Isaya 41:27 - KITABU KITAKATIFU

²⁷ Inzi Yahova ndaali wukutanga kovoolera avandu va Ziyoni amakuva malahi, ndaatuma umutumwa Jerusalemi kovoolera, ‘avandu vinyu vazaa!’ Vaza yengo!

Isaya 41:27 Iomraidhean Croise

Isaya 40:9

O, Munyi avandu va Jerusalemi, mwanigiri kuzia ku kiguru kitambi na mulandizi Likuva lilahi! Munyi avandu va Ziyoni, mulandizi nu mwoyo munene likuva lilahi! Mulandizi na mutatia mba, muvoolere avandu va madara gi Ivuyuda ndi, “Nyasaye wavo yaazaa.”

Isaya 41:4

Nivwaha wakola yaga gekoleke. Nivwaha usingiliraa amakuva ga vandu vakale? Ni inzi Yahova, ndaali ho mu litanga, kandi ndakaveho mu limalirika.

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 44:28

Mbolera Sairasi ‘Ni ivi uliamiiha avandu kulwa inzi; ulakakole aga nyenya okole. Ulakalage avandu kwumbakwa vuhia Jerusalemi, kandi misingi ji Litembeli kuvikwa.’ ”

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Isaya 48:12

Yahova avooreraa avandu va Isiraeli ndi, “Mumbulirizi, munyi avandu va Isiraeli ava inzi mali kulanga! Inzi mbeeye Nyasaye wu kutanga kandi we keheri!

Isaya 48:3

Yahova avooreraa avandu va Isiraeli ndi, “Mu madiku gakale, ndaamuvuulira agaali nigazizaa kwekoleka, maku, nonoho ndagalomba gekoleke.

Isaya 52:7

Gaveeye gukuyaanziza ligali, kolola mutumwa naatuliyi mu vigulu, naletaa makuva malahi, makuva malahi gimirembe! Nalandizaa uvuguuti kandi avoleraa lidaala linene lia Ziyoni, “Nyasaye woovo aveeye Mwami!”

Nahum 1:15

Henza, mutumwa yaazaa kutura ku kiguru; aveeye na makuva malahi! Yaazaa kulandiza mirembe! Mulombe amasavo munyi avandu vi Ivuyuda, kunangwa muduuki ku twekiza lilagana lienyu na Nyasaye. Avandu vachamu sivalaza kwingilira kivala chiinyu kandi mba. Vosi vamali kudivizwa ligali!

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”

Likunula 2:8

“Ng'oderaa engelosi wi likanisa liveeye mu Simarina: “Yaga nigo amakuva ga uyu oveeye litanga kandi limaliriza, uwakuza kandi naava mwoyo. Avoora.