABU KITAKATIFU

¹⁷ Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Isaya 45:17 Iomraidhean Croise

Zaburi 103:17

Navuzwa uvuyanzi vwa Yahova vuhindiraa mihiga ni mihiga ku yavo avamutizaa; kandi uvugasu vwivwe vuhindiraa ku makura goosi;

Zaburi 25:3

Utaleka yavo avasuuviraa mu ivi vanyoore zisoni kigira liguutwa. Navuzwa oleke yavo avaveeye vwangu ukwiibaala ku ivi, vave soni.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 26:4

Musuuviri mu Yahova mihiga ni mihiga kigira alakukinga kazozo.

Isaya 29:22

Kunangwa kalunu Yahova, Nyasaye wa Isiraeli, uwahonyia Aburahamu kutura mu vudinyu, avoora, “Avandu vange, simulava esoni kandi mba, kandi mu moni mwinyu simulagalula ni zisoni mba.

Isaya 33:6

na alahaana mirembe ku ihiiri. Yahova akingaa avandu veve kazozo, kandi avaheezaa ovogeri ni limanya. Livikiru liavo linene kuvita liveeye liitia Yahova.

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 50:7

Navuzwa Yahova Nyasaye alangoonya kandi si ndaduuka mu zisoni mba. Kulwayago, ndasingira vudinyu nu vuluviliri, na si ndaduuka mu zisoni mba.

Isaya 51:6

Mugiingi zimoni zienyu muhenze mu ligulu; muhenze hasi ku lirova! Ligulu lilavuya kuli mwoki lirova lilakunguha kuli inguvu ingulu. Avandu vaveeye mu kivala vosi valakuza kuli ziinji. Navuzwa vohonyi vwa ndileeta, vulahindira mihiga ni mihiga; liguuta liange lilava liu kumalirika.

Isaya 51:8

Zisere zilavalia kuli ziliizaa inguvu ingungu; zilavalia kuli ziliizaa inguvu yuvwoya. Navuzwa ovohonyi vwange ndeetaa, vulahindira mihiga ni mihiga. Liguuta liange lilava ho ku makura goosi.”

Isaya 54:4

Utatia mba, kigira siulavikwa muzisoni kandi mba; kandi siulaleganywa mba. Ulivilira uvwoni vwa wakola nukikiri muyaayi kandi siulizuliza manyego guvukunzakali vuvwo mba.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Isaya 60:19

“Liuva si lilava uvulavu vwinyu vwu mbasu mba, anoho umweli sigulava uvulavu vwinyu vwu vudiku mba; Inzi Yahova, ndava uvulavu vwinyu mihiga ni mihiga; uvulavu vwu vukumi vwange vulang'ereng'ana ku munyi.

Jeremia 31:3

Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Jona 2:9

Navuzwa ndimba zinyimbu zie lizominywa ku ivi; ndahaana ku ivi kisiuviriru, kandi ndakora agaamali kulaga. Ovohonyi vuturaa ku Yahova!”

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Yohana 10:28

Inzi ngahezaa livamwoyo litahera mba, na sigalidiva kali hakuzu mba. Avula ho mundu unyala kunyaga kutura mu makono gange.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Varumi 10:11

Mang'oda Matakatifu gavoora, “Ku vosi umusuuvira sialiduuka mu zisoni mba.”

Varumi 11:26

Kandi nindio vandu va Isiraeli vosi valihonywa. Kuli Mang'oda Matakatifu gavoora, “Muhonyi alatula Ziyoni, kandi alatuliza uvudamanu vwosi kutura ku visukululwi vosi via Yakobo.”

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 9:33

ilia Mang'oda Matakatifu gamolomaa kulio; “Henza, mbikaa ligina mu Ziyoni ililikola avandu valikigitale, ulwanda lulikola avandu vagwi. Navuzwa oyo usuviraa muye sialiva esoni mba!”

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

1 Petro 2:6

Mang'oda Matakatifu gavoora, “Henza, ndatovora ligina linene liuvuguli vonene, ilia mbikaa kuli ligina liu mukoona mu Ziyoni; kandi mundu woosi usuviraa mu ligina yilio, sialaduuka mu zisoni mba.”

1 Yohana 4:15

Mundu woosi wiyama Yeso nu mwana wa Nyasaye, Nyasaye amenyaa muye, naye mu Nyasaye.