Isaya 41:17 - KITABU KITAKATIFU

¹⁷ “Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 41:17 Iomraidhean Croise

Litanga 28:15

Wizulizi, Inzi ndava harara na ivi kandi ndakukukingi havundu hoosi ha uzia; kandi ndakakwiranye mukivala yiki. Si ndakakoleke mba, kuduuka lwa ndakaduukizi goosi aga mali kukulaga.”

1 Avami 17:8

Maku Yahova yavolera Elija,

2 Kyetsinyinga 6:17

Kunangwa kalunu, O, Yahova; Nyasaye wa Isiraeli, leka makuva goosi gaduuki kuduukizwa agawasuuviriza mutumikiri woovo Daudi.

Zaburi 22:15

Madundu gange gumi kuli kijonjo; lulimi lwange luhandi mu zisaya. Ivi, Nyasaye, ondeki mu luguchi kuli mukuzu.

Zaburi 34:6

Sivaveezaa mu zisoni mba. Mundu mudaka yaniraa ku Yahova, na Yahova ahulira, kandi amuhonyia mu vudinyu vwivwe vwosi.

Zaburi 37:25

Mu madiku gi lihindira liange, inzi sindaalola ku mundu musuuvirifu naleki Yahova mba, anoho avana veve nivasavaa chukulia mba.

Zaburi 42:2

Mbeeye nuvuluhu ku ivi, Nyasaye oveeye mwoyo. Nyara kuzia ng'inga ki mu Litembeli nukusigamira yo imbiri woovo?

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 74:21

Utaleka avadambizwa vave mu zisoni mba; leka avadaka na avilienya vakwizominyi.

Zaburi 94:14

Yahova sialaleka avandu veve mba; sialang'ara yavo avaveeye aveeve mba.

Kutwula 17:3

Navuzwa avandu vaali nuvuluhu vwa mazi ligali kandi vazizagilira kwililira ku Musa nivamudula. Vavoola, “Kigira ki ivi nukutuliza Egebeti, kukwita harara, na vana viitu kandi ni mitugu jietu nuvuluhu?”

Kutwula 17:6

Inzi ndasingira imbiri woovo ku lwanda ha Kiguru cha Sinai. Uduyi kulwanda zana, na amazi galasinuka kulwo ma avandu vanwi.” Musa yakola ndio imbiri wa aviimiliri va Isiraeli.

Isaya 30:19

O, munyi avandu va Ziyoni, avamenyi mu Jerusalemi, si mulasioma kandi mba. Yahova aveeye wizimbavasi, kandi lwamumwanira amukonye, alamutivulira.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 43:20

Kali zinyama ziumbulimu zilamba uluyali; ivivwi na mavudu vilanzizominya, lwa ngola migera kuvitira mu changalangwi ukuhaana mazi ku avandu vange vatovole.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 48:21

Yahova yimilira avandu veve kuvitira muchangalangwe ichumu kandi kihiu ligali, navuzwa sivali nuvuluhu mba. Nyasaye yavaha amazi kutura mu lwanda, yatanyia ulwanda, na mazi gaturaa mu.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Isaya 62:12

Mulalangwa, “Avandu va Nyasaye Avatakatifu”, “Avandu va Nyasaye amali kohonyia.” Jerusalemi ilalangwa, “Lidaala linene lia Nyasaye ayaanza”, “Lidaala linene lia Nyasaye yavula koleka.”

Isaya 65:13

Kulwayago, yavo avasigamiraa inzi kandi avahulira inzi valanyora lilia kandi linwa linyingi, navuzwa munyi mulava ninzara kandi muvuluhu. Valava nu vusangali, navuzwa munyi mulava mu zisoni.

Isaya 65:24

Kali imbiri wa vakikiri kumala lisaala liavo ku inzi, ndahaana amativuli ku lisaala liavo.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Jeremia 31:25

Inzi ndakahane zinguru kuyavo avaliva nivaluhi kandi ndakigutizi vuli mundu uliva mudedekere kigira inzara.

Lisyoma lya Jeremia 4:4

Avana vadoto vaveezaa nuvuluhu ligali, kali kuduuka zinimi ziavo zihanda muminwa jaavo. Avana vasoleri vasavaa viukulia, navuzwa si haveeye ho nu mundu unyala kuvaha mba.

Ezekieli 47:8

Yambolera, “Mazi yaga giturukaa kuvitira Ivugwi nu mulivoona lia Jorodani kuduuka mu Inyanza yi Ijumbi. Lwa giturukaa mu Inyanza yi Ijumbi, gagwizaa mazi malengeru.

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Matayo 5:6

“Vaveeye nuvugasu avaveeye ninzara kandi vuluhu vwu vulungi, kigira valigutizwa.

Luka 16:24

Kunangwa, yahanzuka, ‘Baba Aburahamu! Omberere! Tuma Lazaro yiini esonga ye kedete chiche mu mazi na akindizi lulimi lwange, kigira mbeeye mu vusaliri vonene ligali mu lemo lwu muliru yilu.’

2 Vakorintho 12:9

Navuzwa litivuli lilie liali, “Zimbavasi ziange nizio zia wenyaa, kigira zinguru ziange ziveeye zindukiru ligali lwa oveeye mudedekere.” Kunangwa, mbeeye nu vuyanzi ligali kwekonya kigira ovodedekere vwange, kunangwa nduuki konyoora likingwa lie zinguru zia Kristo.

Likunula 21:6

Yambolera, “Gakoleywi! Inzi mbeeye Alufa na Omega, Litanga ne Keheri. Inzi ndaha uyu oveeye nuvuluhu ikisinukiruchaamazi gi livamwoyo, anwi vugira imituungu.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.