Isaya 40:22 - KITABU KITAKATIFU

²² Nyasaye yalomba lirova niyikaye kondeve yeye yu vwami, igulu wi lirova kandi igulu wi ligulu. Vandu vaveeye haasi ku lirova valoreka kuva kuli madagalia. Nyasaye yavambula ligulu kuli inguvu yukukinga, kandi kuli lihema liokomenya mu.

Isaya 40:22 Iomraidhean Croise

Litanga 1:6

Nyasaye yalaga, “Voveho uvwerefu hagati ha mazi kwavukanyia mazi ku mazi.”

Ayubu 22:14

Amalesi maliduhu ga mukuniki, kunangwa sianyala kolola mba, kandi agendaa igulu mu vwerefu.’

Ayubu 26:7

Nyasaye yavaambuula uvwerefu ku lovega lwa ivaale, kandi niyeleriza lirova havundu hatali ni kindu chu ku ligumira.

Ayubu 36:29

Siaveeye ho nu mundu kali mulala umanyi kuli malesi gagendaa, anoho kuli inguba ihiriganaa, kuvitira mu vwerefu, uwa Nyasaye amenyaa.

Ayubu 37:18

Unyala kokoonya Nyasaye kuvambuula ligulu kandi ulikole live lidinyu kuli kivia kisiyiywi?

Ayubu 9:8

Oyo yeng'ine niyie uwaala ligulu, kandi niyie uwaseena seena gunyama gonene gwu munyanza nukugwita.

Zaburi 104:2

Ivi wikunikaa nu vulavu kuli inguvu, Waavambula ligulu kuli lihema;

Zaburi 18:11

Kisundi kenene chamukunika; kandi malesi maliduhu agizula mazi manyingi ga mukumberiza.

Zaburi 19:4

navuzwa amakuva gavio galaanda mu lirova mwosi; kandi gahulilikaa kuduuka ku keheri chi lirova. Nyasaye yalombera iliuva hango muvwerefu.

Zaburi 2:4

Yahova Nyasaye uwikala igulu mwigulu asekeliza kandi avakolera kehenyahenye.

Zaburi 29:10

Yahova yamiha ku mazi gululiva, yamiha kuli mwami mihiga ni mihiga.

Zaburi 68:33

ku uyu uninaa igulu mwigulu, ligulu liveeye lia kale. Mumuhulirizi lwa ahanzukaa nu mwoyo munene.

Tsing'ano 8:27

Ndali ho lwa yalomba ligulu naalivika haliveeye, lwa yavambalariza vwerefu kunyanza.

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Isaya 37:16

“O, Yahova Wuvunyali, Nyasaye wa Isiraeli, uwikaye kondeve yu vwami igulu wa Vakerubi, ivi weng'ine, oveeye Nyasaye, uwamihaa uvwami vwosi vwi kivala. Ivi walomba ligulu nilirova.

Isaya 40:15

Zihiiri ziosi ziveeye ku Yahova kuli ingelageliza ya mazi mu isiongo, kandi zivalizwa kuva kuli luguchi ku zigero. Ivisulu viosi vie inyanza viveeye kuye kuli muyeke.

Isaya 40:17

Zihiiri ziosi siziveeye kindu imbiri wa Yahova mba, zivaliziiywi kuye kuva kuli mwika vuzwa.

Isaya 42:4

Sialakuza mwoyo mba, navuzwa alaleeta likalaga lirungi ku lirova. Avandu vamenyi mu visulu valindilira lilaga lilie.”

Isaya 42:5

Nyasaye yalomba ligulu kandi nalivambula kuli lihema; kandi yalomba lirova kandi viosi vimenyi mulio. Yahaana mwika gwi livamwoyo ku vandu vosi avamenyi mu lirova. Kalunu Yahova Nyasaye avoora ku vatumikiri veve ndi,

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Isaya 51:13

Ivi wiviiliyi inzi Yahova uwakolomba, uwaavambula ligulu kandi uwavika mise jie lirova. Kigira ki omenye muvuti kazozo vwu vululu vwa yavo avakudambizaa, vwa yavo aveetegeki kukudiviza? Uvululu vwa avadambizi voveeye haliha?

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Jeremia 10:12

Yahova yalomba lirova nizinguru zizie mwene; yalomba kivala novogeri vwivwe kandi navambura ligulu.

Zekaria 12:1

Yili ni likuva kutura ku Yahova kigira Isiraeli, Yahova walomba ligulu ni lirova, kandi wahaana livamwoyo ku mundu avoora,

Livalidza 13:33

Kali kwalola mu kivala yiki mindu minene ligali, vaali visukululwi via Anakimu. Kwaloleka kuva vakekeeke kuli amadagalala kuvo, kunangwa nindio kwaloleka imbiri wavo.”