Isaya 43:6 - KITABU KITAKATIFU

⁶ Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 43:6 Iomraidhean Croise

Zaburi 107:3

kandi umali kumwiranyia kutura muvivala vigeni, Ivugwi kuduuka Imadioli, kandi kutura Ivaale kuduuka Isavaalu.

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 18:7

Ing'inga yiza lwa Yahova Wuvunyali alinyoora vihaanwa kutura ku vandu vi kivala yiki ichagavulanywa ni migera, kutura ku ihiiri eveeye indambi kandi yi ligodo lilahi, kandi avizingulu zinene ligali, avatiivwa mu kivala choosi. Vosi valaza ku kiguru cha Ziyoni, uwa Yahova Wuvunyali asigamirwa.

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 49:12

Avandu vange valatura muvivala vie ihale, kutura Ivaale kandi Imadioli, kandi kutura Aswani lidaala linene liveeye Isavaalu wa Egebeti.”

Isaya 49:22

Mwami munene Yahova avooreraa avandu veve ndi: “Ndagingira avandu vi zihiiri mukono gwange, kandi ndagiinga ebendera yange igulu kuva kuli kelolekizu ku vandu vange, kandi mulaleeta avana vinyu avayaayi ni vagingiywi ku vilitu vienyu kandi avana vinyu vakaana nivagiingiywi ku mavega ginyu.

Isaya 54:3

Ulasunda zinzako zizio zivambuki ku zimbega ziosi; kisukururwi chicho kilirana kuvugura kivala, ichi zihiiri zindi zimenya mu kalunu. Madaala manene agaali nigang'anywa galizula avandu.

Isaya 60:4

Heenzi ku zimbega ziosi mulole agaakoleka; avandu vinyu vivungiza harara kuza ku munyi. Avayaayi vinyu valaza kutura ihale, avakaana vinyu valagingwa kuli avana vakekeeke.

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Isaya 66:20

Valaleta avamwavo vinyu vosi kutura mu zihiiri ziosi vave kuli kihanwa ku inzi. Valaletwa ku kiguru change kitakatifu mu Jerusalemi, ni vagingiywi ku zibarasi, amagare gu vulwani, zibunda, zisukiri, kandi zing'amia, kuli avandu va Isiraeli valeta uvuswage mu viju ivilahi kuli kihanwa mu litembeli liange.

Jeremia 23:8

Muvogono yivwo, valakisuhi ku inzi kuli Nyasaye oveeye mwoyo waleeta avandu va Isiraeli kutura mukivala cha Ivaale kandi kutura muvivala vindi wandaali nindavasalanya. Maku valakamenye mukivala chavo.”

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 31:8

Inzi ndavaleta kutura Ivaale kandi ndavavungiza kutura mukeheri chi lirova. Avavoku navalema valakaze navo, avakali vaveeye nizinda navo avaveeye himbi kwivura, navirane kuli ihiiri enene ligali.

Ezekieli 36:24

Ndamuvugura kutura mu zihiiri, kandi ndamuvungiza kutura muvivala viosi, nukumuleeta mu kivala chienyu aveene.

Ezekieli 37:21

Maku uvavoolere ndi, Inzi Yahova Wuvunyali, nziza kuvugura vandu vange kutura mu zihiiri wa vaali nivamali kuzia, ndavavungiza harara, kandi ndaviranyia mu kivala chavo.

Joeli 3:7

Kalunu ndavaleta kutura havundu ha mwavaguliza. Na ndamukolera ligali kuli mwavakolera.

Zekaria 6:6

Zibarasi zimwamu ziang'usaa ligare ziaziza Ivaale wa Babiloni, zibarasi zindavu ziaziza Imadioli kandi zibarasi zio vodondonye ziaziza mukivala chi Isavaalu.

Kwidzulitsa 30:4

Kali niiva mwasalanywa ihale ligali kuduuka ku keheri chi zikona zie lirova, Yahova Nyasaye winyu alamuvungiza harara kandi alamwilanyia,