Isaya 42:16 - KITABU KITAKATIFU

¹⁶ “Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 42:16 Iomraidhean Croise

Zaburi 94:14

Yahova sialaleka avandu veve mba; sialang'ara yavo avaveeye aveeve mba.

Kohelethu 1:15

Siunyala kulungikiza kindu chavedeka, kandi siunyala kuvaliza vindu vitaveeyeho mba.

Kohelethu 7:13

Uganagane ku vindu via Nyasaye amali kokora. Nivwaha unyala kulungikiza kindu cha Nyasaye amali kovedekiza?

Isaya 26:7

Yahova, ulungikizaa zinzira ziavalungi, inzira ya vagenda ku eveeye inungi.

Isaya 29:18

Lwalidiku yilio liduka, avahana matu valahulira kitabu nigisomwaa, na avavoku avaamenyaa mu kisundi, valigulika zimoni nokolola.

Isaya 29:24

Avandu vasiru valiiga kumanyiriza, kandi yavo avililiraa kazozo valayaanza ukwigizwa.”

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 32:3

Zimoni ziavo zilarora, kandi amatu gaavo galahulira yava avaveeye nu vudinyu.

Isaya 35:5

Avavoku valalola, kandi wahana matu alahulira.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Isaya 40:4

Mudiguluri amavoona goosi; mwikizi vigulu viosi. Tugulu twosi tulikizwa, kandi lirova liosi liachama lilalungikizwa, kandi amagiki goosi galaleng'anywa.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 41:3

Avalondelereraa vwangu ligali kandi agendaa mu mirembe, kunangwa virenge vivie sivinyala kudiira hasi mba!

Isaya 45:2

“Ndakwimilira mu zinzira zizio ziosi, kandi nokoleng'anyia vigulu viosi nu tugulu twosi imbiri woovo. Ndavunanyia virivwa viu mugasa, kandi ndakalaga miluguyu ji vivia ji miliango imbiri woovo.

Isaya 45:7

Ndaalomba uvulavu kandi kisundi, ndeta uvugasu kandi ikivi. Inzi, Yahova, ngolaa vindu yivi viosi.

Isaya 48:17

Nyasaye Mutakatifu wa vandu va Isiraeli, Yahova ahonyia munyi, avoora: “Inzi mbeeye Yahova Nyasaye winyu, uwenyaa kumwigiza kigira uvulahi vwinyu, kandi mwimiliraa kogenda kunzira idukanaa kogenda kuyo.

Isaya 52:12

Ing'inga yiyi simulatula kuzia vwangu vwangu; simulava nimugerizaa ukwiruka mba. Yahova Nyasaye winyu alamwimilira kandi alamukinga ku zimbega ziosi.”

Isaya 54:13

“Inzi mwene ndigiza avandu vovo, kandi ndavaha limedeka lie miandu ni mu mirembe.

Isaya 58:10

nimuhaana viukulia ku avinzara nuvuhaani vwosi, nukwigutiza lienya lia yavo avaveeye mu kivi, hene yaho uvulavu vonene vulamwakira mu zing'inga zie kisundi, kisundi chienyu kilava kuli mbasu hagati.

Isaya 62:12

Mulalangwa, “Avandu va Nyasaye Avatakatifu”, “Avandu va Nyasaye amali kohonyia.” Jerusalemi ilalangwa, “Lidaala linene lia Nyasaye ayaanza”, “Lidaala linene lia Nyasaye yavula koleka.”

Ezekieli 14:23

Maku ulakalole vikolwa viavo, kandi ulakamanye ndi ndaali nikivuni chukuhaana mageri kuvo.” Yahova Wuvunyali umali kovora.

Hosea 2:14

Kunangwa, ndamuvugura nu kumuhila mwigendanyama, kandi ndamoloma kuye nu vuyanzi.

Hosea 2:6

Kunangwa, ndigalira inzira yeeye nu lugaga lwa mafa, kandi ndumbaka lidigi kunangwa avuli konyoora inzira yu kuvitiramu.

Amosi 5:8

Yahova yalomba zing'ereng'ani: Pleiadesi na Orini. Agringanyia kisundi kuva umbasu, na umbasu kuva uvudiku. Alanganga amazi kutura mu zinyanza, nu kugazuka ku kivala. Lieta lilie liveeye Yahova.

Luka 3:5

Mavoona goosi gililizwi, vigulu viosi notugulu twosi twikizwi ahachama halungikizwi, zinzira zia magichi zileng'anywi.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vafeso 5:8

Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

Joshua 3:4

Kigira mukikiri kuduuka ku hano, valamumanyia inzira ya mulonda ku. Navuzwa mutisuundi ahimbi ni Lisandugu lia malago mba, muve ahimbi ikilomita ndala inyima walio kazozo.”

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.