Isaya 44:9 - KITABU KITAKATIFU

⁹ Vosi avalomba vifananyi vaveeye hazwa, na avanyasaye va vayanzilira sivaveeye novokonyi mba. Yavo avasigamiraa avanyasaye yava vaveeye avavoku kandi sivamanyi kindu kali hakuzu, kandi valava mu zisoni!

Isaya 44:9 Iomraidhean Croise

2 Avami 19:18

kandi kusaamba avanyasaye vaavo, avatali vanyasaye ligali, navuzwa vifananyi vie misaala na magina agalombwa na makono ga vandu.

Zaburi 115:4

Avanyasaye vaavo valombwa ku ifeza ni zahabu, valombwa na makono gavandu.

Zaburi 115:8

Yavo avalomba vifananyi yivi kandi avasuuviraa muvio; vave kuli vifananyi via vamali kolomba.

Zaburi 135:18

Yavo vosi avavalomba kandi avasuuviraa muvo vagwi kuli vifananyi via vamali kolomba!

Zaburi 97:7

Sa mulala usigamiraa vifananyi avikiywi mu zisoni; avanyasaye vosi viinama imbiri wa Yahova.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 41:24

Munyi simuveeye kindu mba, kandi viosi via mukoraa viveeye vuzwa. Vosi avamusigamiraa vaveeye vu kuvihiliriza.

Isaya 41:29

Avanyasaye yava vosi sivaveeye kindu kali hakuzu, vaveeye avadedekere kandi sivaveeye nu vunyali mba, sivanyala kokora kindu kali kilala mba.”

Isaya 42:17

Yavo vosi avasuuviraa mu vifananyi, avalanga, vifananyi muveeye avanyasaye viitu, valakolwa kuva mu zisoni ligali.”

Isaya 42:18

Yahova avoora, “Muhuliri munyi avandu vaahana amatu! Kandi muhenze ligali munyi avandu vaveeye avavoku!

Isaya 43:8

Nyasaye avoora, Leeti avandu vange vaze mu kiyaalo. Vaveeye nizimoni, navuzwa sivalola mba. Vaveeye namatu, navuzwa sivahulira mba!

Isaya 43:9

Leeti vandu vi zihiiri vaze mu kiyaalo. Ni uliha ku vanyasaye vaavo unyala kuvuula agaazaa kwekoleka? Ni uliha kuvo uwavuula vindu viekoleka kalunu? Leki avanyasaye yava valeete valoli vaavo kumanyia ndi vaveeye avalungi, kololekiza agiligali ga makuva gaavo.

Isaya 44:11

Mundu woosi ukisigamira alaviikwa mu zisoni. Avandu valomba vifananyi vaveeye avandu vuzwa, leka vaze kusingira mu kiyaalo. Valatiihizwa kandi valaviikwa mu zisoni ligali.

Isaya 44:18

Avandu kuli yava vaveeye vasilu ligali kali sivanyala kumanya icha vakora mba. Vakunika zimoni ziavo kunangwa vavuli kolola; kandi vakunika zing'anagani ziavo kunangwa vavuli kumanyiriza.

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Isaya 45:16

Yavo vosi avalomba ivifananyi valava mu zisoni kandi valaleganywa; vosi valava mu zisoni.

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Isaya 57:12

Muganaganaa ndi agamukolaa gaveeye malungi, navuzwa inzi ndalang'aminya ivikolwa vienyu, na ivifananyi vienyu sivilamukoonya mba.

Isaya 65:13

Kulwayago, yavo avasigamiraa inzi kandi avahulira inzi valanyora lilia kandi linwa linyingi, navuzwa munyi mulava ninzara kandi muvuluhu. Valava nu vusangali, navuzwa munyi mulava mu zisoni.

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Jeremia 2:11

Sieveeye ho ni Ihiiri imali kugirung'anyia avanyasaye vayo mba, kali niiva si vaali avanyasaye vagiligali mba. Navuzwa avandu vange vamali kungirung'anyia, inzi Nyasaye wavaletera uvukumi, na vanyasaye vatanyala kokora kindu choosi.

Jeremia 2:26

Yahova avoora, “Kuli umwivi aviikwa mu zisoni lwa agumiriywi, kandi ndio munyi avandu va Isiraeli vosi mulavikwa mu zisoni harara na avami vinyu kandi na avanene vinyu, avasaalisi na avaporofeti.

Danyeli 11:38

Mu vugono vwene yivwo, alakahaane luyali ku vanyasaye vakingaa zimbinga. Alakahaane kihanwa chi izahabu, ifeza, magina guvuguli, kandi vihaanwa vindi viu vuguli ku nyasaye wa vaguuga veve vavura kusigamira.

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Varumi 1:22

Kali niiva vavoola aveene ndi vaveeye vageri, na ng'ani navasiru;

1 Vakorintho 8:4

Kunangwa, iliilia lie viukulia vihaaniywi ku vifananyi; kunyi Avakristayo kwamanya ndi vifananyi siviveeye vindu viveeye mwoyo mba; kwamanya vuzwa Nyasaye aveeye mulala yenyine.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

Vafeso 4:18

avovogeri ni limanya liavo viveeye mu kisundi. Sivaveeye ni lisanga mu livamwoyo lia Nyasaye ahaanaa mba; kigira livula kumanya kandi kuva ni mioyo midinyu.

Vafeso 5:8

Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Kwidzulitsa 4:28

Uwene yeyo mulasigamira avanyasaye valombwa na makono ga vandu, avanyasaye vavaazwa kutura ku misaala na magina, avanyasaye vatanyala kolola anoho kuhulira, kulia anaho kufunyiriza.

Vakalagi 10:14

Tuli muzie kwanira vanyasaye vamwatovola. Muleke vanyasaye vene yavo vamukonye lwa muduuka mu vudinyu.”