Isaya 40:10 - KITABU KITAKATIFU

¹⁰ Yahova Wuvunyali yaazaa kwamiiha ni zinguru, kandi alaza kuhaana amadanyi ku yavo avayahonyia.

Isaya 40:10 Iomraidhean Croise

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Zaburi 110:6

Alakalagira zihiiri nukwita avandu vanyingi. Alaguuta avami ku lirova liosi.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Isaya 28:2

Yahova aveeye nu mundu mulala Wuvunyali kandi wizingulu wetegeki kuvingilira uyu uliizaa kuli imbura ya magina, kuli imbura yologelera, kuli kiihi cha mazi manene ganyagulaa vwangu vwangu, na alavazooma hasi nukuvaguuta.

Isaya 33:2

Yahova, okovererere. Kunyi kumali kuviika lisuuvirizwa lietu mu ivi. Ukukingi vuli lidiku na okohonyie ing'inga yuvudinyu.

Isaya 49:4

Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 53:12

Kigira yaga, ndamuviika havundu hu luyali, alagavulana vilaanye harara na avizingulu. Kigira yihaana umwene kuduuka ku likuza, yavalizwa harara na voni; kali ndio, yaginga uvwoni vwa vandu vanyingi kandi nasaara ndi avoni vaduuki kusaamiifa.”

Isaya 59:15

Agiligali sigaveeye ho mba kali ku vosi oleka likora uvudamanu yiviika umwene mu lidambizwa.” Yahova umali kolola yaga, kandi uvihiliriziywi konyoora ndi sihali ni likalaga lirungi mba.

Isaya 59:16

Yahova ogenyi kolola ndi si haali nu mulala okonyaa avadambi mba. Kunangwa alatumikira zinguru zizie kuvasoora kandi kuvaha iliguuta.

Isaya 59:18

Alahaana mageri ku vasigu veve kolondekana ku agavamali kokora. Yee, uvutima vwivwe ni livaanza kisaalia chiche viladuuka ku vasigu veve. Alahaana mageri kali ku yavo avamenyaa muvivala vie ihale.

Isaya 62:11

Yahova alandizaa ku vandu vosi vi lirova ndi: “Muvoolere avandu va Jerusalemi, ndi Yahova yazaa kumuhonyia, kandi alaza harara na vandu va yamala kosoola.”

Isaya 63:5

Na ndaali niligenya lwa ndahenza nokolola ndi sihali nu mulala wokongoonya. Ndahuga nukutia ligali kolola ndi si haali ho nu mulala wukunyunga mukono. Kunangwa ndanyoora liguuta kuzinguru ziange umwene, na uvutima vwange vululu vwangonya.

Jeremia 31:16

Mulekere lilira kandi mweye amaliga ginyu. Goosi agamumali kokolera avana vinyu kuduuka namuhevwe amadanyi; navirane kutura mukivala chumusigu.

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Yohana 12:13

Kunangwa vaavugura zisia zia makindu nivazia kumwaganira, nivakuba isango nivavoora, “Hosana! Agasizwi uyu uzaa mu lieta liu Mwami. Agasizwi Mwami wa Isiraeli.”

Yohana 12:15

“Utatia mba, lidaala lia Jerusalemi! Henza, Mwami woovo yaazaa, yikaye ku kemoli chisukiri.”

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

1 Yohana 3:8

Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.

Likunula 22:12

Yeso avoora, “Hulira Inzi nziza vwangu! Mbeeye na amadanyi gange, kutunga umundu sa mulala kolondekana ni miyinzi jije.