Isaya 43:10 - KITABU KITAKATIFU

¹⁰ “Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 43:10 Iomraidhean Croise

Zaburi 102:27

Navuzwa ivi oveeye mulala mwere kazozo, ni livamwoyo liilio siliheraa mba.

Kutwula 8:6

Kunangwa Haruni yanyira imbimbu ku amazi ga Egebeti, na makere gaturaa ichova nigakunika kivala choosi.

Isaya 41:20

Avandu valakalole yaga kandi valakamanye ndi Inzi, Yahova, mali kokora yaga. Valakamanye ndi, Nyasaye Mutakatifu, wa Isiraeli okoli yaga kokoleka.”

Isaya 41:4

Nivwaha wakola yaga gekoleke. Nivwaha usingiliraa amakuva ga vandu vakale? Ni inzi Yahova, ndaali ho mu litanga, kandi ndakaveho mu limalirika.

Isaya 41:8

“Navuzwa munyi avandu va Isiraeli muveeye avatumikiri vange, muveeye avandu vandaatovola, visukululwi via Aburahamu mulina wange.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 43:12

Inzi ndaavura agazizaa kwekoleka, ma kandi ni nzizaa kumukoonya. Sihaveeyeho nu munyasaye mugeni wanyala kokora yaga mba; munyi muveeye avalolekizi vange.

Isaya 45:5

“Inzi mbeeye Yahova; siaveeye ho nanyasaye wundi mba. Ndakuha zinguru zia wenyaa, kali niiva siumanyi mba.

Isaya 45:6

Ngolaa yaga kunangwa vuli mundu kutura ku keheri kilala chi lirova kuduuka ku kindi, vaduuki kumanya ndi inzi mbeeye Yahova; kandi siaveeye ho nu munyasaye wundi mba.

Isaya 48:12

Yahova avooreraa avandu va Isiraeli ndi, “Mumbulirizi, munyi avandu va Isiraeli ava inzi mali kulanga! Inzi mbeeye Nyasaye wu kutanga kandi we keheri!

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 55:4

Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

Haggai 2:23

Lidiku liene yilio ndakakuvuguli ivi Zerubabeli mutumikiri wange, kandi ndakakotovole kwamiiha mu lieta liange. Ivi niye wamali kotovola.” Yahova Wuvunyali umali kovora.

Yohana 15:27

Na munyi, kandi, mulakave valolekizi vange kigira inzi, kigira mwali harara nainzi kutura mulitanga.

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

1 Vakorintho 15:15

Kuvita yaga goosi, kunyi kololeki kuli avavehi kigira makuva ga Nyasaye, lwakwavoola oyo yasimugukiza Kristo kutura mu likuza, navuzwa niiva gaveeye giligali ndi avakuzu sivasimugukizwa, gamanyia ndi Nyasaye siyasimugukiza Kristo mba.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

Vafilipi 2:7

Mu vogono yivwo, yihaana, naleka viosi via yaaha navio ma navugura liiva liu umutumikiri. Yekola kuli umundu wa kazozo kandi naaloleka mu liiva liu mundu.

Vakolosai 1:7

Mwiga zimbavasi zia Nyasaye kutura ku Epafura mutumwa wiitu, oveeye muyinziri musuuvirifu wa Kristo mu vwiyangu vwitu.

Likunula 1:2

Yohana yilwaza likuva lia Nyasaye, kandi lilolekiza lia Yeso Kristo yavula, kandi umali kovora ivindu viosi via yalora.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 3:14

“Ng'odera engelosi wi likanisa liveeye mu Laodikia: “Yaga nigo makuva kutura ku Amini, umulolekizi umusuuvirifu nu wi ligali, oveeye uvutangiliru vwi vilombe viosi via Nyasaye yalomba.