Isaya 42:24 - KITABU KITAKATIFU

²⁴ Nivwaha wahaana avandu va Isiraeli ku valanyi? Yaali Yahova mwene, wa kunyi kumali kokora uvwoni kuye! Sikwaali kunyala komenya kuli yenya komenye mba, anoho kuhulira amigizu ga yakuha mba.

Isaya 42:24 Iomraidhean Croise

2 Kyetsinyinga 15:6

Ihiiri ndala yadambiza ihiiri yindi, kandi lidaala linene lidambiza lidaala linene lindi, kigira Nyasaye yaali naleti uvudinyu ni kivi kuvo.

2 Kyetsinyinga 36:17

Kunangwa Yahova yaleeta mwami wa Babiloni kuvingilira. Mwami zana yita avayaayi vi Ivuyuda, kali yavo avaari mu Litembeli lia Yahova. Si yaali niliverera ku mundu woosi, muyaayi anoho musakulu, musaza kinga mukali, mulwaye anoho mulamu mba. Nyasaye yavahana vosi kuye.

Zaburi 81:12

Kunangwa ndaavaleka vazie mu zinzira ziavo zie kilage, Nokolonda zing'anagani ziavo aveene.

Zaburi 81:13

Vwakaveeye vulahi avandu vange Isiraeli valambuliriza! Vwakaveeye vulahi niiva vakambuliyi!

Isaya 30:15

Yahova Mwami Wuvunyali, Nyasaye Mutakatifu wa Isiraeli, avooreraa avandu, “Mwirane ku inzi galaha, kandi musuuviri inzi. Nimukora ndio, mulava ni zinguru kandi mulava mulikingwa.” Navuzwa si mwenya kokora ndio mba!

Isaya 42:23

Nivwaha ku munyi unyala kuhulira yaga? Kutura kalunu, mulahuliriza nukwiiga ni limanyiriza?

Isaya 45:7

Ndaalomba uvulavu kandi kisundi, ndeta uvugasu kandi ikivi. Inzi, Yahova, ngolaa vindu yivi viosi.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Isaya 48:18

“Mulava ni mwahulira amalago gange, ngano uvugasu vwayituluka ku munyi kuli migera ja amazi jilivula kukama mba. Kandi ngano mwaali muve ni liguuta kuli viguvuli via mazi ku inyanza.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Jeremia 44:10

Navuzwa kuduuka kalunu, ndi, mukikiri kwegehiza aveene mba. Mukikiri kuhaana luyali ku inzi, kandi mukikiri komenya kolondekana na malago goosi ga ndaamuha kandi ga ndahaana ku avaguuga vinyu mba.

Jeremia 5:15

Avandu va Isiraeli, Yahova aletaa ihiiri kutura ihale kumwingilira. Eveeye ihiiri yizingulu kandi iyakale ligali, lulimi lwavo simulumanyi mba:

Lisyoma lya Jeremia 1:14

“Yahova yaamanyiriza uvwoni vwitu ma navuviika harara yaavusunga mu magoti giitu vwali vuliduhu ku kunyi ligali kandi nikuva vadedekere kigira vuliduhu. Yakuviika mu makono ga vasigu viitu avaari nizinguru ligali.

Lisyoma lya Jeremia 1:18

Avandu va Jerusalemi vavoola: “Yahova aveeye mulungi, kigira kumali kwibaala ku likuva lilie; navuzwa muhuliri munyi avandu vosi, muhenze kuvusaaliri vwitu. Avasoleri viitu kandi avakaana viitu vamali kuhirwa muvuhambe.

Danyeli 1:2

Yahova yaleka mwami Nebukadineza nagumira mwami Jehoyakimu kandi na vugula vilala ku viju vie Litembeli lia Nyasaye. Yaahira viju yivi mu kivala cha Babiloni, naviviika mu keng'oze chi litembeli lia vanyasaye veve.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Matayo 22:7

Mwami oyo yavihilirwa, natuma avasikari veve nivadiviza aviiti yavo, nivasamba lidaala liavo.

Kwidzulitsa 28:49

Yahova alaleeta zihiiri ku munyi kutura ihale, ku keheri chi lirova, ihiiri ya munyi mutamanya lulimi lwayo. Valaza hasi vwangu ku munyi kuli liburuka lie kihungu;

Kwidzulitsa 32:30

Mundu mulala anyala ndi kuguuta avandu elefu ndala? Anoho avandu vaviri vanyara ndi kuguuta avandu zielefu likomi? Yahova Nyasaye wavo umali kuvaleka; Nyasaye wi zinguru wavo umali kuvaleka.

Vakalagi 10:7

Kunangwa Yahova yaali nu vutima ovonene na vandu va Isiraeli. Yavaleka ku guutwa na vandu va Filisitia harara na vandu va Moni.

Vakalagi 2:14

Kunangwa Yahova yaali nu vutima ovonene ligali ku Isiraeli, na yavahana mu makono ga vanuuri avavanuula. Yaleka avasigu vaavo vosi ahimbi navo kuvavita ni zinguru, na ndio vandu va Isiraeli vadaka kuli vanyara kwikinga aveene.

Vakalagi 3:8

Yahova yaali nu vutima ovonene ligali na vandu va Isiraeli, ma yamanya naavaleka kuguutwa na Kushani Rishazaimu mwami wa Mesopotamia. Yavamiiha ku mihiga munane.