Isaya 40:15 - KITABU KITAKATIFU

¹⁵ Zihiiri ziosi ziveeye ku Yahova kuli ingelageliza ya mazi mu isiongo, kandi zivalizwa kuva kuli luguchi ku zigero. Ivisulu viosi vie inyanza viveeye kuye kuli muyeke.

Isaya 40:15 Iomraidhean Croise

Litanga 10:5

Vaali avaguuga va vandu vamenya ahimbi ku visulu vienyanza. Yivi nivisukululwi via Jafeza, ivimenyi muzihiiri nivivala viavo lugano na lugano vuli muganda nigumoloma lulimi lwagwo.

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Zaburi 62:9

Avandu vosi vaveeye vuzwa kuli umwika. Avanene navakekeeke keleng'ani sivaveeye kindu kitakonya vaviiki ku kibimu, na sivali nuvulitu mba; vaveeye avahuuhu vuzwa kuvita mwika.

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 17:13

Mahi gi zihiiri gaaza kuli muriviti gwa mazi manene, navuzwa Nyasaye alagagondokera nago galiirukira ihale ligali. Galakungwa kuli mukuuzi ku vigulu imbiri wi imbuza ihuuzaa; valakungwa kuli luguki luhilwa ni kihuzuzi.

Isaya 2:22

Mutaviika lisuuvira lienyu mu avandu mba, kigira vaveeye kuli umwika. Vaveeye na vokonyi ki?

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 40:22

Nyasaye yalomba lirova niyikaye kondeve yeye yu vwami, igulu wi lirova kandi igulu wi ligulu. Vandu vaveeye haasi ku lirova valoreka kuva kuli madagalia. Nyasaye yavambula ligulu kuli inguvu yukukinga, kandi kuli lihema liokomenya mu.

Isaya 41:5

“Avandu vamenyi ihale vamali kolola aga inzi ndaakola, vaveeye nu vuti kandi ni lidegera linene. Kunangwa vosi visunda ahimbi nu kuvugana harara.

Isaya 59:18

Alahaana mageri ku vasigu veve kolondekana ku agavamali kokora. Yee, uvutima vwivwe ni livaanza kisaalia chiche viladuuka ku vasigu veve. Alahaana mageri kali ku yavo avamenyaa muvivala vie ihale.

Isaya 66:19

kandi valamanya ndi inzi Yahova mbana amageri kuvo. Navuzwa ndahonyia valala nukuvatuma ku zihiiri, ziveeye mu vivala vikagatanaa ni inyanza - Tarishishi, Libia, Lidia kivala keveeye na vasaza vaveeye ni limanya liu kulasa uvuta, Tubali kandi Ivuguriki. Avandu vakikiri kuhulira luyali lwange anoho avakikiri kolola ovonene kandi zinguru ziange, hagati hi zihiiri yizi, valalandiza ovonene vwange.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Danyeli 11:18

Inyima wa yaga, alakingiliri zihiiri ziveeye kundulu kwi inyanza nu kuguuta zinyingi kuzio. Navuzwa mwimiliri mugeni alakamuguuti nokuheliza vwigingiri vwivwe. Alakilanyili mwami wa Siria liegingira lilie.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Zefania 2:11

Yahova alakavatiihizi. Alakalombe avanyasaye vaavo vi kivala kuva kindu vuzwa, maku zihiiri ziosi zilakamusigamiri muvivala viavo.