Isaya 41:11 - KITABU KITAKATIFU

¹¹ “Yavo avamudunyira, valaduuka mu zisoni ziukuguutwa; yavo avahing'anaa nimunyi valava kindu vuzwa kandi valadiva.

Isaya 41:11 Iomraidhean Croise

Kutwula 11:8

Musa yamaliriza ku livoora ndi, “Avatumikiri vovo vosi valakaze kwinama imbiri wange, na valakandeve mbuguli avandu vange vosi nu kuzia navo. Inyima wayaga ndakatuli.” Maku mu vutima vonene Musa yatura ku Mwami.

Kutwula 12:29

Vudiku hagati Yahova yita avana vayaayi vosi avatanga kwivulwa mu kivala cha Egebeti, kutura ku muyaayi wu Mwami, uwaali avuguli endeve yu vwami inyima wa baba weve kuduuka ku muyaayi wukutanga kwivulwa muhambe oveeye mu vuhambe vugira lieriza; kali mitugu jiosi jukutanga kwivulwa jiitwa.

Kutwula 23:22

Navuzwa niiva mumuhulira na mukore vindu viosi viamulagaa, Inzi ndamulwanira avasigu vinyu vosi.

Isaya 17:13

Mahi gi zihiiri gaaza kuli muriviti gwa mazi manene, navuzwa Nyasaye alagagondokera nago galiirukira ihale ligali. Galakungwa kuli mukuuzi ku vigulu imbiri wi imbuza ihuuzaa; valakungwa kuli luguki luhilwa ni kihuzuzi.

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 29:7

Maku, mahi goosi gi zihiiri zingiliraa lidaala linene liu vwali vwa Nyasaye, ni viugi viavo via mahi, ni viju viosi - ivindu viosi - vilakatulizwi ho nokogota kuli maloto, kuli kindu kiganaganiywi mu vudiku.

Isaya 29:8

Zihiiri ziosi zivuganaa harara kwingilira Lidaala linene lia Jerusalemi, zilava kuli mundu oveeye ninzara alootaa ndi alizaa, na lwa vuuka aveeza nakikiri ninzara, anoho kuli mundu ukuza nuvuluhu alootaa ndi anwezaa mazi, na lwavuuka nakikiri nuvuluhu vonene mwing'oti ni mwumi.

Isaya 34:12

Mwami sialivaho uliamiiha kivala yiki mba, kandi aviimiliri vacho vosi si valavaho mba.

Isaya 40:17

Zihiiri ziosi siziveeye kindu imbiri wa Yahova mba, zivaliziiywi kuye kuva kuli mwika vuzwa.

Isaya 40:2

mudinyirizi avandu va Jerusalemi. Muvavoolere ndi uvusaaliri vwavo vumali kohera na kalunu mali kuvasamiiha uvwoni vwavo vwosi, kandi mali kuhaana mageri gange kuvo kigira uvwoni vwavo vwosi.”

Isaya 41:24

Munyi simuveeye kindu mba, kandi viosi via mukoraa viveeye vuzwa. Vosi avamusigamiraa vaveeye vu kuvihiliriza.

Isaya 41:29

Avanyasaye yava vosi sivaveeye kindu kali hakuzu, vaveeye avadedekere kandi sivaveeye nu vunyali mba, sivanyala kokora kindu kali kilala mba.”

Isaya 45:24

“Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Isaya 49:25

Yahova yiranyia amativuli ndi, “Kali musikari muluviliri anyala kunyagwa ivilanye vivie. Kandi avahambe valasoolwa kutura ku mundu mululu. Ndalwaana na vasigu vinyu, kandi ndahonyia avana vinyu.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 54:15

Niiva mundu woosi alakwingilira, sialava naatumiywi na inzi mba; ku vosi ukwingilira nukukulwaana, alagwa mwene imbiri woovo.

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Jeremia 12:17

Navuzwa niiva ihiiri yoosi sielakatie mba, maku ndagituliza ho nukugidiviza ligali. Inzi, Yahova mali kovora.”

Jeremia 2:3

Munyi avandu va Isiraeli mwaali avatovole vange; mwaali kuli amakuyu gange gokogesa. Ku mundu woosi umusaaliriza, ndaleta kivi kandi uvudamanu kuye, Inzi Yahova mali kovora.”

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Zekaria 12:3

Navuzwa lwi ing'inga yeyo ilakaduuki, ndakakole Jerusalemi kuva kuli ligina lilitu, ihiiri yoosi ilakagelizi kulinginga ilakasaliri. Zihiiri ziosi ziekivala zilakahambane kwingilira Jerusalemi.

Vikolwa 16:39

Kunangwa, vazia kuvateeva zimbavasi, na lwa vamala kuvatuliza, vavagoonya vatuli mu lidaala yilio vazie.

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.