Isaya 41:10 - KITABU KITAKATIFU

¹⁰ Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 41:10 Iomraidhean Croise

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Litanga 31:5

Yavavolera, “Inzi ndolaa ndi baba winyu siaveeye nu vuyanzi ninzi kuli yaali maziambiri mba. Navuzwa Nyasaye wa baba wange aveeye harara ninzi.

Litanga 49:24

Navuzwa vuta vwivwe vwayetegeka, kandi zinguru zia Nyasaye Wuvunyali wa Isiraeli, kuvitira mumwayi kandi mukingi wa vandu va Isiraeli, zilomba makono geege kuva ni zinguru.

2 Samweli 22:19

Lwa ndaali mu kivi, vanzingilira, navuzwa Yahova yasoola.

1 Kyetsinyinga 12:18

Maku Roho gwa Nyasaye yaza ku Amasai, uwaali munene wa vandu Salasini, ma navoora, “O, Daudi mwana wa Jese, kunyi koveeye avoovo! Mirembe, mirembe ku ivi, mirembe give ku yavo avakonyaa ivi! Kigira Nyasaye woovo alakokoonya.” Hene yaho Daudi yavingiriza, navakola avanene mu liihi lilie.

2 Kyetsinyinga 20:17

Munyi si mulalwaana mu vulwani yivu mba, navuzwa musingiri mu vogono vwinyu, musingiri vudinyu, na mulalora liguuta lia Yahova ahaanaa. O, munyi avandu vi Ivuyuda na Jerusalemi, mutakuza mioyo jenyu mba, anoho mutatia, mugamba mutule kuzia ku valwaana, na Yahova alava harara na mwinye!’ ”

2 Kyetsinyinga 32:8

Oyo aveeye nizinguru ziu mundu, navuzwa kunyi koveeye na Yahova Nyasaye wiitu, kokokonya, ukulwaanira uvulwani vwitu.” Avandu valuvilirizwa ligali namakuva gu mwami wavo.

Zaburi 144:11

Ombonyie kutura ku vasigu vange valulu, kandi osoore kutura kuzinguru zia vasigu vange vi zihiiri zing'eni, avatavola agiligali kandi avavooraa uvugadi kali ku liesuuha.

Zaburi 144:8

avatavola agiligali, kandi avavooraa uvugadi kali ku liesuuha.

Zaburi 145:14

Yahova akoonyaa yavo vosi avaveeye mu vudinyu; kandi adigululaa yavo vosi avaveeye avadedekere.

Zaburi 147:12

Mwizominye Yahova, O, Jerusalemi! Mwizominye Nyasaye winyu, O, Ziyoni!

Zaburi 18:36

Ivi onombi kuvula kugumirwa, kandi ngikiri kugwa hasi kali hakuzu.

Zaburi 27:1

Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

Zaburi 29:11

Yahova ahaanaa zinguru ku vandu veve, kandi avagasizaa ni mirembe.

Zaburi 33:12

Vaveeye nu vugasu avandu va Nyasaye wavo aveeye Yahova. Vaveeye nu vugasu avandu va yatovola kuva aveeve umwene.

Zaburi 37:17

kigira Yahova alatuliza zinguru ku avadamanu, navuzwa alanenehiza yavo avaveeye avalungi.

Zaburi 37:24

Kali niiva valagwa hasi, Yahova alavakonya kusingira.

Zaburi 41:12

Ivi ulangonya kigira ngolaa agaveeye malungi; ulambiika mbe imbiri woovo mihiga ni mihiga.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 63:8

Ndahaanda vuzwa ku ivi, mukono gugwo mulungi gukingaa inzi.

Zaburi 65:5

O, Nyasaye, ivi ukutivuliranga ku likuha uvuguuti, kandi okolaa vindu viokogenyia okohonyia kunyi. Avandu ku lirova liosi, kandi engereka wi zinyanza zie ihale vasuuvira mu ivi.

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Isaya 37:6

Isaya yavavolera, “Muvoolere mwami, ‘Yahova avoora: Utatia kigira makuva gawaahulira mba, aga vatumikiri vu mwami wa Asiria vamali kovora sianyala kukohonyia mba.

Isaya 43:5

Mutatia mba kigira inzi mbeeye harara nimunyi! “Ndaleta kisukururwi chienyu kutura Ivugwi kandi ndamuvungiza harara kutura Imadioli.

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 50:9

Yahova Nyasaye aveeye mukonyi wange nivwaha unyala kungaragira kuva muhioli? Avasidagi vange vosi valagota kuli inguvu yi zisere ziakulia.

Isaya 52:7

Gaveeye gukuyaanziza ligali, kolola mutumwa naatuliyi mu vigulu, naletaa makuva malahi, makuva malahi gimirembe! Nalandizaa uvuguuti kandi avoleraa lidaala linene lia Ziyoni, “Nyasaye woovo aveeye Mwami!”

Isaya 60:19

“Liuva si lilava uvulavu vwinyu vwu mbasu mba, anoho umweli sigulava uvulavu vwinyu vwu vudiku mba; Inzi Yahova, ndava uvulavu vwinyu mihiga ni mihiga; uvulavu vwu vukumi vwange vulang'ereng'ana ku munyi.

Lisyoma lya Jeremia 3:57

Ivi waza ahimbi lwandakwanira kandi novoora, ‘Utatia mba.’

Danyeli 10:12

Maku yambolera, “Danieli, utatia mba Nyasaye umali kuhulira lisaala liilio kutura ing'inga yu kutanga lwa watovola kwegehiza kunangwa onyoore limanyiriza. Inzi mali kuduuka kigira gi lisaala liilio.

Danyeli 6:16

Kunangwa mwami yahaana malago gu kugumira Danieli kandi nukusiuvwa mu luhangaywa lwizura zisimba. Mwami yavolera Danieli, “Nyasaye woovo wa usaala mu giligali ayaanze akosole.”

Hosea 1:9

Yahova yavolera Hosea, “Umuguriki sivaveeye vandu vange mba, kigira avandu va Isiraeli si vaveeye avandu vange mba, kandi Inzi si mbeeye Nyasaye wavo mba.”

Haggai 1:13

Maku Hagai yahaana makuva ga Yahova ku vandu: “Inzi ndakave na munyi; yili ni lilagana liange.”

Haggai 2:5

Lwa mwatula mu kivala cha Egebeti, ndaalaga ndi ndava na munyi ing'inga yoosi. Inzi ngikiri harara na munyi. Kunangwa, mutatia mba.

Zekaria 10:12

Ndakahaane zinguru ku vandu vange; valakasigamiri kandi valakatie inzi.” Yahova umali kovora.

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Luka 1:13

Navuzwa engelosi yamuvolera, “Utatia mba, Zakaria, kigira Nyasaye ahuliyi lisaala liilio. Mukali woovo Sabeti alakwivulira mwana muyaayi, na ulamugulika Yohana.

Luka 1:30

Engelosi yamuvolera, “Utatia mba, Maria, kigira Nyasaye akovereye zimbavasi.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

2 Vakorintho 12:9

Navuzwa litivuli lilie liali, “Zimbavasi ziange nizio zia wenyaa, kigira zinguru ziange ziveeye zindukiru ligali lwa oveeye mudedekere.” Kunangwa, mbeeye nu vuyanzi ligali kwekonya kigira ovodedekere vwange, kunangwa nduuki konyoora likingwa lie zinguru zia Kristo.

Vafeso 3:16

Inzi saalanga ku Nyasaye kutura ku vuhinda vwu vukumi vwivwe ahaane zinguru kumunyi kuvitira mu Roho weve, muduuki kuva nizinguru mu liiva lienyu liu mugati.

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Vafilipi 4:13

Nyara kokora ivindu viosi kuvitira mu Kristo, uhaana ku inzi, izingulu kusingira.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Vakalagi 6:16

Yahova yamutivulira, “Unyala kokora ndio kigira Inzi ndakokonya. Uladiviza vandu va Midiani kuli udiviza umundu mulala.”