Isaya 4:5 - KITABU KITAKATIFU

⁵ Maku Yahova alakunika kiguru cha Ziyoni harara na vandu vosi avavugani mucho ni lilesi mu ing'inga yu muvasu, kandi umwochi ni ling'ereng'ana liolomemo vilavaho mu ing'inga yu vudiku. Vukumi vwa Nyasaye vulakunika nu kosoola lidaala linene liosi.

Isaya 4:5 Iomraidhean Croise

Nehemia 9:12

Mu ing'inga ya mbasu, wavimilira numunara gwi lilesi; na mu ing'inga yuvudiku, wavimilira nu munara gwu muliru kuvaha uvulavu kunzira ya gavadukiraa valonde ku.

Zaburi 105:39

Nyasaye yalaga lilesi igulu kukinga avandu veve, kandi yaleeta muliru kuhaana vulavu kuvo havudiku.

Zaburi 111:1

Mwizominye Yahova! Ndasandiza Yahova nu mwoyo gwange gwosi, mu livugana lia vandu veve valungi.

Zaburi 78:14

Yaavimilira ni lilesi ing'inga yu mbasu, ing'inga yuvudiku yaavimilira nuvulavu vwu muliru.

Zaburi 85:9

Ligali Yahova yeetegeki kohonyia yavo avamuhezaa uluyali, na uvukumi vwivwe vuduuki komenya mu kivala chietu.

Zaburi 89:7

Ivi oveeye Nyasaye utiivwa mu livugana lia vatakatifu, vosi vasingilaa mu liegehiza imbiri woovo.

Kutwula 14:24

Kunangwa mumavwevwe Yahova yahenza hasi kutura mumunaara gwu muliru kandi gwa malesi ku liihi lia vandu va Egebeti naavagoyanyia ligali.

Kutwula 24:16

Uvukumi vwa Yahova vwaza ku kiguru kandi lilesi liakikunika ku madiku sita. Lidiku lia saba Yahova yalanga Musa kutura hagati ha malesi.

Kutwula 26:1

“Olombe mugati mwi Lihema litakatifu liukuvuganira mu, Lihema liukwaganira mu ninzi, kutura ku vidonye likomi vie katani indahi, vianavwa kutura ku vwoya vwirangi ya bulu, muzambarao kandi inzakanyu. Uviiki ku amangirinya ga vakerubi.

Kutwula 26:7

“Olombe kikuniku chi Lihema kutura ku vidonye inguvu ivialombwa ku vwoya vwi zimburi.

Isaya 32:18

Avandu va Nyasaye valava avavoholore kutura mu lihenda mwoyo liavo. Hango haavo halava hovomenyo vwi likingwa kandi hi mirembe.

Isaya 33:20

Heenzi ku Ziyoni, lidaala linene ha kolombera masavo giitu agidiini. Heenzi ku Jerusalemi! Lidaala linene lio komenya mu, ni mirembe! Lilava kuli lihema ilitanyala kusundwa kali hakuzu, ilie vivambo vialio vitanyala kwifwa, kandi lie migoye jalio jinyala kukalika.

Isaya 37:35

Ndakinga kandi ndahonyia lidaala yili, kigira luyali lwange mwene kandi kigira lisuuviriza lia ndalomba ku mutumikiri wange Daudi.’ ”

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 60:1

Vuka ivi Jerusalemi, kandi ong'ereng'ane kuli liuva; uvukumi vwa Yahova vong'ereng'anaa ku ivi!

Isaya 60:2

Zihiiri zindi zilakunikwa ni kisundi, navuzwa uvulavu vwa Yahova vulang'ereng'ana ku ivi; uvukumi vulang'ereng'ana ku ivi.

Matayo 18:20

Kigira hoosi ha vavugani vaviri anoho vavaga ku lieta linage, inzi mbeeye hagati haavo.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”