Isaya 37:4 - KITABU KITAKATIFU

⁴ Mwami wa Asiria utumi mwimiliri wa vatumikiri veve kuuza konyega Nyasaye oveeye mwoyo. Yahova Nyasaye woovo ahuliri manyego yaga ma ahaane mageri ku yavo avagamolomi. Kunangwa usaale ku Nyasaye kigira avandu viitu avatigara mwoyo.”

Isaya 37:4 Iomraidhean Croise

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

2 Avami 17:18

Yahova yavihilirizwa na vandu va Isiraeli, kandi navatuliza mu zimoni zizie, naleka vuzwa uvwami vwa Vayuda vweng'ine.

2 Avami 19:4

Mwami wa Asiria umali kutuma Rabishake, munene wa vanene veve kuuza konyega Nyasaye oveeye mwoyo. Yahova Nyasaye woovo ahuliri manyego yago nu kuhaana mageri ku yavo avagamolomaa. Kunangwa saali ku Nyasaye kigira avandu yavo avatigara mwoyo.”

2 Kyetsinyinga 28:19

Yahova yahaana mageri nu kwikiza vandu vi Ivuyuda, kigira mwami Ahazi yaali navuli kumuhulira kandi naasuuyi kwigalira avandu vi Vuyuda vavuli kokora uvwoni.

2 Kyetsinyinga 34:21

“Muzie koteeve Yahova kulwange nu ku lwa vandu vatigara mu Isiraeli ni Ivuyuda, kigira amigizu gi kitabu yiki. Uvutima vwa Yahova voveeye vonene ligali kigira avaguuga viitu sivahulira makuva ga Yahova kandi si vakora kolondekana na makuva goosi agang'odwa mu kitabu yiki mba.”

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Isaya 1:8

Lidaala lia Jerusalemi lilekeywi kuli kidioli chumusikari mu kizabibu, anoho lidiri mu mulimi gwa mahondo kuli lidaala likumbiriziywi na vasigu.

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 10:20

Ing'inga yizaa lwa vandu va Isiraeli vatigara kandi avahononoka valakavuli kusuuvira ihiiri yaali himbi kuvadiviza. Valakaviki lisuuvira liavo ku Yahova, Nyasaye Mutakatifu wa Isiraeli.

Isaya 10:22

Kali niiva kalunu avandu va Isiraeli vaveeye vanyingi kuli umuyeke gu munyanza, vakekeeke vuzwa kuvo valirana. Lidiviza liveeye ho ku vandu, kandi lidukanaa ligali.

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 36:13

Maku Rabishake yasingira nahanzuka nu mwoyo munene mu Luheburaina navoora, “Huliri agu mwami wa Asiria amuvoleraa.

Isaya 36:18

Mutaleki Hezekia amusiruharize muduuki kuganagana ndi Yahova alamusoola. Umunyasaye wi zihiiri zindi ziosi yahonyia ku vivala viavo kutura ku mwami munene wa Asiria?

Isaya 36:20

Ni ng'inga ki ya vanyasaye vi vivala yivi viosi vahonyia ku vivala viavo kutura ku mwami wiitu? Kunangwa ni ki kekolanga munyi kuganagana ndi Yahova anyala kohonyia Jerusalemi?”

Isaya 37:17

Kalunu, O, Yahova, ukuhuliri na ohenze ku agekolekaa ku kunyi. Huliriza ku vindu viosi via Senakeribu avoora okonyega ivi, Nyasaye oveeye mwoyo.

Isaya 37:31

Yavo avalitigala vihiiri yi Ivuyuda valamedeka kuva vanyingi kuli misaala jihilaa miri musi mu malova nukwama makuyu malahi.

Isaya 37:32

Halava ho navandu mu Jerusalemi kandi ku kiguru cha Ziyoni avalitigala mwoyo, kigira Yahova Wuvunyali usaaviyi kokora ivindu yivi viekoleke.

Isaya 37:5

Lwa avatumikiri vu mwami Hezekia vaza ku Isaya,

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 46:3

“O, mumbulirizi munyi visukululwi via Yakobo, vosi avatigara ku avandu vange! Ndaamulinda kutura ing'inga ya mwivulwa.

Jeremia 26:19

Mwami Hezekia navandu vi Ivuyuda siviita Mika mba. Navuzwa, Hezekia yaaha Yahova luyali kandi nageriza koyeeka kuliyaanzilira lilie. Maku Yahova yagirung'anyia zing'anagani zizie kigira kivi chayaali navooye alaleeta kuvo. Kalunu koveeye ahimbi koleta kivi chilitiihiza kukunyi aveene.”

Jeremia 42:2

ni vavoola, “Mwaza yaanza okole agakokoteeva! Ukusaviri ku Yahova Nyasaye wiitu. Ukusaaliri kunyi vosi avamali kutigala. Mulitanga kwaali avanyingi, navuzwa kalunu koveeye vuzwa avakeekeke avatigara kutura mu avanyingi, kuli ivi mwene ololaa.

Danyeli 2:18

Danieli yavavolera vasaale ku Nyasaye wu Mwigulu kuvaha zimbavasi kandi kumuteeva avivaaliri a gimbisu gokogenyia kunangwa vavuli kwitwa harara na vageri vandi va Babiloni.

Joeli 2:17

Avasaalisi avatumikiri va Yahova hagati hu vwali kandi nuvwingiliru vwi Litembeli, kuduuka valiri, vasaale na vavoole: “Yahova, overerere avandu vovo. Utaleka izihiiri zindi zikulege nokokokolera kehenyahenye nokovoora, ‘Aveeye hayi Nyasaye winyu?’ ”

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Amosi 7:2

Mu malola gange, ndalora zisigi nizilizaa vuli kindu choosi ichaali nikivirukaa chi irangi yu vulimu ku kivala maku ndaavora, “Yahova Nyasaye Wuvunyali, yaanza usamihi avandu vovo Isiraeli! Vanyara kohona ndi? Vaveeye vakekeeke kandi vadekere!”

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;

Yakobo 5:16

Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.

Joshua 14:12

Kunangwa kalunu, mbe kivala chi kiguru icha Yahova yandaga ku lidiku yilio lwa avandu vange harara ninzi kwahaana amakuva giitu. Kwakovoolera ulwene yilwo ndi ihiiri ya imindu minene ligali, avalangwa vandu va Anaki vaali yo mu madaala manene gizimbinga. Hawundi Yahova alangoonya, kuvakunga vatuli, kuli yahova yaali navooye.”

1 Samweli 12:19

kandi vavoolera Samweli, “Mwaza kusaaliri ku Yahova Nyasaye woovo, kunangwa kunyi avatumikiri vovo kuvuli kukuza. Kalunu kumanyi ndi, komeeda ku vwoni vwitu vundi vwosi, kwakora uvwoni ku liteeva koheevwe mwami.”

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.

1 Samweli 7:8

kandi vavoolera Samweli, “Zizagilira kwanira ku Yahova Nyasaye wiitu aduuki kukohonyia kutura ku vandu va Filisitia.”