Isaya 44:7 - KITABU KITAKATIFU

⁷ Mundu wundi woosi yakakoli aga inzi ndaakola? Nivwaha wakavuuyi goosi agazizaa kwekoleka kutura mu litanga kuduuka ku keheli ching'inga?

Isaya 44:7 Iomraidhean Croise

Isaya 19:12

Mwami wa Egebeti, vaveeye hayi yavo avaveeye avahaani vi zing'anagani vovo? Hawundi vanyara kokovoola lilohiza lia Yahova Wuvunyali aveeye nalio ku vandu va Egebeti.

Isaya 41:22

Hambi hano muvuuli kindu kilakekoleke mu madiku gaaza, kunangwa kuduuki kukimanyiliza lwakiliekoleka. Mwivaale imbiri wi kiyaalo vindu viekoleka mu madiku gaavita, kandi mukovolere livoora liago.

Isaya 41:23

Muvoore vindu vilakekoleke mu madiku gaaza, kunangwa kuduuki kumanyiriza ndi, muveeye avanyasaye! Mukore kindu kilahi anoho muleete kivi; kunangwa kuduuki kuva ni ligenya kandi nu vuti ligali!

Isaya 41:26

Nivwaha ku munyi uwavuula ndi yaga galakekoleke, kunangwa kuduuki kovora ndi, avooye agiligali? Siaveeye ho kali mulala wahulira kindu kali kilala, anoho wavoola likuva kali lilala ku kindu yiki mba.

Isaya 41:4

Nivwaha wakola yaga gekoleke. Nivwaha usingiliraa amakuva ga vandu vakale? Ni inzi Yahova, ndaali ho mu litanga, kandi ndakaveho mu limalirika.

Isaya 43:12

Inzi ndaavura agazizaa kwekoleka, ma kandi ni nzizaa kumukoonya. Sihaveeyeho nu munyasaye mugeni wanyala kokora yaga mba; munyi muveeye avalolekizi vange.

Isaya 43:9

Leeti vandu vi zihiiri vaze mu kiyaalo. Ni uliha ku vanyasaye vaavo unyala kuvuula agaazaa kwekoleka? Ni uliha kuvo uwavuula vindu viekoleka kalunu? Leki avanyasaye yava valeete valoli vaavo kumanyia ndi vaveeye avalungi, kololekiza agiligali ga makuva gaavo.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Kwidzulitsa 32:8

Oveeye Igulu Ligali kuvita yahaana zihiiri milimi jaavo. Yavukanyia avandu vosi, yavavikira zinzako ziavo kolondekana nilivaliza lia avandu va Isiraeli.