Isaya 37:30 - KITABU KITAKATIFU

³⁰ Maku Isaya yavolera mwami Hezekia, “Yiki ne kelolero cha makuva gazizaa kwekoleka. Muhiga gunu nu muhiga guzaa mulava vuzwa nuvuswage vwu mbulimu, navuzwa mu muhiga gwa kavaga, mulataga uvuswage vwinyu aveene nokovogesa, kandi mulasimika vizabibu nukulia mazabibu.

Isaya 37:30 Iomraidhean Croise

2 Avami 19:29

Maku Isaya yavolera mwami Hezekia, “Yiki nicho kelolero ku agaliekoleka. Muhiga gunu, kandi muhiga guzaa, ulalia vuswage vwu mu vulimu vweng'ine navuzwa muhiga gwa kavaga mulataga vuswage, ma muvogese, kandi musimiki mizabibu nu kulia makuyu gajo.

2 Avami 20:9

Isaya yativura navoora, “Yahova alakuha kelolero chu kumanyia ndi alalinda lilagana lilie. Kalunu, wakayanziliriyi ichiriri chi ingasi yi inyumba kizie imbiri vika likomi anoho chirane inyima vika likomi?”

Kutwula 3:12

Nyasaye yamuvolera, “Inzi ndava harara nivi, na lwa utuliza avandu yava mu Egebeti mulakasigamiri ku kiguru yiki. Yicho kilava kimanyiru ndi inzi mali kukutuma.”

Isaya 38:7

Isaya yativura navoora, “Yahova alakuha kelolekizu kukumanyia ndi aladuukiza lisuuvizwa lilie ku ivi.

Isaya 65:21

Avandu valumbaka zinyumba kandi valamenya muzio aveene, valataga mizabibu mu milimi jaavo kandi valalia amakuyu gajo.

Isaya 7:11

“Teeva Yahova Nyasaye woovo akohe kelolero, kinyala kuva ni kituli musi mu kivala cha vakuzu anoho igulu mwigulu.”

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Kyavalevi 25:11

Umuhiga gwa amusini goveeye gwi lisangala lienyu. Mutataaga milimi mba kandi mutagesa vuswage vwamera vwene anoho kwagula makuyu gi mizabibu javula kosembelwa nokuhalulirwa mba.