Isaya 39:2 - KITABU KITAKATIFU

² Hezekia yagenihiza avatumwa yavo nuvusangali, kandi navamanyia miandu jije, ivindu vivie viuvuguli vudinyu: ifeza, izahabu, vindu vifunya mwayu, amaguta guvuguli vudinyu, kandi viugi vivie viosi viuvulwani. Si haali ho ni kindu kali kilala mu mavikiru geege goosi anoho munyumba yeye yu vwami chayavula kuvamanyia mba.

Isaya 39:2 Iomraidhean Croise

1 Avami 10:10

Yaaha mwami Solomoni vihaanwa via yaali naleti, kuvita zikilo 4,000 zie zahabu kandi mudalasini munyingi ligali kandi na magina guvuguli. Mudalasini gwu mukali uyu yaaha Solomoni gwali umunene kuvita gwa yanyoora ing'inga yindi yoosi.

1 Avami 10:15

komeeda ku vusuuru kutura ku vakiranyi kandi vukala kutura ku viasara kandi vusuuru vwatungwa na vami vosi va Arebia kandi vamiihi vi vivala via Isiraeli.

1 Avami 10:2

Yazia harara nu muganda munene gwa vatumikiri, kandi ni zing'amia nizigingi mudalasini mwayu, izahabu inyingi ligali kandi magina guvuguli vonene. Lwa Solomoni yagana, nu mukali oyo yamuteeva mateeva goosi ga yaali anyala kuganaganyia.

1 Avami 10:25

Vulii mundu waza, yamuletera vihaanwa, kuli; viju vie zahabu ni feza, ziganza, viugi, mudalasini, zibarasi, kandi zisukiri. Yaga gazizagilira vuli muhiga.

2 Avami 20:13

Hezekia yingiriza avatumwa yavo, kandi navamanyia uvutugi vwivwe, ifeza ni zahabu yeye, viafunya mwayu kuli mudarasini, kandi maguta gafunyaa mwayu, kandi ni viuma vivie viu vulwani. Sichali ho ni kindu mu zinyumba zizie ziosi mwa yavikaa vindu vivie, via yavula kuvamanyia mba.

2 Kyetsinyinga 32:25

Navuzwa Hezekia yaali niliegingira linene ligali kali siyaali unyala kumanya lisandiza ku aga Yahova yaali naamukoleye mba. Ku lwayago, uvutima vwa Yahova vwaduuka kuye, Ivuyuda kandi Jerusalemi.

2 Kyetsinyinga 32:27

Mwami Hezekia yamanya naava mutugi ligali, na vuli mundu yamuha luyali lonene. Yumbaka zinyumba zia mavikiru gi izahabu, ifeza, kandi zia magina guvuguli vudinyu, vindu viazuganywa mu na manemane, zie zinguva kandi zie viju viuvuguli vudinyu ligali.

2 Kyetsinyinga 32:31

Lwa vatumwa kutura Babiloni vaza koteveveleriza amakuva gi kindu chokogenyia ichaali ni chekoleki mu kivala, Nyasaye yaleka Hezekia azie kunzira yeeye mwene aduuki kumugeriza kumanya agaveeye mu mwoyo gwigwe.

2 Kyetsinyinga 9:1

Mwami wi kikali wa Sheba yahulira lusuma lwu mwami Solomoni, yazia Jerusalemi kumugeriza na amateeva madinyu. Yazia harara ni kiduma kenene cha vadendi, harara ni zing'amia ziali nizigingi viseve viafunya mwayu, izahabu inyingi na magina guvuguli vunyingi. Lwu mwami wi kikali wa Sheba na vadendi veve vaagana na Solomoni, yamuteeva mateeva ga yaali nago.

2 Kyetsinyinga 9:9

Mwami wi kikali wa Sheba yaaha mwami Solomoni vihaanwa via yaali naaleeti. Viali izahabu zikilo 4,000, ma kandi kedonye kenene ligali chu mudalasini kifunyaa mwayu, kandi magina malahi guvuguli vonene. Si haali ho ni vifunyaa mwayu kuli yivi viu mwami wi kikali wa Sheba yaaha mwami Solomoni mba.

Ayubu 31:25

Si ndasangara ku kigira miandu jange jiali minyingi mba, anoho sindaasangara ku kigira makono kange gaali ni ingavi mba.

Tsing'ano 4:23

Henza kuli uganaganaa. Livamwoyo liilio lilombwaa ni zing'anagani zizio.

Kohelethu 7:20

Siaveeye ho nu mundu mulungi mu kivala okolaa vulungi ing'inga yoosi, kandi uvula kokora vudamanu mba.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

1 Yohana 1:8

Ni kovora sikoveeye nu uvwoni, kwigaada kunyi aveene, na giligali sigaveeye mu kunyi mba.