Isaya 42:5 - KITABU KITAKATIFU

⁵ Nyasaye yalomba ligulu kandi nalivambula kuli lihema; kandi yalomba lirova kandi viosi vimenyi mulio. Yahaana mwika gwi livamwoyo ku vandu vosi avamenyi mu lirova. Kalunu Yahova Nyasaye avoora ku vatumikiri veve ndi,

Isaya 42:5 Iomraidhean Croise

Litanga 1:1

Mu litanga, Nyasaye yalomba ligulu ni lirova.

Litanga 2:7

Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.

Ayubu 12:10

Zinguru zia Nyasaye ziveeye mu livamwoyo lia vuli kelombe, kandi mu livamwoyo lia vuli mundu.

Ayubu 27:3

Lwa Nyasaye akembeeye livamwoyo,

Ayubu 33:4

Roho wa Nyasaye yanomba; numwika gwu Wuvunyali Wanyala Viosi gwaamba livamwoyo.

Ayubu 34:14

Niiva Nyasaye alirana kuvugura roho weve, kandi niiva alirana kuvugura mwika gwigwe gwi livamwoyo,

Zaburi 136:6

Yumbaka lirova ku mazi gululiva ligali; kigira uvuyanzi vwivwe vuhindiraa mihiga ni mihiga.

Zaburi 33:6

Yahova yalomba ligulu ku lilaga lilie: liuva, mweli kandi zing'ereng'ani ku likuva lilie lia yamoloma.

Zaburi 96:5

Avanyasaye vi zihiiri zindi ziosi vaveeye vuzwa vifananyi viavazwa. Navuzwa Yahova oveeye munene ligali walomba ligulu.

Isaya 37:16

“O, Yahova Wuvunyali, Nyasaye wa Isiraeli, uwikaye kondeve yu vwami igulu wa Vakerubi, ivi weng'ine, oveeye Nyasaye, uwamihaa uvwami vwosi vwi kivala. Ivi walomba ligulu nilirova.

Isaya 40:12

Mundu anyala kogera amazi gi inyanza ku luhi lwumukono gwigwe, anoho kogera ligulu namakono geege? Mundu anyala kogera amalova gi kivala mu kekombe, anoho kubima vigulu kandi tugulu mu zikilo?

Isaya 40:22

Nyasaye yalomba lirova niyikaye kondeve yeye yu vwami, igulu wi lirova kandi igulu wi ligulu. Vandu vaveeye haasi ku lirova valoreka kuva kuli madagalia. Nyasaye yavambula ligulu kuli inguvu yukukinga, kandi kuli lihema liokomenya mu.

Isaya 40:26

Heenzi igulu mu Ligulu! Nivwaha walomba viosi viveeye mu? Ni oyo uviemiliraa kuli iliihi liu vulwani, yamanya ni vianga via yalomba, kandi yamanya lieta lia vuli kelombe! Kigira aveeye wizingulu kandi wuvunyali, sihakaveeye ho ne kelombe kali kilala ikinyala kogota mba.

Isaya 40:28

Munyi mukikiri kuhulira? Kandi mukikiri kumanya? Yahova aveeye Nyasaye wi mihiga ni mihiga; uwalomba ligulu ni lirova. Sialuhaa anoho siakuzaa umwoyo mba. Siaveeye ho mundu umanya zing'anagani zizie mba.

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Isaya 45:12

Kuzinguru ziange ndaalomba ligulu na viosi viveeye mu lio; liuva, mweli ni zing'ereng'ani. Ndaalomba lirova, kandi ninomba mundu komenya ku lio.

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 48:13

Ndaalomba musingi gwi lirova, kandi ndaavambura ligulu. Lwa mbilangaa visingira viombi harara.

Isaya 57:16

Ndahaa avandu vange livamwoyo na sindazizagilira kuvayaala anoho kuvavihilirwa mihiga ni mihiga mba.

Jeremia 10:12

Yahova yalomba lirova nizinguru zizie mwene; yalomba kivala novogeri vwivwe kandi navambura ligulu.

Jeremia 27:5

“Kuvunyali vwange ovonene kandi kuzingulu ziange ndaalomba kivala, avandu kandi ni zinyama ziosi izimenyi ku lirova; kandi mbanaanga ku mundu woosi wa inzi mwene mali kotovola.

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Jeremia 38:16

Maku mwami Zedekia yanzisuhira mu vwivisu navoora, “Inzi nzisuha ku lieta lia Nyasaye oveeye mwoyo, Nyasaye uwahaana kukunyi livamwoyo ndi, si ndakwita kinga si ndakuviika mu zinguru zia avandu vakwiti mba.”

Ezekieli 18:4

Henza, avandu vosi vaveeye avange, avababa kandi avana vosi vaveeye avange. Mundu okolaa uvwoni niyie ulikuza.

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Amosi 9:6

Yahova yumbaka ovomenyo vwivwe mwigulu kandi aviikaa imise javwo ku lirova. Alaangaa amazi kutura mu inyanza nu kugasundula ku lirova kuli imbura. Lieta lilie ni Yahova Nyasaye Wuvunyali.

Zekaria 12:1

Yili ni likuva kutura ku Yahova kigira Isiraeli, Yahova walomba ligulu ni lirova, kandi wahaana livamwoyo ku mundu avoora,

Vikolwa 17:24

“Nyasaye uyu, Mulombi wi lirova ni vindu viosi viveeye mu, aveeye Mwami wi ligulu ni lirova; si amenyaa mu matemberi gumbakwa na avandu.

Vikolwa 17:25

Anoho yenya kindu cha kunyala kumuha lwa kumuyinzilira mba. Kigira niyie mwene ohezaa avandu livamwoyo kandi liherana ni vindu viosi.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.