Isaya 41:13 - KITABU KITAKATIFU

¹³ Kigira Inzi Yahova Nyasaye winyu; ndaamuha zinguru, kandi ndamuvolera, ‘Mutatia mba; ndamukonya!’ ”

Isaya 41:13 Iomraidhean Croise

Zaburi 109:31

Kigira Yahova akingaa avadaka, kandi avahonyiaa kutura ku yavo avavakalagiraa likuza.

Zaburi 118:7

Yahova aveeye niinzi, alangoonya, kandi ndalora avasigu vange nivaguutiywi.

Zaburi 63:8

Ndahaanda vuzwa ku ivi, mukono gugwo mulungi gukingaa inzi.

Zaburi 73:23

Navuzwa inzi mbeeye harara nivi kazozo, kandi ivi ungumiyi mukono gwange mulungi.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 42:6

“Inzi Yahova, mali kumulanga kandi mali kumuha uvunyali. Kolola ndi, likalaga liu vulungi likolangwa ku lirova. Ndalomba lilagana liange na ivi kulwa vandu vosi, kandi ndaleta uvulavu ku zihiiri ziosi.

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 45:1

Yahova umali kotovola Sairasi kuva mwami! Umali kumutovola kuguuta zihiiri; Amutumaa kuvugura zinguru zia avami. Yahova alamwigulira virivwa via madara manene. Yahova avooreraa mwami Sairasi ndi,

Isaya 51:18

Hagati ha vana vosi va wiivula, sihali ho nu mulala ukwimilira, sihali ho na kali mulala ukugumira mukono ku vana vosi va waavirukiza mba.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 46:27

“Avatumikiri vange visukululwi via Yakobo, mutatia mba, avandu va Isiraeli, mutatiihizwa mba. Inzi ndamusoola kutura mukivala chi ihale yicho, kutura mukivala chamuveeyemu avahambe. Munyi na mwirane yengo kandi namumenye mumirembe; munyi na mukingwi, kandi umundu kali mulala sinamutiihizi mba.

Haggai 2:5

Lwa mwatula mu kivala cha Egebeti, ndaalaga ndi ndava na munyi ing'inga yoosi. Inzi ngikiri harara na munyi. Kunangwa, mutatia mba.