Isaya 44:3 - KITABU KITAKATIFU

³ “Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 44:3 Iomraidhean Croise

Ayubu 5:25

Ulava ni visikululwi vinyingi, kuli vunyasi mu milimi.

Zaburi 107:35

Yaagirunganyia viangalangwe kugwa madavalia ga mazi, kandi yakola kivala chumu kugwa visenukiru via mazi.

Zaburi 63:1

O, Nyasaye, ivi oveeye Nyasaye wange. Na inzi ngwenyererizaa nu mwoyo gwosi. Mwoyo gwange goveeye nuvuluhu vonene ku ivi. Liiva liange liosi liegombanga ivi kuli kivala ichumu, kuli ichangalangwe chegombaa amazi.

Tsing'ano 1:23

Muhuliri lieganihiza liange. Inzi ndahaana zing'anagani zindahi ku munyi, kandi ndamuha vogeri vwange.

Isaya 27:3

Inzi Yahova mbeeye mulindi wagwo kandi ngusamaa amazi zing'inga ziosi, ngulindaa vudiku numbasu gase mundu alagwononyia.

Isaya 32:15

Navuzwa ing'inga yindi kandi Nyasaye alakuhanira Roho viamo. Kivala chi changarangwi kilava mulimi mugunamu gwi viavo.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 48:19

Zinzivulu zienyu ziakaveeye kuli muyeka, kandi visukululwi vienyu viakaveeye kuli zinzaro ziu muyeke, kandi ngano sindaamuvika ku lidivizwa mba.”

Isaya 48:21

Yahova yimilira avandu veve kuvitira muchangalangwe ichumu kandi kihiu ligali, navuzwa sivali nuvuluhu mba. Nyasaye yavaha amazi kutura mu lwanda, yatanyia ulwanda, na mazi gaturaa mu.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Isaya 61:9

Visukululwi viavo vilamanyikana hagati hi zihiiri ziosi, na vuli mundu woosi uvalola alamanya ndi, vaveeye avandu va inzi mali kugasiza.”

Isaya 65:23

Si valakola miyinzi ja vuzwa mba, kandi si valivula avana vaduuki mu kivi mba, navuzwa ndagasiza avandu vange, kandi avana harara ni visukululwi viavo valagasizwa muzing'inga ziosi ziza.

Ezekieli 34:26

“Ndakagagasizi kandi ndakagaleke gamenye ahimbi ku kiguru change kitakatifu. Wene yeyo ndakagagasizi niimbura lwa nagave ni lienya.

Ezekieli 36:27

Ndaviika Roho gwange mu munyi, kandi ndamukora mugumiri lilago liange kandi mulonde amalago gange goosi agaamali kumuha.

Ezekieli 39:29

Ndaviika Roho gwange ku vandu va Isiraeli, kandi sindagirung'ana kutura kuvo mba. Inzi Yahova Wuvunyali mali kovora.”

Ezekieli 47:8

Yambolera, “Mazi yaga giturukaa kuvitira Ivugwi nu mulivoona lia Jorodani kuduuka mu Inyanza yi Ijumbi. Lwa giturukaa mu Inyanza yi Ijumbi, gagwizaa mazi malengeru.

Hosea 10:12

Inzi ndaavoora, ‘Mwenyelerizi kokora uvulungi munyi aveene, na mulanyola uvuyanzi vutaveeye nekeheri. Mutulizi vudamanu vwinyu, kigira ing'inga yiduuki yu kwenya Yahova, aduuki koleta ovohonyi ku munyi.’

Joeli 2:27

Maku, Isiraeli, mulamanya ndi inzi mbeeye harara ni munyi, kandi inzi, Yahova, mbeeye Nyasaye winyu, kandi siaveeyeho na Nyasaye wundi mba. Na vandu vange sivalachaywa kandi mba.

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Joeli 3:1

Yahova avoora, “Mu ing'inga yeyo ndiranyia vutugi vwi Ivuyuda na Jerusalemi.

Joeli 3:18

“Ku ing'inga yeyo, vigulu vilakunikwa ni milimi jimizabibu, kandi mitugu jilanyooleka kuvuli kiguru; mazi galavaho manyingi mumigera josi ji Ivuyuda. Mugera gulituluka kutura mu Litembeli lia Yahova, na gulasama livona lia Shitimu.

Mika 5:7

Avandu va Isiraeli avalitigala valakave kuli lime litulaa ku Yahova, kuli ulunyilira ku vitagwa vivirukaa. Valeeleda ku Nyasaye, sivalakelede ku mundu mba.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Matayo 12:43

“Lwa roho mudamanu atulaa mu mundu, agendagendaa mwigendanyama aha mazi gataveeye, niyenyaa ahokososera. Natanyooye hokososera

Vikolwa 10:45

Avayuda vandu avasuuviraa, avaazaa harara na Petero kutura Jopa, vagenya kolola ndi Nyasaye uviiki kihanwa cha Roho Mutakatifu ku avandu vi zihiiri zindi kandi;

Vikolwa 2:17

‘Mu madiku ge keheri, Nyasaye avoora: Ndazuka Roho wange ku avandu vosi. Avana vinyu, avayaayi na vakana, valaporofeta makuva gange; vasoleri vinyu valalola malola, na vasakulu vinyu valalota maloto.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Likunula 21:6

Yambolera, “Gakoleywi! Inzi mbeeye Alufa na Omega, Litanga ne Keheri. Inzi ndaha uyu oveeye nuvuluhu ikisinukiruchaamazi gi livamwoyo, anwi vugira imituungu.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.