Isaya 42:13 - KITABU KITAKATIFU

¹³ Yahova atulaa kuzia kulwaana kuli mulwaani aveeye nuvuha kandi yetegeki kulwaana. Aveeye ni lilira lie liihi, kandi lihanzuka liu vulwani; amanyia zinguru zizie ku vasigu veve.

Isaya 42:13 Iomraidhean Croise

Zaburi 118:16

Zinguru zizie zileeti liguuta ku kunyi! Kandi zikoli gokogenyia mu vulwani!”

Zaburi 78:65

Mu limalirika Yahova yavuka kuli utulaa mu zindoolo. Yaali kuli mundu wizingulu uhanzuka kigira iwaini ya yaali nanweye.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 31:4

Yahova yambolera, “Kali avayi ni vahanzuka ni vakuba liyoga, sivanyala kutihiza anoho kukunga isimba kutura ku inyama ya imali kwita mba: Kunangwa, siaveeye ho nu mundu unyala kungaya inzi Yahova Wuvunyali kukinga kiguru cha Ziyoni mba.

Isaya 37:32

Halava ho navandu mu Jerusalemi kandi ku kiguru cha Ziyoni avalitigala mwoyo, kigira Yahova Wuvunyali usaaviyi kokora ivindu yivi viekoleke.

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 25:30

“Ivi Jeremia, kuduuka wilwaze amakuva goosi aga inzi mali kovora. Kuduuka ovoolere avandu yava ndi, ‘Yahova alafuuma kuli isimba kutura mwigulu, kandi alatuluruka kuli inguba kutura hatakatifu hehe mwigulu. Alafuuma kuli isimba ku avandu veve, alahanzuka kuli mundu uduvagaa amazabibu. Vuli mundu woosi omenyi ku lirova alahulira mwoyo gwa;

Hosea 11:10

“Inzi Yahova, ndahuuma kuli isimba ku avasigu vaavo, kandi avana vange valirana nivadegera kutura Imadioli.

Joeli 3:16

Yahova ahuumaa kutura mu kiguru cha Ziyoni; mwoyo gwigwe gwatuluruka kutura mu Jerusalemi; lirova ni ligulu videgera. Navuzwa alakinga vandu veve.

Amosi 1:2

Amosi yavoola, “Yahova afumaa kutura mu kiguru cha Ziyoni; nu mwoyo gwigwe guhiligana kutura mu Jerusalemi Vwayiru vulaniala, na vunyasi vwi kiguru cha Karimeli vulagilungana kufwana amalova.”

Nahum 1:2

Yahova Nyasaye siyikuzilaa ku vaahing'ana naye mba; ahaanaa mageri ku yavo avahing'anaa naye. Avanzaa kisaalia mu vutima vwivwe.

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Zefania 3:8

Yahova avoora, “Kulwayago mulindi kuduuka lwi lidiku liduka lwa singira kukalagira zihiiri.” Inzi mali kusaavira kuvungiza zihiiri kandi uvwamihi, kunangwa vaduuki kuhulira zinguru ziu vutima vwange vululu. Muliru gwu vutima vwange vululu guladiviza lirova liosi.