Isaya 41:16 - KITABU KITAKATIFU

¹⁶ Mulavwilura nimbuuza ilatulizamu mukuzi, kandi ilasalanyia mukuzi zana yigwo. Maku mulasangala kigira mulizominya inzi Yahova winyu, inzi Nyasaye Mutakatifu wa avandu va Isiraeli.

Isaya 41:16 Iomraidhean Croise

Zaburi 1:4

Navuzwa avadamanu sivaveeye ndio mba. Vaveeye kuli mukuuzi gwi imbuza ihilaa.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 17:13

Mahi gi zihiiri gaaza kuli muriviti gwa mazi manene, navuzwa Nyasaye alagagondokera nago galiirukira ihale ligali. Galakungwa kuli mukuuzi ku vigulu imbiri wi imbuza ihuuzaa; valakungwa kuli luguki luhilwa ni kihuzuzi.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 28:5

Lidiku liizaa lwa Yahova Wuvunyali alakave kuli itaji yuvukumi vwikimuli kigira avandu veve avalihononoka.

Isaya 29:19

Avahocha valasangala vuhia mu Yahova; avadaka valasangala mu Nyasaye Umutakatifu wa Isiraeli.

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 40:24

Vaveeye kuli vitagwa vidoto, kandi vimera, navuzwa vikikiri kuhila imiri. Lwa Yahova atuumaa imbuza, vimanya viniara ma viuma, ma kihuzuzi kikihuuza kuli vunyasi vwumu.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 60:19

“Liuva si lilava uvulavu vwinyu vwu mbasu mba, anoho umweli sigulava uvulavu vwinyu vwu vudiku mba; Inzi Yahova, ndava uvulavu vwinyu mihiga ni mihiga; uvulavu vwu vukumi vwange vulang'ereng'ana ku munyi.

Isaya 65:18

Kunangwa muyanze kandi musangare mihiga ni mihiga mu via inzi nombaa. Jerusalemi imbia ya inzi nombaa, ilava yu vusangali ligali, kandi avandu vi lidaala yili valava nuvuyanzi.

Jeremia 15:7

Mali kumusesa kuli amavululi muvuli amadara goosi mu kivala. Ndaamudiviza munyi avandu vange, kandi ndiita avana vinyu vosi, kigira si mwagirung'ana kutura kuzinzira zienyu zindamanu mba.

Jeremia 51:2

Ndatuma avageni kuuza kudiviza kivala cha Babiloni kuli imbuza ihuuzanga amavululi. Lwi lidiku liu kudiviza yilio liduka, valingilira kivala cha Babiloni ku zimbega ziosi nokoleka kivala chere.

Jeremia 51:20

Yahova avoora, “Babiloni, ivi oveeye kuli inyundu yange, kandi ichugi chi iliihi liange. Ndaakutumikira kuduvuranyia zihiiri kandi kudiviza uvwami,

Jeremia 51:33

Nonoho avasigu valavatuula hasi nukuvaduvagiraho kuli uvuswage koloze. Inzi, Yahova Wuvunyali, Nyasaye wa vandu va Isiraeli mali kovora.”

Danyeli 2:35

Nonoho kivia, lidohi, mugasa, ifeza kandi izahabu viavunguluka nivigwa kuli luguki ku loze mu madiku gu muvasu. Imbuza yaginga luguki yilu lwosi, na yaleka loze lwere. Navuzwa ligina liamera niliviluka ni ligwa kiguru kenene chafuma lirova liosi.

Hosea 11:9

Inzi si ndamuha mageri mu vutima vwange mba. Sindadiviza avandu va Isiraeli kandi mba. Inzi mbeeye Nyasaye na si mbeeye umundu mba. Inzi, oveeye Mutakatifu mbeeye ni munyi. Si ndaza ku munyi nu vutima mba.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Habakuk 3:18

ndakazizagiliri kuva nu vuyanzi kandi nu vusangali, kigira Yahova Nyasaye aveeye muhonyi wange.

Matayo 3:12

Aveeye ne kesesero chiche mumukono gwigwe. Kandi alalaviza oloze lwilwe ligali, nuvuswage alateera mu kedeera, navuzwa umukuzi alagusaamba nu muliru gutasimikaa.”

Varumi 5:11

Si gaveeye yaga geng'ine, navuzwa kandi kusangara mu Nyasaye kuvitira mu Mwami wiitu Yeso Kristo, umali kukuhambanyia na Nyasaye.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.