Isaya 41:18 - KITABU KITAKATIFU

¹⁸ Ndakakole migera ja mazi kwituruka ku vigulu viumu viosi, kandi visenukiru via mazi kwituruka hagati ha mavoona. Ndakagilunganyie changarangwi kugwa madavalia ga amazi, kandi ndagilung'anyia vivala viumu kugwa visinukiru via amazi.

Isaya 41:18 Iomraidhean Croise

Zaburi 104:10

Walomba visenukiru via mazi kuzia mu mavoona, kandi migera kwituruka hagati hi vigulu.

Zaburi 105:41

Yakunura ulwanda na mazi manyingi ganyinyuka. Giturukaa kuvitira mu changalangwe kuli mugera.

Zaburi 107:35

Yaagirunganyia viangalangwe kugwa madavalia ga mazi, kandi yakola kivala chumu kugwa visenukiru via mazi.

Zaburi 126:4

O, Yahova, ukwiranyie mu kivala chietu, kuli imbura yiranyia amazi mu migera jakama.

Zaburi 46:4

Haveeye numugera ogoleetaa uvusangari mu lidaala linene lia Nyasaye, ku inyumba indakatifu ya Nyasaye oveeye igulu ligali.

Isaya 12:3

Kuli amazi makindu galetaa uvusangari ku yavo avuvuluhu, nindio avandu va Nyasaye vasangala lwa avahonyiaa.”

Isaya 30:25

Ku ing'inga yene yeyo, lwa minaara javasigu vinyu jirakagumilwi na vandu vaavo kwitwa, migera ja amazi jilakatuli kutura kuvuli kiguru kitambi.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 33:21

Yahova alakakumanyia kunyi uvukumi vwivwe. Kulamenya ahimbi ni migera migalamu kandi notogera, navuzwa zimeri ziu vulwani sizileelema kujo mba.

Isaya 35:1

Changarangwi kandi kivala chumu vilasaangala, kandi vimuli vilalaviza mwigendanyama.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 48:21

Yahova yimilira avandu veve kuvitira muchangalangwe ichumu kandi kihiu ligali, navuzwa sivali nuvuluhu mba. Nyasaye yavaha amazi kutura mu lwanda, yatanyia ulwanda, na mazi gaturaa mu.

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Isaya 65:13

Kulwayago, yavo avasigamiraa inzi kandi avahulira inzi valanyora lilia kandi linwa linyingi, navuzwa munyi mulava ninzara kandi muvuluhu. Valava nu vusangali, navuzwa munyi mulava mu zisoni.

Joeli 3:18

“Ku ing'inga yeyo, vigulu vilakunikwa ni milimi jimizabibu, kandi mitugu jilanyooleka kuvuli kiguru; mazi galavaho manyingi mumigera josi ji Ivuyuda. Mugera gulituluka kutura mu Litembeli lia Yahova, na gulasama livona lia Shitimu.

Zekaria 14:8

Lwi lidiku yili liliduuka, mazi gilivamwoyo galakituruki kutura Jerusalemi, inusu yago galakazie mu inyanza yi jumbi, na inusu yindi galakazie mu inyanza ya Meditareniani. Amazi yaga galakituruki muhiga gwosi mu ing'inga yi kemeyu kandi mu ing'inga yi mbula.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”

Vakalagi 15:19

Maku Nyasaye yafudula iliriina mwilova ha Lehi, kandi amazi gaturaa mu. Samusoni yaanwa amazi ma natanga kuhulira vulahi. Ikisinuchi zana yicho chalangwa Hakore. Ikisinukiru zana yiki kikiri ha Lehi kuduuka kalunu.