Isaya 44:8 - KITABU KITAKATIFU

⁸ Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 44:8 Iomraidhean Croise

Litanga 46:3

Yavoola, “Inzi mbeeye Nyasaye, Nyasaye wa baba woovo. Utatia kuzia Egebeti mba. Inzi ndakalombe kisukururwi chicho kuva ihiiri enene wene yeyo.

Litanga 48:19

Navuzwa baba weve yasura navoora, “Muyaayi wange, inzi manyia ichangola. Visukululwi via Manase vilakave zihiiri zinyingi ligali. Efuraimu amwavo weve mukekeeke alakave munene kuye na visukululwi vivie vilakave zihiiri zinene ligali.”

2 Samweli 22:32

Yahova wengine aveeye Nyasaye; kandi niye yeng'ine oveeye mukingi wiitu.

Ezara 1:2

“Yili ni lilaga lia Sairasi, mwami wa Pasia. Yahova, Nyasaye wu mwigulu, umali kokora inzi mwamihi wi lirova liosi kandi umali kuhaana ku inzi uvunyali vwu kumwumbakira Litembeli mu Jerusalemi, lidaala liveeye mu Ivuyuda.

Ezara 8:22

Inzi ndakaveeye muzisoni okoteeva mwami akohe muganda gwavasikari vi liihi liuvulwani vakulindi kutura ku avasigu vosi ku ing'inga yologendo lwiitu; inzi ndaali nimuvoleeye ndi Nyasaye wiitu agasizaa vuli mundu usuviraa muye. Navuzwa ahaanaa mageri ku vosi avamwambakanaa.

Zaburi 18:31

Yahova weng'ine aveeye Nyasaye; kandi niye yeng'ine oveeye likingwa lietu.

Zaburi 18:32

Ni Nyasaye ongolaa mbe ni zinguru, kandi akolaa zinzira ziange kuva zindahi.

Zaburi 86:10

Ivi weng'ine oveeye wizingulu kandi okolaa vindu viokogenyia, ivi oveeye Nyasaye.

Isaya 17:10

Isiraeli, mumali kwivilira Nyasaye Umuhonyia kandi Umukinga kuli lwanda lwi zinguru. Mu vogono yivwo, musimikaa misaala mu milimi mitakatifu kunangwa muduuki kusigamira munyasaye mugeni.

Isaya 26:4

Musuuviri mu Yahova mihiga ni mihiga kigira alakukinga kazozo.

Isaya 30:29

Navuzwa munyi avandu va Nyasaye, mulimba zinyimbu ni musaangara kuli mukoraa mu ing'inga yu vudiku vwe lilia litakatifu. Mulimba ni musaangara kuli mundu agendaa kunzira niyimba nilirere kuzia mu Litembeli lia Yahova, mukingi wa avandu va Isiraeli.

Isaya 41:23

Muvoore vindu vilakekoleke mu madiku gaaza, kunangwa kuduuki kumanyiriza ndi, muveeye avanyasaye! Mukore kindu kilahi anoho muleete kivi; kunangwa kuduuki kuva ni ligenya kandi nu vuti ligali!

Isaya 42:9

Vindu viandavula vimali kololeka kalunu kuva agiligali. Kalunu ndamuvolera vindu vigeni vizizaa kokoleka kali imbiri wa vikikiri kwekoleka.”

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 43:11

“Inzi weng'ine mbeeye Yahova, ni inzi weng'ine unyala kohonyia munyi.

Isaya 43:12

Inzi ndaavura agazizaa kwekoleka, ma kandi ni nzizaa kumukoonya. Sihaveeyeho nu munyasaye mugeni wanyala kokora yaga mba; munyi muveeye avalolekizi vange.

Isaya 43:9

Leeti vandu vi zihiiri vaze mu kiyaalo. Ni uliha ku vanyasaye vaavo unyala kuvuula agaazaa kwekoleka? Ni uliha kuvo uwavuula vindu viekoleka kalunu? Leki avanyasaye yava valeete valoli vaavo kumanyia ndi vaveeye avalungi, kololekiza agiligali ga makuva gaavo.

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Isaya 48:3

Yahova avooreraa avandu va Isiraeli ndi, “Mu madiku gakale, ndaamuvuulira agaali nigazizaa kwekoleka, maku, nonoho ndagalomba gekoleke.

Isaya 48:5

Ndamuvulira kale vindu viaza viekoleke ku munyi ku madiku gaaza, kandi nimuvoolera vindu viaza viekoleke imbiri wa vikikiri kwekoleka. Ndakora yaga kunangwa namuvuli kovora ndi, ‘Vifananyi viange viakola yaga kokoleka; vifananyi viange vie misaala nu munyasaye wikivia yagatakasa.’

Jeremia 10:7

Nivwaha uvura kuha ivi luyali, umwami wizihiiri ziosi? Gaduukanaa oheevwe luyali. Siaveeyeho nu mulala kuli ivi kutura mu vandu vosi vovogeri vizihiiri anoho kutura mu avami vaavo mba.

Danyeli 2:28

Navuzwa aveeye ho na Nyasaye wu Mwigulu, uvula viokogenyia viaviswa. Akovoleraa O, mwami wiitu agazizaa kwekoleka mu madiku gaaza. Kalunu ndakovolera maloto googo, amalola ga walola lwa waali nogonaa.

Danyeli 2:47

Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 6:22

O, Mwami Nyasaye utumi engelosi yeeye kukunika minwa ji zisimba kunangwa zivuli kuusaliliza. Nyasaye okoli yaga kigira amanyi ndi inzi mbeeye vugira imbara kandi kigira si ndakokolera vudamanu vwosi mba.”

Joeli 2:27

Maku, Isiraeli, mulamanya ndi inzi mbeeye harara ni munyi, kandi inzi, Yahova, mbeeye Nyasaye winyu, kandi siaveeyeho na Nyasaye wundi mba. Na vandu vange sivalachaywa kandi mba.

Yohana 1:1

Lirova nilikikiri kolombwa, liali ho Likuva, kandi likuva zana liali harara na Nyasaye, kandi likuva liali Nyasaye.

Yohana 10:30

Inzi na Baba wange, koveeye kindu kilala.”

Yohana 6:10

Yeso yavolera aviigi veve, “Voleli avandu viikare hasi.” Vwali ho uvunyasi vunyingi ha zana yaho. Avandu viikara avaduuka avasaza zielefu zitano.

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Kwidzulitsa 32:31

Avasigu vaavo vamanya ndi, avanyasaye vaavo aveene vaveeye avadedekere sivaveeye ni zinguru kuli Nyasaye wa Isiraeli mba.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

1 Yohana 1:2

Lwi livamwoyo yili lialoleka, kwalilora kandi kwalilolekiza, kandi kumwilwazira kandi kwuvoolere livamwoyo litahera mba, iliali na Baba, kandi lialolekizwa ku kunyi.

1 Samweli 2:2

“Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.