Isaya 45:14 - KITABU KITAKATIFU

¹⁴ Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 45:14 Iomraidhean Croise

Litanga 27:29

Zihiiri ziosi zilakutumikira, kandi avandu valakusigamira, ulamiha ku viko vovo vosi, kandi visukululwi via mama woovo vilakusigamira. Ndalaama yavo avakulaama, kandi ndagasiza yavo avakugaasizaa.”

2 Samweli 21:20

Maku vwali ho kandi uvulwani vundi ha Gazu, uwu ugundu gundi gwaali ugwayaanza kulwaana. Gwaali ni videte sita ku vuli mukono kandi ivino sita ku vuli kerenge; viosi sirini na vine. Gwaali kisukururwi chu gundu gwalangwa Rafu.

Esther 8:17

Vuli kivala kandi lidaala linene, na hoosi hi lilaga liu mwami liasomwa, Avayuda vaali nu vuyanzi nu vusangali harara ni lilia lie lisosa. Kali avandu vanyingi vaatovora kugwa Avayuda kigira vaatia Avayuda.

Ayubu 1:15

Nonoho Avasabeya vatulira ma niviva ziosi. Viiti sa mulala ku avatumikiri vovo nitali inzi nzieng'ine niyie ohononoki nzize kukoletera makuva.”

Ayubu 11:19

Siulava nuvuti kigira vasigu vovo mba: Avandu vanyingi valakoteeva ovokonyi.

Zaburi 149:6

Leka vahanzuki vudinyu ni vizominyaa Nyasaye; nivaveeye nivivavi viavo viugi zimbega ziombi ligali mu makono gaavo;

Zaburi 149:8

Vaduuki kovoha avami vi zihiiri zana niminyororo, kandi vavohe avanene vaavo niminyororo ji kivia;

Kutwula 11:8

Musa yamaliriza ku livoora ndi, “Avatumikiri vovo vosi valakaze kwinama imbiri wange, na valakandeve mbuguli avandu vange vosi nu kuzia navo. Inyima wayaga ndakatuli.” Maku mu vutima vonene Musa yatura ku Mwami.

Isaya 10:33

Yahova Wuvunyali alavagwihiza nu kuvasionoranyira hasi kuli zisia ziu musaala. Avigingiri ligali kandi avataambi ligali ku vosi valikizwa hasi.

Isaya 18:1

Nyasaye alahaana amageri ku avandu va Ezopia, kuvitira ku migera ja Ezopia, koveeye ho nikivala che lihuuma lie zisigi lihulirika. Keveeye ho kivala ichizula umuhumu gwi zimbaha.

Isaya 18:7

Ing'inga yiza lwa Yahova Wuvunyali alinyoora vihaanwa kutura ku vandu vi kivala yiki ichagavulanywa ni migera, kutura ku ihiiri eveeye indambi kandi yi ligodo lilahi, kandi avizingulu zinene ligali, avatiivwa mu kivala choosi. Vosi valaza ku kiguru cha Ziyoni, uwa Yahova Wuvunyali asigamirwa.

Isaya 19:21

Yahova alakaloleke umwene ku vandu va Egebeti, maku vandu va Egebeti valakamanye Yahova nu kumusigamira nukumuletera visiuvilu harara ni vihaanwa. Valalomba lilagana lie liesuuha na Yahova nu kugatwekiza.

Isaya 19:22

Yahova alakahaane amageri ku vandu va Egebeti, navuzwa alakavahonye kandi. Valirana ku Yahova, alahulira amasaala gaavo nukuvahonyia.

Isaya 23:18

Likiranyia liu vutugi vwalio, vulatakaswa ku vutumiki vwa Yahova; uvutugi yivu si vulavikwa mukedeera mba, navuzwa vulatumika ku yavo avasigamiraa Yahova, kunangwa vaduuki konyoora viukulia kandi lieviika zinguvu kolondekana ni lienya liavo.

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 45:24

“Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 54:3

Ulasunda zinzako zizio zivambuki ku zimbega ziosi; kisukururwi chicho kilirana kuvugura kivala, ichi zihiiri zindi zimenya mu kalunu. Madaala manene agaali nigang'anywa galizula avandu.

Isaya 55:5

Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

Isaya 60:3

Zihiiri zilaza ku vulavu vwinyu, kandi avami valaza ku vwaku vwi lidiku lienyu lihia.

Isaya 61:9

Visukululwi viavo vilamanyikana hagati hi zihiiri ziosi, na vuli mundu woosi uvalola alamanya ndi, vaveeye avandu va inzi mali kugasiza.”

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Ezekieli 23:42

Muliviti gwi kiduma cha vandu gwahulirika, muganda gwa vandu vahambiku kutura mwigendanyama. Vaviika madongolo ku makono ga vakali yava kandi ni zitaji zindahi ligali ku mitwi jaavo.

Ezekieli 31:3

Muveeye kuli musaala gwu mudaragwa mu Lebanoni, ogoveeye ni zisia zie chiriri kilahi ligali; Goveeye mutambi ligali kali kuduuka mu malesi.

Joeli 3:8

Ndaleka vayaayi vinyu na vakana vinyu vagulizwi ku vandu vi Ivuyuda; valagulizwa ihale wa Sabeanzi. Inzi, Yahova, mali kovora.

Livalidza 13:32

Kunangwa valandiza makuva govovehi ku vandu va Isiraeli kigira kivala cha vazia kutunyiriza. Vavoola, “Kivala yicho sikeveeye ni viamo viu kulihiza kali vandu vamenyi mu mba. Vandu vosi vakwalola mu vaali vatambi ligali!

1 Vakorintho 14:25

Agaviswa gu mu mwoyo mwimwe galaloleka havulavu, naye alasigama nu kusaala Nyasaye nokovoora, “Agiligali Nyasaye aveeye hagati hinyu!”

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.