Isaya 43:13 - KITABU KITAKATIFU

¹³ Inzi mbeeye Nyasaye na ndakave ndio kazozo. Sihaveeyeho nu mundu kali mulala unyala kohona kutura ku zinguru ziange; siali ho numulala unyala kugirung'anyia icha inzi mali kokora.”

Isaya 43:13 Iomraidhean Croise

Ayubu 10:7

Ivi umanyi ndi singoli kindu kidamanu mba, kandi siaveeye ho nu mundu kali mulala unyala kombonyia kutura ku ivi mba?

Ayubu 34:29

Lwa Nyasaye akiring'anaa, nivwaha unyala kumudula? Niiva yakavisi mumoni mwimwe, nivwaha wakamuloli? Kali niiva nu mundu ku vosi anoho ihiiri avulaho unyala kumukalagira.

Ayubu 9:12

Ligali, Nyasaye avugulaa choosi cha yenya, na siaveeyeho nu mundu unyala kumugaya mba, siaveeyeho nunyala kuluvilira ku muteeva, “Okolaa ki?”

Zaburi 102:28

Avana viitu valamenya mu mirembe, kandi isi wi likingwa liilio, visukululwi viavo vilamenya mu mirembe.

Zaburi 50:22

“Muhuliri amakuva yaga, munyi avasuuraa inzi Yahova, ni gataveeye ndio, ndamudiviza ligali, kandi sialavaho kali mulala unyala kumuhonya mba.

Zaburi 90:2

Imbiri wu waali nukikiri kolomba vigulu, anoho nukiri kolomba lirova na viosi viveeye mu, waali Nyasaye uhindiraa mihiga ni mihiga, kandi ulava Nyasaye mihiga ni mihiga.

Zaburi 93:2

O, Yahova, endeve yooyo yu vwami yaasingirizwa vudinyu kutura mu litanga; kandi ivi waali ho kutura kale kuduuka mihiga ni mihiga.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Tsing'ano 8:23

Ndaalombwa mulitanga, lwu kutanga ligali kivala kikikiri kolombwa.

Isaya 14:27

Yahova Wuvunyali umali kotovola kuhaana amageri ku vandu va Asiria, na siaveeye ho mundu unyala kumugaya kokora yaga mba.

Isaya 41:4

Nivwaha wakola yaga gekoleke. Nivwaha usingiliraa amakuva ga vandu vakale? Ni inzi Yahova, ndaali ho mu litanga, kandi ndakaveho mu limalirika.

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Isaya 46:4

Inzi mbeeye Nyasaye winyu, ndaamulomba kandi ndamulinda, kuduuka lwa muva avasaakulu vi zimbuzi. Ndamukonya kandi ndamuhonyia.”

Isaya 47:15

Yava ni vakumu kandi avasigitiri, avamwenyereriza zing'anagani kutura kuvo, kandi avamwakiranyia navo kutura ni mukikiri avayaayi; vosi valatura ku munyi, mundu mulala sa mulala alazia kunzira yeye yuvuchamu. Sialatigala ho mundu kali mulala amuhonyia mba.”

Isaya 48:16

“Munyi avandu va Isiraeli, mwisuundi ahimbi ku inzi, kandi muhuliri agamuvoolera. Ndavoora amakuva gange ku munyi havulavu kutura mu litanga, kandi goosi agambooraa kumunyi gaveeye agiligali.” Kalunu mwami munene Yahova yambeeye zinguru zizie kandi yaandumi.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Hosea 2:10

Ndamutuliza zinguvu zizie atigale chahonyo imbiri wa vasaza veve, kandi si naveho mundu kali mulala ulimuhonyia kutura mu zinguru ziange mba.

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Livalidza 23:20

Inzi ndavoolerwa ngasizi, na Nyasaye nagasizi sinyala kwilanyia munwa mba.

Yohana 8:58

Yeso yavavolera, “Agiligali muvooleraa, imbiri wa Aburahamu akikiri kwivulwa, inzi ndaali ho.”

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Kwidzulitsa 28:31

Zing'ombe zienyu ziliitirwa imbiri wi zimoni zienyu, navuzwa simulalia ku zinyama ziazio kali hakuzu mba zibunda zienyu zilavugulwa ku zilavugulwa kuzinguru imbiri wi zimoni zienyu, navuzwa simulilanyirwa mba. Amagondi ginyu galahevwa avasigu vinyu, navuzwa sialava ho nu mundu ogokonya mugasoole mba.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Vahebraina 13:8

Yeso Kristo aveeye mulala mwere, mugolova, kalunu kandi kuduuka mihiga ni mihiga.

Joshua 2:2

Mwami wa Jeriko yahulira ndi vandu va Isiraeli valala vamali kuuza uvudiku yivwo ukutunyiriza kivala,

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”