Isaya 41:8 - KITABU KITAKATIFU

⁸ “Navuzwa munyi avandu va Isiraeli muveeye avatumikiri vange, muveeye avandu vandaatovola, visukululwi via Aburahamu mulina wange.

Isaya 41:8 Iomraidhean Croise

1 Kyetsinyinga 16:13

O, mwinye visukululwi via Aburahamu mutumikiri weve, O, munyi visukululwi va Isiraeli avatovole va Nyasaye.

2 Kyetsinyinga 20:7

Ivi oveeye Nyasaye wiitu. Lwa vandu vovo Isiraeli vaduuka mu kivala yiki, waakunga avandu vamenya mucho, ma nukihaana ku visukululwi via Aburahamu, mulina woovo, komenya mu mihiga ni mihiga.

Zaburi 105:6

O, munyi visukululwi via Aburahamu mutumikiri weve; O, munyi visukululwi via Yakobo, mutovole weve!

Zaburi 135:4

Yahova yatovola Yakobo kuva weve umwene, kandi yatovola avandu va Isiraeli kuva mwandu gwigwe mwene.

Zaburi 136:21

Yahaana vivala viavo ku vandu veve; kigira uvuyanzi vwivwe vuhindiraa mihiga ni mihiga;

Zaburi 136:22

Yaavihaana vive ku vatumikiri veve Isiraeli; kigira uvuyanzi vwivwe vuhindiraa mihiga ni mihiga.

Zaburi 33:12

Vaveeye nu vugasu avandu va Nyasaye wavo aveeye Yahova. Vaveeye nu vugasu avandu va yatovola kuva aveeve umwene.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 29:22

Kunangwa kalunu Yahova, Nyasaye wa Isiraeli, uwahonyia Aburahamu kutura mu vudinyu, avoora, “Avandu vange, simulava esoni kandi mba, kandi mu moni mwinyu simulagalula ni zisoni mba.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 42:19

Aveeye ho mundu oveeye muvoku kuvita mutumikiri wange? Anoho aveeye ho mundu uvula kuhulira kuli mutumwa wange?

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 43:5

Mutatia mba kigira inzi mbeeye harara nimunyi! “Ndaleta kisukururwi chienyu kutura Ivugwi kandi ndamuvungiza harara kutura Imadioli.

Isaya 44:21

Yahova avoora, “Isiraeli, wizulizi makuva yaga; wizulizi ndi oveeye mutumikiri wange, Ndaakolomba ove mutumikiri wange, kandi sindakakwivilira mba.

Isaya 45:4

Ndaakotovola kuva mukonyi wu mutumikiri wange Isiraeli, avandu vamali kotovola. Mali kuhaana luyali lonene ku ivi, kali niiva siumanyi mba.

Isaya 48:12

Yahova avooreraa avandu va Isiraeli ndi, “Mumbulirizi, munyi avandu va Isiraeli ava inzi mali kulanga! Inzi mbeeye Nyasaye wu kutanga kandi we keheri!

Isaya 49:3

Yambolera, “Isiraeli Ivi oveeye mutumikiri wange, avandu valanzizominya kigira munyi.”

Isaya 51:2

Heenzi ku Aburahamu baba winyu, kandi ku Sara uwamwivula; lwa yaali yeng'ine inzi ndaamulanga ni ndamugasiza ma nimuha avana. Ndakora visukululwi veve kuva vanyingi.”

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Jeremia 33:24

“Ivi oveeye ni limanyiriza ku makuva ga vandu vavoola ndi, Inzi mali kusura avandu va Isiraeli kandi avandu vi Ivuyuda, ava inzi ndaatovora? Avandu yava vachayi kandi valegerizi avandu vange, na si vavavuguye kuva kandi ihiiri imbiri wavo mba.

Kyavalevi 25:42

Avandu va Isiraeli vaveeye vatugwa vange, kandi ndavatuliza mukivala cha Egebeti. Vatagulizwa mu vutugwa mba.

Malaki 1:2

Yahova avooreraa vandu veve, “Inzi ndamuyaanza zing'inga ziosi.” Navuzwa vandu vaativura, “Ivi ukuyaanza kuli ndi?” Yahova yativura, “Esau na Yakobo vaali avamwavo, navuzwa ndayaanza Yakobo.

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Vagalatia 3:19

Kunangwa, Lilaga liali na kivuni ki? Liameedwa ho liduuki kumanyia ichi lihiola liveeye, kandi liakolwa ndio lihindiri kuduuka liza lie kisukururwi cha Aburahamu, uwi lisuuvirizwa yili lialomberwa. Lilaga lialetwa ni zingelosi, mu mukono gwu muhambanyi Musa.

Kwidzulitsa 10:15

Navuzwa vuyanzi vwa yahova yaali navwo ku avaguuga vinyu vwali ovonene kandi vwizingulu ligali, kali natovora munyi, visukululwi viavo muvogono vwa avandu vandi vosi, kandi mukikiri avandu vatovole veve

Kwidzulitsa 14:2

Muveeye avandu vatovole va Yahova Nyasaye winyu. Kutura mu vandu vosi ku lirova, Yahova umali kotovola munyi muve avandu veve mwene.

Yakobo 2:23

Mang'oda Matakatifu gaduukizwa agavoora ndi, “Aburahamu yasuuvira Nyasaye, kandi kigira lisuuvira, Nyasaye yamuvugilira kuva umulungi.” Kandi ya langwa umulina wa Nyasaye.